ເຄັດລັບການຄົ້ນຄວ້າ
ເຈົ້າໄດ້ຮັບປະໂຫຍດຈາກການອະທິບາຍຂໍ້ຄຳພີທີ່ຢູ່ໃນຄູ່ມືຄົ້ນຄວ້າສຳລັບພະຍານພະເຢໂຫວາບໍ?
ຄຳອະທິບາຍເຫຼົ່ານີ້ສາມາດຊ່ວຍເຈົ້າໃຫ້ເຂົ້າໃຈຄຳພີໄບເບິນຫຼາຍຂຶ້ນ. ໃນນັ້ນຈະມີຂໍ້ມູນຫຼາຍຢ່າງ ເຊັ່ນ: ມີລາຍລະອຽດກ່ຽວກັບປະຫວັດສາດຕອນທີ່ຂຽນຂໍ້ຄຳພີນັ້ນ ເປັນຫຍັງຈຶ່ງຂຽນຂຶ້ນມາ ຂໍ້ນີ້ໃຊ້ກັບໃຜ ແລະຍັງອະທິບາຍຄວາມໝາຍຂອງຄຳສັບຫຼືສຳນວນໃນຂໍ້ນັ້ນນຳ.
ເຮົາສາມາດເຂົ້າຫາຄູ່ມືການຄົ້ນຄວ້າສຳລັບພະຍານພະເຢໂຫວາໄດ້ໂດຍທາງຫ້ອງສະໝຸດອອນລາຍຂອງວັອດສ໌ທາວເວີ້ (Watchtower ONLINE LIBRARY™) ແລະແອັບ JW Library® ຖ້າເຈົ້າໄປທີ່ຂໍ້ຄຳພີ ເຈົ້າກໍຈະເຫັນຂໍ້ມູນອ້າງອີງກ່ຽວກັບຂໍ້ນັ້ນໄດ້ໃນບ່ອນສຳລັບສຶກສາຄົ້ນຄວ້າເຊິ່ງຢູ່ດ້ານຂ້າງ.
ເມື່ອເບິ່ງຂໍ້ມູນເຫຼົ່ານັ້ນ ຂໍໃຫ້ສັງເກດເບິ່ງການລຽງລຳດັບຂອງບົດຄວາມ. ບົດຄວາມຫຼ້າສຸດຈະຢູ່ລຳດັບທຳອິດ ຕໍ່ຈາກນັ້ນກໍຈະແມ່ນບົດຄວາມເກົ່າໆແຕ່ບາງຢ່າງອາດຈະມີການປັບປ່ຽນຄວາມເຂົ້າໃຈໄປແລ້ວ.
ໃນຫ້ອງສະໝຸດອອນລາຍຂອງວັອດສ໌ທາວເວີ້ (Watchtower ONLINE LIBRARY™) ຈະມີຄູ່ມືຄົ້ນຄວ້າໂດຍອັດຕະໂນມັດຢູ່ແລ້ວ.
ສ່ວນໃນແອັບ JW Library® ໃຫ້ດາວໂຫຼດຄູ່ມືຄົ້ນຄວ້າແລະອັບເດດເມື່ອມີຂໍ້ມູນໃໝ່. ເຮົາເຮັດແບບນີ້ໂດຍກົດປຸ່ມດາວໂຫຼດທີ່ຢູ່ທາງເທິງຂອງບ່ອນສຳລັບສຶກສາຄົ້ນຄວ້າຂອງຄຳພີໄບເບິນໃນບົດໃດກໍໄດ້.