ຄົນ​ທີ່​ເມດຕາ​ກໍ​ມີ​ຄວາມ​ສຸກ

1. ເຮົາ​ດີ​ໃຈ​ທີ່​ພະເຈົ້າ​ເມດຕາ

ພະອົງ​ເມດຕາ​ດ້ວຍ​ຄວາມ​ຮັກ​ແທ້

ມີ​ຄວາມ​ກະລຸນາ​ຕໍ່​ທຸກ​ຄົນ

ໂດຍ​ໃຫ້​ສິ່ງ​ຈຳເປັນ​ເຮົາ​ທຸກ​ວັນ

ຄົນ​ທີ່​ກັບ​ໃຈ​ສາມາດ​ໝັ້ນ​ໃຈ

ວ່າ​ພະອົງ​ຟັງ​ຄຳ​ຂໍ​ເມດຕາ

ພະອົງ​ຮູ້​ວ່າ​ເຮົາ​ເປັນ​ແຕ່​ດິນ

ເຕັມ​ໃຈ​ເມດຕາ​ກະລຸນາ​ເຮົາ

2. ເມື່ອ​ເຮົາ​ໂສກ​ເສົ້າ​ເພາະ​ພາດ​ຜິດ​ໄປ

ພະເຈົ້າ​ອະໄພ​ເມື່ອ​ເຮົາ​ອ້ອນ​ວອນ

ເຍຊູ​ຄລິດ​ວາງ​ແບບ​ຢ່າງ​ໃຫ້​ເຮົາ

ເລື່ອງ​ອະທິດຖານ​ຂໍ​ຄວາມ​ເມດຕາ

ຂໍ​ໃຫ້​ພະເຈົ້າ​ອະໄພ​ໃຫ້​ເຮົາ

ດັ່ງ​ທີ່​ເຮົາ​ໃຫ້​ອະໄພ​ຄົນ​ອື່ນ

ບໍ່​ຄິດ​ແຄ້ນ​ເຄືອງ​ອະໄພ​ໃຫ້​ກັນ

ໃຫ້​ເຮົາ​ມີ​ຄວາມ​ສະຫງົບ​ໃນ​ໃຈ

3. ໄດ້​ຄວາມ​ເມດຕາ​ເມື່ອ​ໃຫ້​ອະໄພ

ສະແດງ​ຜົນ​ພະລັງ​ບໍລິສຸດ

ເຮັດ​ໂດຍ​ບໍ່​ຫວັງ​ໃຫ້​ຄົນ​ຊື່ນຊົມ

ເຮົາ​ເຕັມ​ໃຈ​ເຮັດ​ຢ່າງ​ມີ​ຄວາມ​ສຸກ

ພະເຈົ້າ​ເຫັນ​ທຸກ​ສິ່ງ​ທີ່​ເຮົາ​ເຮັດ

ພະອົງ​ຈະ​ຕອບ​ແທນ​ເຮົາ​ແນ່ນອນ

ຄວາມ​ເມດຕາ​ໃຫ້​ເຮົາ​ມີ​ຄວາມ​ສຸກ

ງົດງາມ​ໃນ​ສາຍ​ຕາ​ຂອງ​ພະເຈົ້າ