Tii Ɣɛ Ga JW.ORG Ʋãga Wɔlɔi Ya Ɣɛna Gala Goo Wosu

Taitiɛ te wõini te yee zei gaamai wu, kɔlɔ lamaa ɣa da fãga wɔlɔi ma ga ta wõi la. (Ac 13:48) Zɛpɛ wũgitiɛ te na, te vilegɛ niitiɛ va te ɣɛɛzu ɔɔ fai niitiɛ numaa te ɣi-gaa-ziɛzu ma.

Da ʋãga wɔlɔi jw.org ɣa ɓɔ e va ɣɛ le Gala goo wo suvɛ?

• Yiɛ li fãga wɔlɔi ma siɛ lamaa. Wɛlɛ niitiɛ va te na, na ɣa ɣɛɛna ɣi-gaa-ziɛ ga velei ya ɓɔ la nui nii va é wõini e gaamai maa woli ga ki-daa-wodoi na. (Ga e wɛlɛ ki-daa-wodoitiɛ va te fea su lɛ dɛ libini, yee ɓado “See More.”) Ani ya ɣɛna liizu fãga wɔlɔi ma siɛ lamaa, towa ɓɔ e va ga ki-daa-wodo lamaa ɣɛ e ya ga e yɛpɛ e vile ba Gala goo wo suvɛ.

• Tii Ɣɛ ga kɔlɔitiɛ ɓɔga ʋiliogitiɛ te fãga wɔlɔi ma ga e Gala goo wo nu ma. Sɔɔlai niitiɛ ta ɓɔ de va ga de faitiɛ wɛ̃ɛ numaitiɛ te ɣi-gaa-ziɛzu ma, vɛ de Gala goo wosu na.

• Da ʋãga wɔlɔi lɛ ga numaa. Yɛpɛ e vile zɛpɛ wũgi ta va na ɣa ɣɛɛna e dɛ ga manui ga velei towa sɔɔlaitiɛ vɛtɛ la da fãga wɔlɔi ma.

• Fãga wɔlɔi ma ɣi-daa-wodoi ʋe numaa ya. Numaa taniga tɛ lɛ wõini ga da tiɛni de yɛpɛ, kɛ ta wõi ga te li da ʋãga wɔlɔi ma. Na ma mɛlɛ maa nɛkɛ ga e fãga wɔlɔi ma ɣi-daa-wodoi ɔɔ ma ʋiliogi ɔɔ ma wɔlɔi ta ʋe niitiɛ ya te wõini te gaamai maa woli.