ການປົກຄອງຂອງພະເຈົ້າແມ່ນຫຍັງ?
ທ່ານອາດຈະຕອບວ່າ . . .
ແມ່ນສິ່ງທີ່ຢູ່ໃນຫົວໃຈຂອງທ່ານ
ແມ່ນເລື່ອງທີ່ເລົ່າກັນ
ແມ່ນລັດຖະບານຢູ່ໃນສະຫວັນ
ຄຳພີໄບເບິນກ່າວວ່າ
“ພະເຈົ້າແຫ່ງຟ້າສະຫວັນຈະຕັ້ງພະລາຊະອານາຈັກອັນໜຶ່ງໄວ້ທີ່ຈະບໍ່ຈິບຫາຍສັກເທື່ອ.”—ດານຽນ 2:44
“ລູກຊາຍອົງໜຶ່ງກໍປະທານໃຫ້ແກ່ພວກເຮົາ ແລະການສະເຫວີຍລາດຈະຕັ້ງຢູ່ບ່າຂອງພະອົງ.”—ເອຊາອີ 9:6
ເຮົາຈະໄດ້ຫຍັງ?
ການປົກຄອງທີ່ທ່ຽງທຳຈະໃຫ້ຄຳແນະນຳເພື່ອ ປັບປຸງຊີວິດຂອງທ່ານໃຫ້ດີຂຶ້ນ.—ເອຊາອີ 48:17, 18
ໃນໂລກໃໝ່ທີ່ກຳລັງຈະມາເຖິງນີ້ຄົນເຮົາຈະບໍ່ມີຄວາມເຈັບປ່ວຍແລະບໍ່ມີຄວາມທຸກ.—ຄຳປາກົດ 21:3, 4
ເຮົາຈະເຊື່ອໄດ້ແທ້ໆບໍໃນສິ່ງທີ່ຄຳພີໄບເບິນກ່າວໄວ້?
ເຊື່ອໄດ້ແທ້ ຢ່າງໜ້ອຍມີເຫດຜົນສອງຢ່າງ:
ພະເຍຊູເຮັດໃຫ້ເຫັນເປັນຕົວຢ່າງລ່ວງໜ້າໃນສິ່ງທີ່ການປົກຄອງຂອງພະເຈົ້າຈະເຮັດໃຫ້ສຳເລັດ. ພະເຍຊູສອນພວກລູກສິດໃຫ້ອະທິດຖານຂໍໃຫ້ລະບົບການປົກຄອງຂອງພະເຈົ້າມາປົກຄອງແລະເຮັດໃຫ້ໃຈປະສົງຂອງພະເຈົ້າສຳເລັດເທິງໂລກນີ້. (ມັດທາຍ 6:9, 10) ພະເຍຊູໄດ້ສະແດງໃຫ້ເຫັນວ່າຄຳອະທິດຖານນັ້ນຈະເປັນຈິງໄດ້ແນວໃດ.
ຕອນຢູ່ເທິງໂລກນີ້ ພະເຍຊູໄດ້ລ້ຽງຄົນທີ່ຫິວໂຫຍ ປິ່ນປົວຄົນເຈັບປ່ວຍ ແລະປຸກຄົນຕາຍໃຫ້ຄືນ! (ມັດທາຍ 15:29-38; ໂຢຮັນ 11:38-44) ໃນຖານະທີ່ຈະເປັນຜູ້ປົກຄອງໃນລັດຖະບານຂອງພະເຈົ້າໃນອະນາຄົດ ພະເຍຊູໄດ້ສະແດງໃຫ້ເຫັນເຖິງສິ່ງທີ່ການປົກຄອງຂອງພະເຈົ້າຈະເຮັດເພື່ອປະໂຫຍດຂອງປະຊາຊົນຂອງພະອົງ.—ຄຳປາກົດ 11:15
ສະພາບການຂອງໂລກເນັ້ນໃຫ້ເຫັນວ່າການປົກຄອງຂອງພະເຈົ້າຈະມາໃນໄວໆນີ້. ພະເຍຊູບອກລ່ວງໜ້າວ່າໂລກຂອງເຮົາຈະມີສົງຄາມ ຄວາມອຶດຢາກ ແລະແຜ່ນດິນໄຫວເກີດຂຶ້ນກ່ອນທີ່ການປົກຄອງຂອງພະເຈົ້າຈະເຮັດໃຫ້ໂລກນີ້ສະຫງົບສຸກ.—ມັດທາຍ 24:3, 7
ເຮົາເຫັນແລ້ວວ່າໃນທຸກມື້ນີ້ໂລກຂອງເຮົາເປັນແບບນັ້ນແທ້ໆ. ດັ່ງນັ້ນເຮົາຈຶ່ງໝັ້ນໃຈໄດ້ວ່າການປົກຄອງຂອງພະເຈົ້າຈະເຮັດໃຫ້ບັນຫາຕ່າງໆໝົດໄປ.
ສິ່ງທີ່ຄວນຄິດເຖິງ
ພາຍໃຕ້ການປົກຄອງຂອງພະເຈົ້າເຮົາຈະມີຊີວິດແບບໃດ?
ຄຳພີໄບເບິນມີຄຳຕອບໃນພະທຳ ຄຳເພງ 37:29 ແລະ ເອຊາອີ 65:21-23