Maa Nɛɛ Ʋulu Vea Te Yɛ Kii-Ma Wɔ

Ani ʋulu vea ta ɣaa ɓaana te yɛ kii-mai, towa Jehova yii-la na ɣa ɣɛɛna ta ɓalaa te wuuzu ɣa nɛɛ. (Mak 10:9) Gà zii-la ɓɔga kuuzu nɛɛ ɣɛ ʋulu veaitiɛ ya, maa nɛɛ te ziɛ ga niitiɛ Gala Kɔlɔi boga ani ta ɣɛna nu ɣaa-ziɛzu ga te fulu.

Maa nɛɛ nɔ e nu ɣaa-ziɛ ga e fulu ani e levega siɛgi va ŋaza nu ɔ zunu ʋai ɣa wɔɔlɔ la nu ɣigii zu. (1Kɔl 7:36) Ya ɣɛna dɛ ga kaɓawɔ maa nɛɛ e ɣaa-ɓaa ga e ya ziɛ-pului zu-ɓaa wo yɔɔzu wa Jehova na ɣa ɣɛɛna yiɛ tuɓo-vele vapagi taniga maa woli. Na ɣa ɓɔ e va ani ya nui ta ʋuluna zii-la ɣɛ wa ɣaalai zu.

Ɔ̀ vɛɛ ʋaazu bu ga e nu ʋulu, siɛ tamaa ziɣi ba ga e nii wɛ̃ɛ e ‘ga manui ɣigii-zu ʋai.’ (1Pi 3:4) Ani faa taniga ta e ɣi-daa vilina e vile manui va, a yɛpɛ e vile ba wa tɔ. Wa ɣɛna sa ga ʋulu vea, maa nɛɛ e ɣi-gaa-ziɛ velei ma ya ɓɔ la e wɔlɔi va, ɛ lɛ ga velei e wɔlɔi ɣa ɓɔ la e va. (Fel 2:3, 4) Ani ya niitiɛ ɣɛɛna Gala Kɔlɔi boga ɔ vɛɛ ʋulu ʋaa ɣɛɛzu, ya zoo ɓalaa yiɛ te ɣɛ ani ya ʋulu ʋaa ɣɛɛna, tɔwɔ na ɣa va ga kuuzu nɛɛ wo wɔ.

ƲILIOGI NII LƐ GA YA ƔƐNA ƔAVELE ƁƐTƐZU GA E ƲULU ƲAA ƔƐ—SAVA KELEI: “TIIGOI WƐ̃Ɛ,” NA ƔA ƔƐƐNA WO GAA-ZAƔA-KƐƐTIƐ ƔAA WOTE:

• De ɣaa yɔwɔ̃i ɓɔga Shane ta ziɛ-pului zu ɣɛni ɓaazu ɣɛ le?

• Zɛɓɛi e kwɛ̃ni tei te lebini siɛ-pului zu?

• Kaa veaitiɛ te ɓɔni ba ɣɛ le, na ɣa ɣɛɛna zɛɓɛi e deʋeni ga e kɛ?