ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ປະກາດໃນເຂດທຸລະກິດ

ເປັນຫຍັງຈຶ່ງສຳຄັນ? ເນື່ອງຈາກຜູ້ຄົນສ່ວນຫຼາຍເຮັດວຽກໝົດມື້ ວິທີທີ່ດີທີ່ສຸດທີ່ຈະໃຫ້ເຂົາເຈົ້າຮູ້ຂ່າວສານເລື່ອງລາຊະອານາຈັກໄດ້ກໍໂດຍປະກາດຢູ່ບ່ອນເຮັດວຽກ. ການປະກາດໃນເຂດທຸລະກິດເຮັດໃຫ້ເຮົາມີຄວາມຍິນດີແລະເກີດຜົນໄດ້ ເພາະຜູ້ຄົນບໍ່ຄ່ອຍຢູ່ບ້ານແລະພະນັກງານຈະສຸພາບຕໍ່ຜູ້ທີ່ເປັນລູກຄ້າ. ເພື່ອໃຫ້ເກີດຜົນທີ່ດີຜູ້ປະກາດຕ້ອງມີຄວາມສັງເກດເຂົ້າໃຈທີ່ດີແລະແຕ່ງຕົວສຸພາບຮຽບຮ້ອຍ. (2 ໂກ. 6:3) ແນວໃດກໍຕາມ ຜູ້ດູແລການຮັບໃຊ້ຄວນກວດສອບໃຫ້ດີວ່າຈະປະກາດໃນເຂດທຸລະກິດເລື້ອຍສ່ຳໃດແລະໃຜຈະໄປປະກາດໃນເຂດນັ້ນ.

ສິ່ງທີ່ຄວນເຮັດ:

ໃຫ້ກຽມການສະເໜີແບບສັ້ນໆ ຖ້າເຮົາໃຊ້ເວລາຫຼາຍເກີນໄປ ເທື່ອໜ້າເຮົາອາດຈະບໍ່ໄດ້ລົມກັບເຂົາເຈົ້າອີກ.
ໃຫ້ເລືອກເວລາກັບຢ້ຽມຕອນທີ່ເຂົາເຈົ້າບໍ່ມີວຽກຫຍຸ້ງຫຼາຍ ເຊັ່ນຕອນທີ່ເປີດຮ້ານ.
ພະຍາຍາມເວົ້າກັບຄົນທີ່ເຮົາພົບເທື່ອທຳອິດຢ່າງອົບອຸ່ນແລະເປັນມິດ. ເຈົ້າອາດເວົ້າວ່າ: “ພວກເຮົາມາລົມສັ້ນໆກັບຜູ້ຄົນຢູ່ບ່ອນເຮັດວຽກ ເພາະຫຼາຍຄົນບໍ່ຄ່ອຍຢູ່ບ້ານ.” ແລ້ວສະເໜີແຜ່ນພັບ ວາລະສານ ຫຼືໜັງສືອື່ນໆໃຫ້ລາວ. ເພື່ອບໍ່ໃຫ້ລາວເຂົ້າໃຈຜິດວ່າເຮົາມາຂາຍເຄື່ອງ. ດັ່ງນັ້ນ ດີທີ່ສຸດທີ່ຈະບໍ່ເວົ້າເຖິງການບໍລິຈາກ ເວັ້ນແຕ່ລາວຢາກຮູ້ວ່າເຮົາໄດ້ຮັບເງິນສະໜັບສະໜູນມາຈາກໃສ.
ຖ້າເຮົາພົບກັບຫົວໜ້າທີ່ເປັນມິດ ອາດຂໍອະນຸຍາດລົມສັ້ນໆກັບພັກນັກງານຄົນອື່ນໆ. ໃນບາງບ່ອນເປັນເລື່ອງທີ່ດີກວ່າຖ້າເຮົາຈະຂໍວາງໜັງສືໄວ້ໃນຫ້ອງພັກຜ່ອນ.
ໃຊ້ຄວາມສັງເກດເຂົ້າໃຈທີ່ດີແລະພ້ອມຈະປັບປ່ຽນ. ຕົວຢ່າງ: ຖ້າລາວກຳລັງລົມກັບລູກຄ້າຫຼືຫຍຸ້ງຢູ່ກໍໃຫ້ລໍຖ້າຈົນກວ່າລາວວ່າງແລ້ວຈຶ່ງລົມກັບລາວ.

ລອງເຮັດໃນເດືອນນີ້:

ໃນການນະມັດສະການປະຈຳຄອບຄົວຄັ້ງຕໍ່ໄປ ລອງຝຶກຊ້ອມກຽມການສະເໜີສັ້ນໆເພື່ອໃຊ້ໃນກໍລະນີທີ່ເຈົ້າຖືກເຊີນໃຫ້ໄປປະກາດຢູ່ໃນເຂດທຸລະກິດ.

ລອງ​ເຮັດ​ໃນ​ເດືອນ​ນີ້:

ລອງເຮັດໃນເດືອນນີ້: