ບົດຮຽນທີ 1
ຄຳນຳທີ່ມີປະສິດທິພາບ
ກິດຈະການ 17:22
ຈຸດສຳຄັນ: ຄຳນຳຂອງເຈົ້າຄວນກະຕຸ້ນຄວາມສົນໃຈຂອງຜູ້ຟັງ ບອກໃຫ້ຜູ້ຟັງຮູ້ວ່າເຈົ້າຈະເວົ້າເລື່ອງຫຍັງ ແລະເປັນຫຍັງເລື່ອງນີ້ຈຶ່ງໜ້າສົນໃຈ.
ສິ່ງທີ່ຄວນເຮັດ:
ກະຕຸ້ນຄວາມສົນໃຈ. ເລືອກຄຳຖາມ ຄຳເວົ້າ ປະສົບການ ຫຼືຂ່າວທີ່ຜູ້ຟັງສົນໃຈ.
ບອກຜູ້ຟັງໃຫ້ຮູ້ວ່າເຈົ້າຈະເວົ້າເລື່ອງຫຍັງ. ຄຳນຳຂອງເຈົ້າຄວນຈະບອກໃຫ້ຜູ້ຟັງຮູ້ວ່າເຈົ້າຈະເວົ້າເລື່ອງຫຍັງແລະຈຸດປະສົງຂອງເຈົ້າແມ່ນຫຍັງ.
ເຮັດໃຫ້ເຫັນວ່າເປັນຫຍັງເລື່ອງທີ່ເວົ້າຈຶ່ງສຳຄັນ. ຄຳນຳຂອງເຈົ້າຕ້ອງກົງກັບຄວາມຈຳເປັນຂອງຜູ້ຟັງ. ຜູ້ຟັງຄວນເຂົ້າໃຈແຈ້ງວ່າເລື່ອງນັ້ນເປັນປະໂຫຍດກັບເຂົາເຈົ້າແນວໃດ.