ຫ້ອງສະໝຸດອອນລາຍຂອງວັອດສ໌ທາວເວີ້
ຫໍສັງເກດການ
ຫ້ອງສະໝຸດອອນລາຍ
ລາວ
  • ຄຳພີໄບເບິນ
  • ສິ່ງພິມ
  • ການປະຊຸມ
  • ສລ study 13 ໜ້າ 28-29
  • ຕີໂມເຕ​ຕ້ອງການ​ຊ່ວຍ​ຜູ້​ຄົນ

ສ່ວນນີ້ບໍ່ມີວິດີໂອ

ຂໍອະໄພ ບໍ່ສາມາດເປີດວິດີໂອໄດ້

  • ຕີໂມເຕ​ຕ້ອງການ​ຊ່ວຍ​ຜູ້​ຄົນ
  • ສອນລູກໃຫ້ເປັນຄົນດີ
  • ເລື່ອງທີ່ຄ້າຍກັນ
  • ໂປໂລ​ກັບ​ຕີໂມທຽວ
    ເລື່ອງ​ທີ່​ເຮົາ​ຮຽນ​ຈາກ​ຄຳພີ​ໄບເບິນ
  • ພີ່​ນ້ອງ​ຊາຍ​ທີ່​ໄດ້​ຮັບ​ການ​ແຕ່ງ​ຕັ້ງ—ຂໍ​ໃຫ້​ຮຽນ​ຮູ້​ຈາກ​ຕີໂມເຕ
    ຫໍສັງເກດການປະກາດລາຊະອານາຈັກຂອງພະເຢໂຫວາ (ສຶກສາ)—2018
  • ໃຫ້​ເຮັດ​ວຽກ​ມອບ​ໝາຍ​ທີ່​ເຈົ້າ​ໄດ້​ຮັບ​ຢ່າງ​ສຸດ​ຈິດ​ສຸດ​ໃຈ!
    ຫໍສັງເກດການປະກາດລາຊະອານາຈັກຂອງພະເຢໂຫວາ (ສຶກສາ)—2020
  • “ຊ່ວຍປະຊາຄົມຕ່າງໆ​ໃຫ້ເຂັ້ມແຂງຂຶ້ນ”
    ‘ປະກາດເລື່ອງການປົກຄອງຂອງພະເຈົ້າ’ ຢ່າງລະອຽດຖີ່ຖ້ວນ
ເບິ່ງຕື່ມ
ສອນລູກໃຫ້ເປັນຄົນດີ
ສລ study 13 ໜ້າ 28-29
ຕີໂມເຕ​ຜູ້​ໜຸ່ມ​ນ້ອຍ​ໄດ້​ຮຽນ​ຈາກ​ແມ່​ຂອງ​ລາວ​ເອິນິດ​ແລະ​ແມ່​ຕູ້​ຂອງ​ລາວ​ໂລອິດ

ບົດຮຽນ 13

ຕີໂມເຕ​ເຕັມ​ໃຈ​ຊ່ວຍ​ຄົນ​ອື່ນ

ຕີໂມເຕ​ເປັນ​ຄົນ​ໜຸ່ມ​ທີ່​ມີ​ຄວາມ​ສຸກ​ໃນ​ການ​ຊ່ວຍ​ເຫຼືອ​ຄົນ​ອື່ນ. ລາວ​ເດີນ​ທາງ​ໄປ​ຫຼາຍ​ບ່ອນ​ເພື່ອ​ຊ່ວຍ​ຄົນ​ອື່ນ. ດັ່ງ​ນັ້ນ ຕີໂມເຕ​ຈຶ່ງ​ມີ​ຊີວິດ​ທີ່​ໜ້າ​ຕື່ນ​ເຕັ້ນ​ຫຼາຍ. ລູກ​ຢາກ​ຟັງ​ເລື່ອງ​ຂອງ​ຕີໂມເຕ​ບໍ?—

