VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Jehova Ɣa Ɓɔ Niitiɛ Va Te Yii Zuulizu
Tanisu de yii ɣa zuuli. Ani na ɣa ɣɛɛna, zu-wulo-zu lɛ ga zee-la-ma lɛ de ya e vile Jehova va. Nii ʋɔlɔ e ba, Jehova tɔ ɓɔɔ e dɛɛvɛ ga tɔ ɓalaa tanisu zii ɣa zuuli. (Ge 6:5, 6) Kɛ zɛɓɛi da kɛ ani de yii ɣa ɣɛna zuulizu tanisu ɔɔ yiɛ zuuli ɣee nɛpɛ?
Jehova ɣaa-zaɣa-kɛ ga e ɓɔ e va. Jehova ɓɛdɛvɛ ɓɔɔ velei ma da ɣi-gaa-ziɛ la. Ani de yii ɣa zuulizu ɔɔ de wuuzu nɛɛ towa kwɛ̃ɛ. Jehova ɣa kwɛ̃ɛ velei de ɣi-gaa-ziɛzu la e vɛɛ zaɓui va e kɛɛ diɛ ɣi-gaa-ziɛ ɣana. (Ps 7:9b) Maɓigii ɣa ga, Jehova ɓɛdɛvɛ ɓɔɔ de ʋaa ma. Na ɣa ɣɛɛna towa ɓɔ de va de yii-lɔɔ ani de yii ɣa ɣɛna zuuli zu.—Ps 34:18.
Ɣaa-ɓaa ga ki-gaa-ziɛ vagɔ ɣɛ e ya. Ani da ɣɛna ɣi-gaa-ziɛzu ga yowũa, towa faa vɛɛ kuuzu nɛɛ va maa nɛɛ e ɣɛ de ya e vɛɛ ɓalaa da Ɣala feli ʋai va. Na ma, maa nɛɛ de ɣaa-ɓaa ga de ɣigii maazu ɓaa.—Pr 4:23.
A WƐLƐ ƲILIOGI NII VA ZII-LAA ƔA DE ƔAA YƆWƆ̃ITIƐ YA VELEI ƁALAA ZIIZUULI ƲAA ƔA ƔƐƐ LA GA TIƐ, NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
Faa taniga ta ga zɛɓɛ Nikki kɛɛni ga e ɓɔni ba, tei zii ɣɛni zuulizu?
Zɛɓɛi e kɛɛ Nikki ɣi-gaa-ziɛni ga kɛni ya li sale vɛlɛi la?—Maf 9:12
Nikki yee laani Jehova ma ɣɛ le ga e ɓɔ ba?