ເອເຊກຽນ
41 ຈາກນັ້ນ ລາວກໍພາຂ້ອຍເຂົ້າໄປຫ້ອງບໍລິສຸດ*ຂອງວິຫານ. ລາວແທກເສົາຢູ່ທາງເຂົ້າ. ເສົາຕົ້ນໜຶ່ງຢູ່ເບື້ອງຊ້າຍ ແລະອີກຕົ້ນໜຶ່ງຢູ່ເບື້ອງຂວາ. ເສົາແຕ່ລະຕົ້ນນັ້ນມີເບື້ອງໜຶ່ງກວ້າງ 6 ສອກ* 2 ແລະອີກເບື້ອງໜຶ່ງກວ້າງ 5 ສອກ.* ທາງເຂົ້າຂອງຫ້ອງກວ້າງ 10 ສອກ.* ລາວແທກຂະໜາດຂອງຫ້ອງ. ມັນຍາວ 40 ສອກ* ແລະກວ້າງ 20 ສອກ.*
3 ແລ້ວລາວກໍເຂົ້າໄປຫ້ອງທາງໃນ ແລະແທກເສົາທີ່ຢູ່ທາງເຂົ້າ. ເສົາແຕ່ລະຕົ້ນນັ້ນມີເບື້ອງໜຶ່ງກວ້າງ 2 ສອກ* ແລະອີກເບື້ອງໜຶ່ງກວ້າງ 7 ສອກ.* ທາງເຂົ້າຫ້ອງກວ້າງ 6 ສອກ.* 4 ຈາກນັ້ນ ລາວກໍແທກຫ້ອງທີ່ຢູ່ທາງຂ້າງຫ້ອງບໍລິສຸດ. ຫ້ອງນີ້ຍາວ 20 ສອກ* ແລະກວ້າງ 20 ສອກ.+ ລາວບອກຂ້ອຍວ່າ “ຫ້ອງນີ້ແມ່ນຫ້ອງບໍລິສຸດທີ່ສຸດ.”+
5 ແລ້ວລາວກໍແທກຝາຂອງວິຫານ. ມັນໜາ 6 ສອກ.* ຫ້ອງທີ່ຢູ່ອ້ອມວິຫານກວ້າງ 4 ສອກ.*+ 6 ຫ້ອງເຫຼົ່ານີ້ມີ 3 ຊັ້ນ ແລະແຕ່ລະຊັ້ນມີ 30 ຫ້ອງ. ຢູ່ຝາຂອງວິຫານມີພັກເຮັດໄວ້ເພື່ອຢອງໄມ້ຕົງຂອງຫ້ອງເຫຼົ່ານີ້ໂດຍບໍ່ຕ້ອງເຈາະຝາຂອງວິຫານ.+ 7 ຫ້ອງອ້ອມວິຫານຈະກວ້າງອອກໆ ຕັ້ງແຕ່ຊັ້ນລຸ່ມສຸດຈົນຮອດຊັ້ນເທິງສຸດ.+ ທັງສອງເບື້ອງຂອງວິຫານມີຂັ້ນໄດຂຶ້ນໄປ.
8 ຂ້ອຍເຫັນວ່າພື້ນຢູ່ອ້ອມວິຫານຖືກຍົກໃຫ້ສູງຂຶ້ນ. ຖານຂອງຫ້ອງອ້ອມວິຫານສູງ 1 ໄມ້ແທກ* ຫຼືເທົ່າກັບ 6 ສອກ*ພໍດີ. 9 ຝາທາງນອກຂອງຫ້ອງອ້ອມວິຫານໜາ 5 ສອກ.* ຫ້ອງອ້ອມວິຫານກໍເປັນສ່ວນໜຶ່ງຂອງວິຫານ. ຢູ່ທາງນອກຂອງຫ້ອງອ້ອມວິຫານມີບ່ອນທີ່ຍ່າງໄດ້.