ແມ່​ຕູ້​ແລະ​ແມ່​ໄດ້​ສອນ​ຕີໂມເຕ​ໃຫ້​ຮູ້​ເລື່ອງ​ຂອງ​ພະ​ເຢໂຫວາ

ຕີໂມເຕ​ໃຫຍ່​ຂຶ້ນ​ມາ​ໃນ​ເມືອງ​ລີສະທາ. ແມ່​ຂອງ​ລາວ​ຊື່​ເອິນິດ ແລະ​ແມ່​ຕູ້​ຂອງ​ລາວ​ຊື່​ໂລອິດ ທັງ​ສອງ​ຄົນ​ໄດ້​ສອນ​ເລື່ອງ​ພະ​ເຢໂຫວາ​ໃຫ້​ລາວ​ຮູ້​ຕັ້ງ​ແຕ່​ຍັງ​ນ້ອຍໆ. ເມື່ອ​ໃຫຍ່​ຂຶ້ນ​ມາ​ຕີໂມເຕ​ຈຶ່ງ​ຕ້ອງການ​ຊ່ວຍ​ຄົນ​ອື່ນ​ໃຫ້​ຮູ້​ເລື່ອງ​ຂອງ​ພະ​ເຢໂຫວາ​ຄື​ກັນ.

ຕອນ​ທີ່​ຕີໂມເຕ​ຍັງ​ໜຸ່ມ ໂປໂລ​ຊວນ​ລາວ​ໃຫ້​ເດີນ​ທາງ​ໄປ​ນຳ​ກັນ​ເພື່ອ​ປະກາດ​ຢູ່​ເຂດ​ອື່ນ. ຕີໂມເຕ​ຕອບ​ຕົກ​ລົງ​ທັນທີ! ລາວ​ພ້ອມ​ທີ່​ຈະ​ໄປ​ແລະ​ຊ່ວຍ​ຄົນ​ອື່ນ.

ຕີໂມເຕ​ເດີນ​ທາງ​ໄປ​ກັບ​ໂປໂລ ໄປ​ທີ່​ເມືອງ​ເທຊະໂລນີກ​ໃນ​ແຂວງ​ມາເຊດັວນ. ແຕ່​ເພື່ອ​ຈະ​ໄປ​ຮອດ​ທີ່​ນັ້ນ​ເຂົາ​ເຈົ້າ​ຕ້ອງ​ຍ່າງ​ໄປ​ໄກ​ໄກ​ແລະ​ຈາກ​ນັ້ນ​ກໍ​ຕ້ອງ​ຂຶ້ນ​ເທິງ​ເຮືອ. ເມື່ອ​ໄປ​ຮອດ​ແລ້ວ ເຂົາ​ເຈົ້າ​ໄດ້​ຊ່ວຍ​ຫຼາຍ​ຄົນ​ໃຫ້​ຮູ້​ກ່ຽວ​ກັບ​ພະ​ເຢໂຫວາ. ແຕ່​ມີ​ຄົນ​ຈຳພວກ​ໜຶ່ງ​ທີ່​ໃຈ​ຮ້າຍ​ຫຼາຍ​ແລະ​ພະຍາຍາມ​ຈະ​ທຳ​ຮ້າຍ​ເຂົາ​ເຈົ້າ. ດັ່ງ​ນັ້ນ​ໂປໂລ​ແລະ​ຕີໂມເຕ​ຈຶ່ງ​ໄປ​ປະກາດ​ຢູ່​ບ່ອນ​ອື່ນ.

ຕີໂມເຕ​ຂຶ້ນ​ເຮືອ​ເດີນ​ທາງ​ໄປ​ກັບ​ໂປໂລ

ຕີໂມເຕ​ມີ​ຄວາມ​ສຸກ​ແລະ​ມີ​ຊີວິດ​ທີ່​ໜ້າ​ຕື່ນ​ເຕັ້ນ

ຫຼາຍ​ເດືອນ​ຜ່ານ​ໄປ ໂປໂລ​ໄດ້​ຂໍ​ໃຫ້​ຕີໂມເຕ​ກັບ​ຄືນ​ໄປ​ເມືອງ​ເທຊະໂລນີກ ເພື່ອ​ຈະ​ເບິ່ງ​ວ່າ​ພີ່​ນ້ອງ​ເປັນ​ແນວ​ໃດ. ລາວ​ຕ້ອງ​ມີ​ຄວາມ​ກ້າຫານ​ຫຼາຍ ເພາະ​ຖ້າ​ກັບ​ໄປ​ລາວ​ອາດ​ຖືກ​ທຳ​ຮ້າຍ​ໄດ້. ແຕ່​ລາວ​ກໍ​ໄປ​ເພາະ​ລາວ​ຮັກ​ພີ່​ນ້ອງ​ທີ່​ຢູ່​ທີ່​ນັ້ນ​ຫຼາຍ ເມື່ອ​ກັບ​ມາ ລາວ​ໄດ້​ບອກ​ຂ່າວ​ດີ​ໃຫ້​ໂປໂລ​ຮູ້​ວ່າ​ພີ່​ນ້ອງ​ທີ່​ຢູ່​ໃນ​ເມືອງ​ເທຊະໂລນີກ​ນັ້ນ​ເຂັ້ມແຂງ​ຫຼາຍ​ໃນ​ຄວາມ​ເຊື່ອ!

