ບົດຮຽນທີ 8
ການໃຊ້ຕົວຢ່າງປຽບທຽບ
ມັດທາຍ 13:34, 35
ຈຸດສຳຄັນ: ປັບປຸງການສອນຂອງເຈົ້າໂດຍໃຊ້ຕົວຢ່າງງ່າຍໆທີ່ໜ້າສົນໃຈ ແລະໃຊ້ເພື່ອສອນສະເພາະຈຸດທີ່ສຳຄັນ.
ສິ່ງທີ່ຄວນເຮັດ:
ໃຊ້ຕົວຢ່າງງ່າຍໆ. ຄືກັບພະເຍຊູທີ່ໃຊ້ເລື່ອງນ້ອຍໆອະທິບາຍເລື່ອງໃຫຍ່ໆ ແລະໃຊ້ເລື່ອງງ່າຍໆອະທິບາຍເລື່ອງຍາກໆ. ຢ່າເວົ້າສິ່ງທີ່ບໍ່ຈຳເປັນເຊິ່ງອາດເຮັດໃຫ້ເຂົ້າໃຈຍາກ. ເຈົ້າຕ້ອງແນ່ໃຈວ່າຕົວຢ່າງທີ່ເຈົ້າໃຊ້ກົງກັບເລື່ອງທີ່ເຈົ້າສອນ ເພື່ອບໍ່ໃຫ້ຜູ້ຟັງສັບສົນກັບເລື່ອງທີ່ບໍ່ກ່ຽວຂ້ອງ.
ຄິດເຖິງຜູ້ຟັງ. ເລືອກຕົວຢ່າງທີ່ກ່ຽວຂ້ອງກັບສິ່ງທີ່ຜູ້ຟັງເຮັດ ແລະສົນໃຈ. ແຕ່ຕ້ອງລະວັງທີ່ຈະບໍ່ໃຊ້ຕົວຢ່າງທີ່ຈະເຮັດໃຫ້ຜູ້ຟັງອຶດອັດຫຼືບໍ່ພໍໃຈ.
ສອນຈຸດສຳຄັນ. ໃຊ້ຕົວຢ່າງປຽບທຽບເພື່ອສອນຈຸດທີ່ສຳຄັນບໍ່ແມ່ນຈຸດນ້ອຍໆ. ເຮັດໃຫ້ຜູ້ຟັງຈື່ສິ່ງທີ່ໄດ້ຮຽນ ບໍ່ແມ່ນຈື່ໄດ້ແຕ່ຕົວຢ່າງເທົ່ານັ້ນ.