ເອເຊກຽນ
5 “ລູກມະນຸດ ໃຫ້ເຈົ້າເອົາດາບທີ່ຄົມໆມາແຖຫົວແລະແຖໜວດແຖເຄົາ ແລ້ວເອົາສິ່ງທີ່ເຈົ້າແຖນັ້ນໄປຊັ່ງແລະແບ່ງເປັນ 3 ສ່ວນ. 2 ໃຫ້ເຈົ້າເອົາສ່ວນທີ 1 ໄປຈູດຢູ່ໃນເມືອງຫຼັງຈາກທີ່ລ້ອມເມືອງຄົບຕາມກຳນົດແລ້ວ.+ ໃຫ້ເອົາດາບສັບສ່ວນທີ 2 ຢູ່ອ້ອມເມືອງ+ ແລະໃຫ້ເອົາສ່ວນທີ 3 ໂຍນໃຫ້ປິວໄປຕາມລົມ ແລ້ວເຮົາຈະເອົາດາບໄລ່ນຳມັນ.+
3 ໃຫ້ເຈົ້າເອົາສອງສາມເສັ້ນຈາກສ່ວນທີ 3 ມາຫໍ່ແລະເອົາໄວ້ຢູ່ພົກເສື້ອເຈົ້າ. 4 ໃຫ້ເຈົ້າເອົາອີກໜ້ອຍໜຶ່ງມາຈູດໃຫ້ໄໝ້ຈົນໝົດ ແລ້ວໄຟນັ້ນຈະລາມໄປທົ່ວຊາດອິດສະຣາເອນ.+
5 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າວ່າ ‘ນີ້ແມ່ນເຢຣູຊາເລັມ. ເຮົາໄດ້ຕັ້ງເມືອງນີ້ຢູ່ທ່າມກາງຊາດຕ່າງໆ. 6 ເມືອງນີ້ບໍ່ເຮັດຕາມຄຳຕັດສິນແລະກົດໝາຍຂອງເຮົາ. ມັນເຮັດຊົ່ວຫຼາຍກວ່າຊາດຕ່າງໆທີ່ຢູ່ອ້ອມຂ້າງມັນ.+ ຄົນໃນເມືອງນີ້ບໍ່ເຮັດຕາມຄຳຕັດສິນແລະບໍ່ເຮັດຕາມກົດໝາຍຂອງເຮົາ.’
7 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈຶ່ງເວົ້າວ່າ ‘ພວກເຈົ້າສ້າງບັນຫາຫຼາຍກວ່າຊາດຕ່າງໆທີ່ຢູ່ອ້ອມຂ້າງພວກເຈົ້າ. ພວກເຈົ້າບໍ່ໄດ້ເຊື່ອຟັງຄຳຕັດສິນຂອງເຮົາແລະບໍ່ເຮັດຕາມກົດໝາຍຂອງເຮົາ ແຕ່ພັດໄປເຮັດຕາມກົດໝາຍຂອງຊາດຕ່າງໆທີ່ຢູ່ອ້ອມຂ້າງ.+ 8 ຍ້ອນແນວນີ້ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈຶ່ງເວົ້າວ່າ “ເຢຣູຊາເລັມເອີ້ຍ ຕອນນີ້ເຮົາເປັນສັດຕູກັບເຈົ້າແລ້ວ+ແລະເຮົາຈະລົງໂທດເຈົ້າຕໍ່ໜ້າຊາດຕ່າງໆ.+ 9 ຍ້ອນເຈົ້າເຮັດສິ່ງທີ່ເປັນຕາຂີ້ດຽດ ເຮົາຈະລົງໂທດເຈົ້າແບບບໍ່ເຄີຍເຮັດມາກ່ອນແລະເຮົາຈະບໍ່ເຮັດແບບນີ້ອີກຈັກເທື່ອ.+
10 ພໍ່ແມ່ຈະກິນລູກ+ແລະລູກກໍຈະກິນພໍ່ແມ່. ເຮົາຈະລົງໂທດພວກເຈົ້າແລະເຮັດໃຫ້ພວກເຈົ້າກະຈັດກະຈາຍໄປທຸກຈອກທຸກແຈ.”’+
