ບົດຮຽນທີ 16
ເວົ້າໃນແງ່ບວກແລະເສີມກຳລັງໃຈ
ໂຢບ 16:5
ຈຸດສຳຄັນ: ເນັ້ນການແກ້ໄຂບັນຫາບໍ່ແມ່ນເນັ້ນທີ່ບັນຫາ ແລະສ້າງຄວາມໝັ້ນໃຈໃຫ້ຜູ້ຟັງ.
ສິ່ງທີ່ຄວນເຮັດ:
ຝຶກເບິ່ງຜູ້ຟັງໃນແງ່ບວກ. ເຊື່ອໝັ້ນວ່າເພື່ອນຮ່ວມຄວາມເຊື່ອຢາກເຮັດໃຫ້ພະເຢໂຫວາພໍໃຈ ເຖິງວ່າເຈົ້າອາດຕ້ອງໃຫ້ຄຳແນະນຳ ແຕ່ຖ້າເປັນໄປໄດ້ຄວນຊົມເຊີຍດ້ວຍຄວາມຈິງໃຈກ່ອນ.
ບໍ່ເວົ້າໃນແງ່ລົບຫຼາຍເກີນໄປ. ໃຊ້ຂໍ້ມູນໃນແງ່ລົບເທົ່າທີ່ຈຳເປັນເທົ່ານັ້ນ ແຕ່ໂດຍລວມແລ້ວເລື່ອງທີ່ເວົ້າຄວນເປັນໄປໃນແງ່ບວກ.
ໃຊ້ຄຳພີໄບເບິນໃຫ້ເປັນປະໂຫຍດ. ເຮັດໃຫ້ຜູ້ຟັງສົນໃຈສິ່ງທີ່ພະເຢໂຫວາໄດ້ເຮັດໄປແລ້ວ ສິ່ງທີ່ພະອົງກຳລັງເຮັດຢູ່ ແລະສິ່ງທີ່ພະອົງຈະເຮັດເພື່ອມະນຸດໃນອະນາຄົດ. ຊ່ວຍໃຫ້ຜູ້ຟັງມີກຳລັງໃຈແລະມີຄວາມເຊື່ອຫຼາຍຂຶ້ນ.