-
ມີການປະກາດຂ່າວດີແນວໃດ?ຊີວິດທີ່ມີຄວາມສຸກຕະຫຼອດໄປ!—ໄດ້ຮັບປະໂຫຍດຈາກການຮຽນຄຳພີໄບເບິນ
-
-
6. ເຮົາເຊື່ອຟັງຄຳສັ່ງຂອງພະເຈົ້າທີ່ໃຫ້ໄປປະກາດ
ໃນສະຕະວັດທຳອິດມີບາງຄົນພະຍາຍາມຫ້າມລູກສິດຂອງພະເຢຊູບໍ່ໃຫ້ປະກາດ. ຄລິດສະຕຽນລຸ້ນທຳອິດເລີຍປົກປ້ອງສິດໃນການປະກາດຂອງເຂົາເຈົ້າໂດຍ “ເຮັດໃຫ້ການປະກາດຂ່າວດີເປັນທີ່ຍອມຮັບຕາມກົດໝາຍ.” (ຟີລິບປອຍ 1:7) ພະຍານພະເຢໂຫວາໃນທຸກມື້ນີ້ກໍເຮັດແບບດຽວກັນ.a
ອ່ານກິດຈະການ 5:27-42 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
-
ຄວາມເປັນກາງໝາຍເຖິງຫຍັງ?ຊີວິດທີ່ມີຄວາມສຸກຕະຫຼອດໄປ!—ໄດ້ຮັບປະໂຫຍດຈາກການຮຽນຄຳພີໄບເບິນ
-
-
ຄວາມເປັນກາງໝາຍເຖິງຫຍັງ?
ພະເຢຊູບອກວ່າລູກສິດຂອງເພິ່ນຕ້ອງ ‘ບໍ່ເປັນຄົນຂອງໂລກນີ້.’ (ໂຢຮັນ 15:19) ການບໍ່ເປັນຄົນຂອງໂລກລວມເຖິງການຮັກສາຄວາມເປັນກາງນຳ. ຖ້າເຮົາຢາກເປັນກາງ ເຮົາຕ້ອງບໍ່ຫຍຸ້ງກ່ຽວກັບການເມືອງແລະສົງຄາມ. ແຕ່ການເຮັດແບບນັ້ນອາດຈະບໍ່ງ່າຍ ເພາະເຮົາອາດຈະຖືກບາງຄົນເວົ້າໃຫ້ຫຼືຕຳໜິເຮົາ. ຖ້າເປັນແນວນັ້ນ ເຮົາຈະເຮັດແນວໃດຈຶ່ງຈະຮັກສາຄວາມເປັນກາງແລະພັກດີຕໍ່ພະເຢໂຫວາໄດ້?
1. ຄລິດສະຕຽນຄວນຄິດແນວໃດກັບການປົກຄອງຂອງມະນຸດ?
ຄລິດສະຕຽນເຊື່ອຟັງເຈົ້າໜ້າທີ່ບ້ານເມືອງ. ເຮົາເຮັດແບບນັ້ນເພາະພະເຢຊູສອນວ່າ “ສິ່ງທີ່ເປັນຂອງກາຍຊາກໍໃຫ້ກາຍຊາ” ດັ່ງນັ້ນ ເຮົາຈະເຮັດຕາມກົດໝາຍບ້ານເມືອງ ເຊັ່ນ ກົດໝາຍທີ່ບອກໃຫ້ເສຍພາສີ. (ມາຣະໂກ 12:17) ຄຳພີໄບເບິນບອກວ່າພະເຢໂຫວາຍອມໃຫ້ການປົກຄອງຕ່າງໆຂອງມະນຸດມີອຳນາດປົກຄອງບ້ານເມືອງ. (ໂຣມ 13:1) ເລື່ອງນີ້ເຮັດໃຫ້ເຮົາຮູ້ວ່າການປົກຄອງຂອງມະນຸດມີອຳນາດຈຳກັດແລະມີອຳນາດໜ້ອຍກວ່າພະເຈົ້າ. ເຮົາເຊື່ອວ່າພະເຢໂຫວາແລະການປົກຄອງໃນສະຫວັນຂອງເພິ່ນເທົ່ານັ້ນທີ່ຈະມາແກ້ໄຂບັນຫາທັງໝົດຂອງມະນຸດ.
