ເພງສັນລະເສີນ
ຫົວທີ 2
(ເພງສັນລະເສີນ 42-72)
ເຖິງຜູ້ຄວບຄຸມດົນຕີ. ມັດຄິວ*ຂອງລູກຫຼານໂກຣາ.+
42 ພະເຈົ້າເອີ້ຍ ລູກຊອກຫາພະອົງ
ຄືກັບໂຕກວາງທີ່ຫິວນ້ຳຊອກຫານ້ຳຫ້ວຍ.
2 ຄືກັບຄົນທີ່ຕ້ອງການນ້ຳ ລູກກໍຕ້ອງການພະເຈົ້າຜູ້ມີຊີວິດຢູ່.+
ປານໃດລູກຈະໄດ້ໄປຢູ່ຕໍ່ໜ້າພະອົງ?+
3 ລູກກິນນ້ຳຕາຂອງໂຕເອງເປັນອາຫານທັງເວັນທັງຄືນ.
ຄົນພາກັນເຍາະເຍີ້ຍລູກໝົດມື້ແລະເວົ້າວ່າ: “ຢູ່ໃສພະເຈົ້າຂອງເຈົ້າຫັ້ນນະ?”+
4 ລູກຍັງຈື່ໄດ້ດີວ່າລູກລະບາຍຄວາມຮູ້ສຶກຂອງລູກໃຫ້ພະອົງຮູ້
ແລະຕອນທີ່ຍ່າງໄປກັບຄົນຫຼາຍໆ
ລູກຍ່າງແບບຈິງຈັງ*ແລະນຳໜ້າເຂົາເຈົ້າໄປວິຫານຂອງພະເຈົ້າ.
ໃນຕອນນັ້ນ ພວກເຮົາທຸກຄົນຮ້ອງດ້ວຍຄວາມດີໃຈແລະຂອບໃຈພະເຈົ້າ.
ພວກເຮົາເປັນຄົນກຸ່ມໃຫຍ່ທີ່ກຳລັງສະຫຼອງເທດສະການ.+
5 ເປັນຫຍັງຂ້ອຍຄືທໍ້ໃຈແທ້?+
ເປັນຫຍັງຂ້ອຍກະວົນກະວາຍໃຈແບບນີ້?
6 ພະເຈົ້າຂອງລູກ ລູກທໍ້ໃຈແຮງ+
7 ລູກໄດ້ຍິນສຽງນ້ຳໄຫຼແຮງ
ມັນເປັນສຽງນ້ຳຕົກຂອງພະອົງ.
ບັນຫາຕ່າງໆຊັດໃສ່ລູກຄືກັບຄື້ນໃຫຍ່ໆຂອງພະອົງ.+
8 ໃນຕອນກາງເວັນ ພະເຢໂຫວາຈະສະແດງຄວາມຮັກທີ່ໝັ້ນຄົງຕໍ່ຂ້ອຍ.
ໃນຕອນກາງຄືນ ຂ້ອຍຈະຮ້ອງເພງກ່ຽວກັບພະອົງແລະຈະອະທິດຖານຫາພະເຈົ້າຜູ້ໃຫ້ຊີວິດຂ້ອຍ.+
9 ຂ້ອຍຈະຖາມພະເຈົ້າຜູ້ເປັນຫີນຜາຂອງຂ້ອຍວ່າ:
“ເປັນຫຍັງພະອົງຈຶ່ງລືມລູກ?+
ເປັນຫຍັງລູກຈຶ່ງຕ້ອງຍ່າງດ້ວຍຄວາມໂສກເສົ້າຍ້ອນຖືກສັດຕູກົດຂີ່ຂົ່ມເຫງ?”+
10 ສັດຕູກໍພາກັນປະຈານຂ້ອຍຢ່າງຮຸນແຮງ.*
ເຂົາເຈົ້າເຍາະເຍີ້ຍຂ້ອຍໝົດມື້ແລະເວົ້າວ່າ: “ຢູ່ໃສພະເຈົ້າຂອງເຈົ້າຫັ້ນນະ?”+
11 ເປັນຫຍັງຂ້ອຍຄືທໍ້ໃຈແທ້?
ເປັນຫຍັງຂ້ອຍກະວົນກະວາຍໃຈແບບນີ້?