10 ຢູ່ລະຫວ່າງວິຫານກັບຫ້ອງກິນເຂົ້າ*+ມີບ່ອນໂລ່ງທີ່ກວ້າງ 20 ສອກ.* 11 ຢູ່ເບື້ອງຊ້າຍແລະເບື້ອງຂວາຂອງວິຫານມີທາງເຂົ້າຫ້ອງອ້ອມວິຫານຈາກບ່ອນທີ່ຍ່າງໄດ້. ບ່ອນທີ່ຍ່າງໄດ້ນັ້ນກວ້າງ 5 ສອກ.*
12 ຢູ່ທາງທິດຕາເວັນຕົກມີຕຶກຫຼັງໜຶ່ງທີ່ປິ່ນໜ້າໄປບ່ອນທີ່ໂລ່ງ. ຕຶກນີ້ກວ້າງ 70 ສອກ* ແລະຍາວ 90 ສອກ.* ຝາອ້ອມຕຶກນີ້ໜາ 5 ສອກ.*
13 ຈາກນັ້ນ ລາວກໍແທກວິຫານ. ມັນຍາວ 100 ສອກ.* ບ່ອນທີ່ໂລ່ງແລະຕຶກ*ກັບຝາຂອງຕຶກລວມກັນຍາວ 100 ສອກ. 14 ທາງໜ້າຂອງວິຫານທີ່ປິ່ນໄປທາງທິດຕາເວັນອອກລວມກັບບ່ອນທີ່ໂລ່ງທັງສອງຂ້າງ ກວ້າງ 100 ສອກ.*
15 ລາວແທກລວງຍາວຂອງຕຶກທີ່ປິ່ນໜ້າໃສ່ທາງຫຼັງຂອງວິຫານກັບທາງຍ່າງທີ່ຢູ່ທັງສອງຂ້າງຂອງຕຶກ. ມັນຍາວ 100 ສອກ.*
ລາວຍັງໄດ້ແທກຫ້ອງບໍລິສຸດ ຫ້ອງບໍລິສຸດທີ່ສຸດ+ ຫ້ອງທາງເຂົ້າຂອງວິຫານ 16 ຕີນປະຕູ ປ່ອງຢ້ຽມທີ່ມີຂອບນ້ອຍລົງໆ*+ ແລະທາງຍ່າງຂອງ 3 ຫ້ອງນີ້. ຢູ່ໃກ້ກັບຕີນປະຕູມີໄມ້ແປ້ນຕິດຢູ່ຝາ+ ຕັ້ງແຕ່ພື້ນຈົນຮອດປ່ອງຢ້ຽມ ແລະປ່ອງຢ້ຽມເຫຼົ່ານີ້ກໍມີແນວອັດໄວ້. 17 ລາວແທກທາງເທິງຂອງທາງເຂົ້າ ວິຫານທາງໃນກັບທາງນອກ ແລະຝາທີ່ຢູ່ອ້ອມວິຫານທັງໝົດ. 18 ຢູ່ໄມ້ແປ້ນມີຮູບແກະສະຫຼັກຂອງເຄຣູບ+ກັບຕົ້ນປາມ.+ ຢູ່ 2 ຂ້າງຂອງຕົ້ນປາມມີຮູບເຄຣູບ. ເຄຣູບແຕ່ລະອົງມີ 2 ໜ້າ. 19 ໜ້າຄົນປິ່ນໄປຫາຕົ້ນປາມທີ່ຢູ່ເບື້ອງໜຶ່ງ ແລະໜ້າສິງປິ່ນໄປຫາຕົ້ນປາມທີ່ຢູ່ອີກເບື້ອງໜຶ່ງ.+ ມີຮູບແກະສະຫຼັກແບບນີ້ຢູ່ອ້ອມວິຫານ. 20 ມີຮູບເຄຣູບກັບຮູບຕົ້ນປາມແກະສະຫຼັກໃສ່ແບບນີ້ຕັ້ງແຕ່ພື້ນຈົນຮອດທາງເທິງທາງເຂົ້າຂອງວິຫານ.
21 ເສົາ*ປະຕູຂອງວິຫານເປັນສີ່ລ່ຽມ.+ ຢູ່ທາງໜ້າຂອງບ່ອນບໍລິສຸດມີແທ່ນບູຊາທີ່ເປັນໄມ້ສູງ 3 ສອກ* ແລະຍາວ 2 ສອກ.* 22 ແທ່ນບູຊານີ້+ມີເສົາຢູ່ແຈ. ຕີນກັບທາງຂ້າງຂອງແທ່ນບູຊາເປັນໄມ້. ລາວບອກຂ້ອຍວ່າ “ນີ້ແມ່ນໂຕະທີ່ຢູ່ຕໍ່ໜ້າພະເຢໂຫວາ.”+
23 ຫ້ອງບໍລິສຸດແລະຫ້ອງບໍລິສຸດທີ່ສຸດຂອງວິຫານມີປະຕູຫ້ອງລະ 2 ບານ.+ 24 ປະຕູແຕ່ລະບານພັບເຄິ່ງໄດ້. 25 ຢູ່ບານປະຕູຂອງວິຫານມີຮູບແກະສະຫຼັກຂອງເຄຣູບກັບຕົ້ນປາມຄືກັບຢູ່ຝາ.+ 26 ຢູ່ທາງນອກຂອງຫ້ອງທາງເຂົ້າມີເທີບທີ່ເປັນໄມ້. ຢູ່ທັງສອງເບື້ອງຂອງຫ້ອງທີ່ຢູ່ທາງເຂົ້າ ຫ້ອງອ້ອມວິຫານ ແລະເທີບມີປ່ອງຢ້ຽມທີ່ມີຂອບນ້ອຍລົງໆ+ແລະມີຮູບຕົ້ນປາມ.