ບົດຮຽນ 13
ເວດມົນແລະການໃຊ້ຄາຖາອາຄົມແມ່ນສິ່ງທີ່ບໍ່ດີ
ຊາຕານຢາກໃຫ້ທ່ານປະຕິບັດກ່ຽວກັບເວດມົນ. ຫຼາຍຄົນເຮັດການບູຊາຕໍ່ບັນພະບຸລຸດຫຼືວິນຍານຕ່າງໆເພື່ອປົກປ້ອງຕົນເອງຈາກອັນຕະລາຍ. ພວກເຂົາເຮັດສິ່ງນີ້ເພາະວ່າເຂົາຢ້ານອຳນາດຂອງໂລກວິນຍານ. ພວກເຂົາໃສ່ແຫວນຫຼືສາຍແຂນທີ່ລົງຄາຖາອາຄົມ. ເຂົາດື່ມຫຼືທາຮ່າງກາຍຂອງເຂົາດ້ວຍ “ຢາຕ່າງໆ” ຊຶ່ງເຊື່ອວ່າມີອຳນາດຄາຖາອາຄົມ. ບາງຄົນເຊື່ອງສິ່ງຂອງທີ່ເຊື່ອວ່າມີອຳນາດໃນການປົກປ້ອງໄວ້ໃນບ້ານຂອງເຂົາຫຼືຢູ່ໃນພື້ນດິນ. ຄົນອື່ນໃຊ້ “ຢາ” ຄາຖາອາຄົມເພາະເຂົາເຊື່ອວ່າຢານັ້ນຈະນຳມາຊຶ່ງຄວາມສຳເລັດໃນທຸລະກິດ, ການສອບເສັງ, ຫຼືໃສ່ສະເໜ່ໃນໄລຍະຕິດຕໍ່ຝາກຮັກ.
ວິທີດີທີ່ສຸດໃນການປົກປ້ອງທ່ານຈາກຊາຕານແມ່ນການມີພະເຢໂຫວາເປັນເພື່ອນຂອງທ່ານ. ພະເຢໂຫວາແລະເຫຼົ່າທູດສະຫວັນຂອງພະອົງມີອຳນາດຫຼາຍກວ່າຊາຕານແລະຜີສາດຂອງມັນ. (ຍາໂກໂບ 2:19; ຄຳປາກົດ 12:9) ພະເຢໂຫວາປາຖະໜາຢ່າງແຮງກ້າທີ່ຈະສະແດງລິດຂອງພະອົງເພື່ອປະໂຫຍດຂອງຄົນເຫຼົ່ານັ້ນຊຶ່ງພັກດີຢ່າງແທ້ຈິງຕໍ່ພະອົງ.—2 ຂ່າວຄາວ 16:9.
ພະຄຳຂອງພະເຈົ້າກ່າວວ່າ “ຢ່າ . . . ປຶກສາຍາມ [“ທ່ານຢ່າເຮັດເວດມົນ,” ລ.ມ.].” ພະເຢໂຫວາຕຳໜິເວດມົນແລະການໃຊ້ຄາຖາອາຄົມເພາະການປະຕິບັດເຫຼົ່ານີ້ສາມາດເຮັດໃຫ້ຄົນເຮົາຕົກຢູ່ໃຕ້ອຳນາດຂອງຊາຕານພະຍາມານ.—ລະບຽບການພວກເລວີ 19:26.