2. ເຮົາອາດເຮັດຫຍັງໄດ້ແດ່ເພື່ອສະແດງວ່າເຮົາເປັນກາງ?
ເຮົາບໍ່ຫຍຸ້ງກ່ຽວກັບການເມືອງ ຄືທີ່ພະເຢຊູບໍ່ຫຍຸ້ງກ່ຽວກັບການເມືອງ. ມີເທື່ອໜຶ່ງ ຜູ້ຄົນຢາກຕັ້ງພະເຢຊູໃຫ້ເປັນກະສັດຂອງເຂົາເຈົ້າເພາະເຫັນເພິ່ນເຮັດການອັດສະຈັນ ແຕ່ເພິ່ນບໍ່ຍອມຮັບຕຳແໜ່ງນັ້ນ. (ໂຢຮັນ 6:15) ຍ້ອນຫຍັງ? ຍ້ອນເພິ່ນບອກວ່າ “ການປົກຄອງຂອງຂ້ອຍບໍ່ໄດ້ເປັນສ່ວນໜຶ່ງຂອງໂລກນີ້.” (ໂຢຮັນ 18:36) ພວກເຮົາທີ່ເປັນລູກສິດຂອງພະເຢຊູກໍຮຽນແບບຕົວຢ່າງຂອງເພິ່ນນຳ ເຮົາເປັນກາງໃນຫຼາຍວິທີເຊັ່ນ ເຮົາຈະບໍ່ເຂົ້າຮ່ວມໃນສົງຄາມ. (ອ່ານມີກາ 4:3) ເຮົາໃຫ້ຄວາມນັບຖືສັນຍະລັກຂອງຊາດ ເຊັ່ນ ທຸງຊາດ ແຕ່ເຮົາຈະບໍ່ໄປເຄົາລົບທຸງຊາດແລະບໍ່ຮ້ອງເພງຊາດ ເພາະນັ້ນເປັນການນະມັດສະການແບບໜຶ່ງ. (1 ໂຢຮັນ 5:21) ແລະເຮົາກໍຈະບໍ່ເຂົ້າໄປຫຍຸ້ງກ່ຽວຫຼືສະໜັບສະໜູນຝ່າຍໃດຝ່າຍໜຶ່ງທາງການເມືອງນຳ. ເມື່ອເຮົາພະຍາຍາມຮັກສາຄວາມເປັນກາງ ກໍສະແດງວ່າເຮົາພັກດີຕໍ່ການປົກຄອງຂອງພະເຈົ້າແທ້ໆ.
ຮຽນຮູ້ຫຼາຍຂຶ້ນ
ມີສະຖານະການໃດແດ່ທີ່ອາດເຮັດໃຫ້ບໍ່ງ່າຍທີ່ຈະຮັກສາຄວາມເປັນກາງ ແລະເຈົ້າຈະຕັດສິນໃຈໃນແບບທີ່ເຮັດໃຫ້ພະເຢໂຫວາພໍໃຈໄດ້ແນວໃດ.
3. ຄລິດສະຕຽນແທ້ວາງໂຕເປັນກາງ
ພະເຢຊູກັບລູກສິດຂອງເພິ່ນເປັນຕົວຢ່າງໃຫ້ເຮົາ. ອ່ານໂຣມ 13:1, 5-7 ແລະ 1 ເປໂຕ 2:13, 14. ແລ້ວ ເປີດວິດີໂອແລະລົມກັນກ່ຽວກັບຄຳຖາມຕໍ່ໄປນີ້:
ເປັນຫຍັງເຮົາຄວນໃຫ້ຄວາມນັບຖືເຈົ້າໜ້າທີ່ບ້ານເມືອງ?
ເຮົາຈະເຮັດຫຍັງໄດ້ແດ່ເພື່ອສະແດງໃຫ້ເຫັນວ່າເຮົາຍອມຢູ່ໃຕ້ອຳນາດເຂົາເຈົ້າ?
