ສາສະໜາ​ທີ່​ພາ​ຄົນ​ໄປ​ຜິດ​ທາງ “ເອົາ​ຄວາມ​ຈິງ​ກ່ຽວກັບ​ພະເຈົ້າ​ໄປ​ແລກ​ກັບ​ຄວາມ​ຕົວະ.” (ໂຣມ 1:25) ສາສະໜາ​ສ່ວນ​ຫຼາຍ​ບໍ່​ໄດ້​ສອນ​ຜູ້​ຄົນ​ເລື່ອງ​ຊື່​ຂອງ​ພະເຈົ້າ. ແຕ່​ຄຳພີ​ໄບເບິນ​ບອກ​ວ່າ​ເຮົາ​ຕ້ອງ​ເອີ້ນ​ພະເຈົ້າ​ໂດຍ​ໃຊ້​ຊື່​ຂອງ​ເພິ່ນ. (ໂຣມ 10:13, 14) ຖ້າ​ມີ​ເລື່ອງ​ທີ່​ບໍ່​ດີ​ເກີດຂຶ້ນ ຜູ້​ສອນ​ສາສະໜາ​ບາງ​ຄົນ​ບອກ​ວ່າ​ນັ້ນ​ເປັນ​ສິ່ງ​ທີ່​ພະເຈົ້າ​ຕ້ອງການ. ແຕ່​ນີ້​ບໍ່​ແມ່ນ​ຄວາມ​ຈິງ. ພະເຈົ້າ​ບໍ່​ມີ​ທາງ​ເຮັດ​ເລື່ອງ​ທີ່​ຊົ່ວ​ຮ້າຍ​ແນ່ນອນ. (ອ່ານ​ຢາໂກໂບ 1:13) ຄຳສອນ​ຜິດໆ​ຂອງ​ສາສະໜາ​ເຫຼົ່າ​ນີ້​ເຮັດ​ໃຫ້​ຜູ້​ຄົນ​ບໍ່​ຢາກ​ນັບຖື​ພະເຈົ້າ.

4. ໃຜ​ເປັນ​ຕົ້ນເຫດ​ຂອງ​ຄວາມ​ທຸກ

ຫຼາຍ​ຄົນ​ບອກ​ວ່າ​ພະເຈົ້າ​ຄວບຄຸມ​ທຸກ​ສິ່ງ​ໃນ​ໂລກ.ແຕ່​ເປັນ​ແບບ​ນັ້ນ​ແທ້ໆ​ບໍ? ເປີດ​ວິດີໂອ.

ວິດີໂອ: ໃຜ​ຄວບຄຸມ​ໂລກ​ນີ້? (1:24)

ອ່ານ​ຢາໂກໂບ 1:13 ແລະ 1 ໂຢຮັນ 5:19ແລ້ວ​ລົມ​ກັນ​ກ່ຽວກັບ​ຄຳ​ຖາມ​ຕໍ່​ໄປ​ນີ້:

• ພະເຈົ້າ​ເປັນ​ຕົ້ນເຫດ​ຂອງ​ຄວາມ​ຊົ່ວແລະ​ຄວາມ​ທຸກ​ບໍ?