ຕີໂມເຕ​ເຮັດ​ວຽກ​ກັບ​ໂປໂລ​ເປັນ​ເວລາ​ຫຼາຍ​ປີ. ຄັ້ງ​ໜຶ່ງ​ໂປໂລ​ໄດ້​ຂຽນ​ເຖິງ​ຕີໂມເຕ​ວ່າ​ເປັນ​ຄົນ​ທີ່​ດີ​ຫຼາຍ​ທີ່​ໂປໂລ​ສາມາດ​ສົ່ງ​ໄປ​ເພື່ອ​ຊ່ວຍ​ພີ່​ນ້ອງ​ໃນ​ປະ​ຄົມ​ຕ່າງໆ. ຕີໂມເຕ​ຮັກ​ພະ​ເຢໂຫວາ​ແລະ​ຮັກ​ຜູ້​ຄົນ.

ລູກ​ຮັກ​ຜູ້​ຄົນ​ແລະ​ຕ້ອງການ​ຊ່ວຍ​ເຂົາ​ເຈົ້າ​ໃຫ້​ຮູ້​ເລື່ອງ​ພະ​ເຢໂຫວາ​ບໍ?— ຖ້າ​ລູກ​ຕ້ອງການ​ເຮັດ​ແບບ​ນັ້ນ ລູກ​ກໍ​ຈະ​ມີ​ຄວາມ​ສຸກ​ຫຼາຍ​ແລະ​ຈະ​ມີ​ຊີວິດ​ທີ່​ໜ້າ​ຕື່ນ​ເຕັ້ນ​ຄື​ກັບ​ຕີໂມເຕ!

ມາ​ອ່ານ​ຄຳພີ​ໄບເບິນ​ນຳ​ກັນ

  • 2 ຕີໂມເຕ 1:5; 3:15

  • ກິດຈະການ 16:1-5; 17:1-10

  • 1 ເທຊະໂລນີກ 3:2-7

  • ຟີລິບ 2:19-22

ຄຳຖາມ:

  • ຕີໂມເຕ​ໃຫຍ່​ຢູ່​ເມືອງ​ໃດ?

  • ຕີໂມເຕ​ຢາກ​ເດີນ​ທາງ​ໄປ​ກັບ​ໂປໂລ​ບໍ? ແລະ​ຍ້ອນ​ຫຍັງ?

  • ເປັນ​ຫຍັງ​ຕີໂມເຕ​ຈຶ່ງ​ກັບ​ຄືນ​ໄປ​ເມືອງ​ເທຊະໂລນີກ?

  • ລູກ​ຈະ​ມີ​ຄວາມ​ສຸກ​ແລະ​ຊີວິດ​ທີ່​ໜ້າ​ຕື່ນ​ເຕັ້ນ​ຄື​ກັບ​ຕີໂມເຕ​ໄດ້​ແນວ​ໃດ?

    ໜັງສືພາສາລາວ (1993-2025)
    ອອກຈາກລະບົບ
    ເຂົ້າສູ່ລະບົບ
    • ລາວ
    • ແຊຣ໌
    • ການຕັ້ງຄ່າ
    • Copyright © 2025 Watch Tower Bible and Tract Society of Pennsylvania
    • ເງື່ອນໄຂການນຳໃຊ້
    • ນະໂຍບາຍກ່ຽວກັບຂໍ້ມູນສ່ວນຕົວ
    • ຕັ້ງຄ່າຄວາມເປັນສ່ວນຕົວ
    • JW.ORG
    • ເຂົ້າສູ່ລະບົບ
    ແຊຣ໌