ໃນຊ່ວງສົງຄາມ ບາງປະເທດອ້າງວ່າວາງໂຕເປັນກາງ ແຕ່ເຂົາເຈົ້າພັດສະໜັບສະໜູນການສູ້ຮົບຂອງທັງສອງຝ່າຍ. ແທ້ໆແລ້ວຄວາມເປັນກາງໝາຍເຖິງຫຍັງ? ອ່ານໂຢຮັນ 17:16. ແລ້ວ ເປີດວິດີໂອແລະລົມກັນກ່ຽວກັບຄຳຖາມຕໍ່ໄປນີ້:
ຄວາມເປັນກາງໝາຍເຖິງຫຍັງ?
ຖ້າເຈົ້າໜ້າທີ່ບ້ານເມືອງສັ່ງໃຫ້ເຮົາເຮັດບາງຢ່າງທີ່ຂັດກັບກົດໝາຍຂອງພະເຈົ້າ ເຮົາຈະເຮັດແນວໃດ? ອ່ານກິດຈະການ 5:28, 29. ແລ້ວ ເປີດວິດີໂອແລະລົມກັນກ່ຽວກັບຄຳຖາມຕໍ່ໄປນີ້:
ຖ້າກົດໝາຍຂອງມະນຸດຂັດກັບກົດໝາຍຂອງພະເຈົ້າ ເຮົາຄວນເຊື່ອຟັງກົດໝາຍຂອງໃຜ?
ເຈົ້າຄິດວ່າມີສະຖານະການໃດແດ່ທີ່ຄລິດສະຕຽນຈະບໍ່ເຊື່ອຟັງຄຳສັ່ງຂອງເຈົ້າໜ້າທີ່ບ້ານເມືອງ?
4. ເປັນກາງທັງໃນຄວາມຄິດແລະການກະທຳ
ອ່ານ 1 ໂຢຮັນ 5:21. ແລ້ວ ເປີດວິດີໂອແລະລົມກັນກ່ຽວກັບຄຳຖາມຕໍ່ໄປນີ້:
ຈາກວິດີໂອ ເປັນຫຍັງພີ່ນ້ອງອະເຍນເກຕັດສິນໃຈບໍ່ສະໜັບສະໜູນພັກການເມືອງຫຼືເຂົ້າຮ່ວມກິດຈະກຳທີ່ສະແດງຄວາມຮັກຊາດ ເຊັ່ນການເຄົາລົບທຸງຊາດ?
ເຈົ້າຄິດວ່າລາວຕັດສິນໃຈຖືກບໍ?
ມີສະຖານະການຫຍັງອີກທີ່ເຮັດໃຫ້ບໍ່ງ່າຍທີ່ຈະຮັກສາຄວາມເປັນກາງ? ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:
ຖ້າມີການແຂ່ງຂັນກິລາລະດັບຊາດທີ່ມີຫຼາຍປະເທດມາເຂົ້າຮ່ວມ ເຮົາຈະຮັກສາຄວາມເປັນກາງໄດ້ແນວໃດ?
ຖ້າມີນະໂຍບາຍຂອງພັກການເມືອງທີ່ເຮັດໃຫ້ເຮົາໄດ້ປະໂຫຍດຫຼືເສຍຜົນປະໂຫຍດ ຕອນນັ້ນເຮົາຈະຮັກສາຄວາມເປັນກາງໄດ້ແນວໃດ?
ສິ່ງທີ່ເຮົາໄດ້ຍິນຈາກຂ່າວຫຼືຄົນທີ່ຢູ່ອ້ອມຂ້າງອາດມີຜົນກັບເຮົາແນວໃດໃນເລື່ອງການວາງໂຕເປັນກາງ?
ມີເລື່ອງຫຍັງແດ່ທີ່ຄລິດສະຕຽນຕ້ອງຮັກສາຄວາມເປັນກາງທັງໃນຄວາມຄິດແລະການກະທຳ?
