ບົດຮຽນທີ 2
ການເວົ້າທີ່ເປັນທຳມະຊາດ
2 ໂກລິນໂທ 2:17
ຈຸດສຳຄັນ: ເວົ້າໃຫ້ເປັນທຳມະຊາດ ຈິງໃຈ ແລະສະແດງໃຫ້ເຫັນວ່າເຈົ້າຮູ້ສຶກແນວໃດຕໍ່ເລື່ອງທີ່ເວົ້າແລະຕໍ່ຜູ້ຟັງ.
ສິ່ງທີ່ຄວນເຮັດ:
ອະທິດຖານແລະກຽມຕົວຢ່າງດີ. ອະທິດຖານຂໍໃຫ້ພະເຢໂຫວາຊ່ວຍເຈົ້າໃຫ້ຄິດເຖິງເລື່ອງທີ່ຈະເວົ້າ ບໍ່ແມ່ນຄິດເຖິງຕົວເອງ. ຄວນຈື່ຈຸດສຳຄັນທີ່ເຈົ້າຕ້ອງການນຳສະເໜີ. ໃຫ້ເວົ້າເປັນຄຳເວົ້າຂອງຕົວເອງ ບໍ່ແມ່ນອ່ານແຕ່ໃນເຈ້ຍເທົ່ານັ້ນ.
ເວົ້າດ້ວຍຄວາມຮູ້ສຶກຈາກໃຈ. ໃຫ້ສົນໃຈທີ່ຜູ້ຟັງ. ຄິດວ່າເປັນຫຍັງຜູ້ຟັງຈຶ່ງຈຳເປັນຕ້ອງຮູ້ເລື່ອງທີ່ເຈົ້າເວົ້າ. ເມື່ອເຮັດແບບນັ້ນທ່າທາງແລະສີໜ້າຂອງເຈົ້າກໍຈະສະແດງອອກເຖິງຄວາມຮູ້ສຶກອົບອຸ່ນ ຈິງໃຈ ແລະເປັນມິດ.
ເບິ່ງຜູ້ຟັງ. ໃຫ້ສົບຕາກັບຜູ້ຟັງຖ້າການເຮັດແບບນັ້ນບໍ່ເຮັດໃຫ້ຜູ້ຟັງຮູ້ສຶກອຶດອັດ. ເມື່ອບັນລະຍາຍໃຫ້ເບິ່ງຜູ້ຟັງເທື່ອລະຄົນແທນທີ່ຈະກວາດສາຍຕາ ຫຼືເບິ່ງຜ່ານໆ.