11 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າວ່າ ‘ຍ້ອນພວກເຈົ້າເຮັດໃຫ້ວິຫານຂອງເຮົາບໍ່ສະອາດໂດຍເອົາຮູບບູຊາທີ່ເປັນຕາຂີ້ດຽດມາຕັ້ງໄວ້ ແລະເຮັດສິ່ງທີ່ເປັນຕາຂີ້ດຽດຢູ່ຫັ້ນ+ ເຮົາສາບານວ່າຕາບໃດທີ່ເຮົາຍັງມີຊີວິດຢູ່ ເຮົາຈະບໍ່ຍອມຮັບພວກເຈົ້າ.* ເຮົາຈະບໍ່ອີ່ຕົນແລະບໍ່ສົນໃຈພວກເຈົ້າ.+ 12 ພວກເຈົ້າ 1 ໃນ 3 ຄົນຈະຕາຍຍ້ອນໂລກລະບາດ ຫຼືບໍ່ຊັ້ນກໍຕາຍຍ້ອນຄວາມອຶດຢາກ. ອີກ 1 ໃນ 3 ຄົນຈະຖືກຂ້າດ້ວຍດາບ+ ແລະອີກ 1 ໃນ 3 ຄົນຈະກະຈັດກະຈາຍໄປທຸກຈອກທຸກແຈ ແລ້ວເຮົາຈະເອົາດາບໄລ່ນຳເຂົາເຈົ້າ.+ 13 ຈາກນັ້ນ ເຮົາຈຶ່ງຈະພໍໃຈແລະເຊົາໃຈຮ້າຍໃຫ້ເຂົາເຈົ້າ.+ ຫຼັງຈາກທີ່ເຮົາເຊົາໃຈຮ້າຍແລ້ວ ເຂົາເຈົ້າຈະເຂົ້າໃຈຄວາມໝາຍທີ່ເຮົາບອກວ່າ ເຂົາເຈົ້າຕ້ອງນະມັດສະການເຮົາເຢໂຫວາພຽງຜູ້ດຽວ.+
14 ເຮົາຈະເຮັດໃຫ້ເຈົ້າເປັນບ່ອນທີ່ຮ້າງເປົ່າ ຊາດຕ່າງໆທີ່ຢູ່ອ້ອມຂ້າງເຈົ້າແລະທຸກຄົນທີ່ກາຍໄປກາຍມາກໍຈະດູຖູກເຈົ້າ.+ 15 ເຈົ້າຈະຖືກດູຖູກແລະຖືກເຍາະເຍີ້ຍ+ເມື່ອເຮົາລົງໂທດເຈົ້າແຮງໆຍ້ອນເຮົາໃຈຮ້າຍຫຼາຍ. ເຈົ້າຈະເປັນຕົວຢ່າງທີ່ເປັນຕາຢ້ານເພື່ອເຕືອນຊາດຕ່າງໆທີ່ຢູ່ອ້ອມຂ້າງເຈົ້າ. ເຮົາເຢໂຫວາໄດ້ເວົ້າໄວ້ແລ້ວ.
16 ເຮົາຈະເຮັດໃຫ້ພວກເຈົ້າເຈິກັບຄວາມອຶດຢາກເຊິ່ງຈະທຳລາຍພວກເຈົ້າຄືກັບວ່າພວກເຈົ້າຖືກທະຫານກອງໃຫຍ່ຍິງທະນູໃສ່.+ ຄວາມອຶດຢາກນັ້ນຈະຮ້າຍແຮງຫຼາຍຍ້ອນວ່າຈະບໍ່ມີຂອງກິນ*ຢູ່ໃນເມືອງເລີຍ.+ 17 ເຮົາຈະໃຫ້ພວກເຈົ້າເຈິກັບຄວາມອຶດຢາກແລະເຈິກັບສັດປ່າທີ່ດຸຮ້າຍ+ ເຊິ່ງຈະເຮັດໃຫ້ລູກຂອງພວກເຈົ້າຕາຍ. ພວກເຈົ້າຈະຕາຍຍ້ອນດາບແລະໂລກລະບາດ.+ ເຮົາເຢໂຫວາໄດ້ເວົ້າໄວ້ແລ້ວ.’”