ບາງຄົນອາດຖາມວ່າ: “ເປັນຫຍັງເຈົ້າບໍ່ເຄົາລົບທຸງຊາດຫຼືບໍ່ຮ້ອງເພງຊາດ?”
ຖ້າມີຄົນຖາມແບບນີ້ ເຈົ້າຈະຕອບແນວໃດ?
ສະຫຼຸບ
ຄລິດສະຕຽນພະຍາຍາມຫຼາຍແທ້ໆທີ່ຈະເປັນກາງທາງການເມືອງທັງໃນຄວາມຄິດ ຄຳເວົ້າ ແລະການກະທຳ.
ຄຳຖາມທົບທວນ
ເຈົ້າໜ້າທີ່ບ້ານເມືອງມີອຳນາດເໜືອເຮົາ ຖ້າເປັນແນວນັ້ນເຮົາຄວນເຮັດແນວໃດ?
ເປັນຫຍັງເຮົາຕ້ອງຮັກສາຄວາມເປັນກາງທາງການເມືອງ?
ມີສະຖານະການໃດແດ່ທີ່ອາດບໍ່ງ່າຍທີ່ຈະຮັກສາຄວາມເປັນກາງ?
ເບິ່ງເພີ່ມເຕີມ
ເຮົາອາດຕ້ອງຍອມສະລະຫຍັງແດ່ເພື່ອຈະຮັກສາຄວາມເປັນກາງ?
ແຕ່ລະຄອບຄົວຈະເຮັດຫຍັງໄດ້ເພື່ອກຽມພ້ອມສຳລັບການທົດສອບເລື່ອງຄວາມເປັນກາງ?
ເປັນຫຍັງການປົກປ້ອງປະເທດບໍ່ແມ່ນກຽດສູງສຸດ?
ເຈົ້າຈະບໍ່ເປັນຄົນຂອງໂລກໄດ້ແນວໃດເມື່ອຕ້ອງຕັດສິນໃຈໃນເລື່ອງວຽກອາຊີບ?
“ແຕ່ລະຄົນຕ້ອງແບກຄວາມຮັບຜິດຊອບຂອງຕົວເອງ” (ຫໍສັງເກດການ 15 ມີນາ 2006)
-
-
ເຈົ້າຈະອົດທົນການຂົ່ມເຫງໄດ້ແນວໃດ?ຊີວິດທີ່ມີຄວາມສຸກຕະຫຼອດໄປ!—ໄດ້ຮັບປະໂຫຍດຈາກການຮຽນຄຳພີໄບເບິນ
-
-
5. ນະມັດສະການພະເຢໂຫວາຕໍ່ໄປເຖິງວ່າຈະຖືກຂົ່ມເຫງ
ຕອນທີ່ຄົນອື່ນພະຍາຍາມເຮັດໃຫ້ເຮົາເຊົາຮັບໃຊ້ພະເຢໂຫວາ ເຮົາຕ້ອງມີຄວາມກ້າເພື່ອຈະຮັບໃຊ້ເພິ່ນຕໍ່ໄປ. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:
ຕົວຢ່າງຂອງພີ່ນ້ອງໃນວິດີໂອເຮັດໃຫ້ເຈົ້າມີຄວາມກ້າຫຼາຍຂຶ້ນບໍ? ຍ້ອນຫຍັງ?
ອ່ານກິດຈະການ 5:27-29 ແລະເຮັບເຣີ 10:24, 25. ຫຼັງຈາກອ່ານຂໍ້ຄຳພີຂໍ້ໜຶ່ງຈົບແລ້ວ ໃຫ້ຖາມຄຳຖາມທີ່ຢູ່ທາງລຸ່ມແລະໃຫ້ເຮັດແບບນີ້ຈົນຄົບທຸກຂໍ້.
ເປັນຫຍັງເຮົາຕ້ອງນະມັດສະການພະເຢໂຫວາຕໍ່ໄປເຖິງວ່າລັດຖະບານຈະຫ້າມບໍ່ໃຫ້ເຮົາປະກາດຫຼືປະຊຸມນຳກັນ?
-