VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Duu Kɛɛ Veaitiɛ—A Ɓɔ Wo Leaitiɛ Va Ga Te Ɣele-Ɣele Gala Fai Zu
Ga duu kɛɛ veaitiɛ te ɓɔ te leaitiɛ va ga te ɣele-ɣele Gala fai zu, maa nɛɛ te ɓɔ te va ga tiɛ wulo gaalɛ-baitiɛ zu-nu-ma. Niitiɛ nu niinɛitiɛ ta mɛni, ɔɔ te pɛtɛ na ɣa ɣɛɛna te yɛpɛ e vile ba gaalɛ-bai zu, towa ɓɔ te va ga te faa maa woli e vile Jehova va na ɣa ɣɛɛna te ɣɛ ga na siɛ-pulu. (De 31:12, 13) Ani ya ga duu kɛɛ nu, ya leve ɣɛ le e ɓɔ e lui va ga yiɛ wulo gaalɛ-baitiɛ zu-nu-ma?
Ɣaa-ɓaa siɛ nɛpɛ ma ga è yɛ gaalɛ-baitiɛ zu.—Ps 22:22
Gaalɛ-bai ɔ vɛɛ lɔɔ-zeizu ɔɔ gaalɛ-bai ɣa ɓeana siɛ siɣi ba ga wa e ɣaa yɔwɔ̃itiɛ wo yɛpɛ ga tawolo.—Hiiɓ 10:25
Kɔlɔi da ɣɛ maa wolizu gaalɛ-bai zu, ɣaa-ɓaa ga e ɣɛ nu ɓɔgapɛ zeea ani da ɣɛna maa wolizu gaalɛ-bai zu
Ɓɔ e lui va e ɣavele ɓɛtɛ ga e gaa-zaɣa-kɛɛ ta ɣaa wote gaalɛ-bai zu.—Maf 21:15, 16
Yɛpɛ ga pagɔ e vile gaalɛ-baitiɛ va, e vɛɛ kala-bogitiɛ va e maa zɔlɔ woga
Ɓɔ e leaitiɛ va ga tiɛ vɛɛ de ɣaa yɔwɔ̃itiɛ va ga tiɛ da Ɣala-feli zuvɛtiɛ maa ɓɛtɛ, na ɣa ɣɛɛna tiɛ yɛpɛ nu wɔlɔ-zaɣagitiɛ wɔ kuuwui zu
Kɛni ya tii lamaa ɣɛ ga é ɓɔ e leaitiɛ va ga te tii lamaa ɣɛ Jehova vɛ. Na ɓalaa ɣɛɛvɛ tanisu ya ɓɔlɔ, kɛ ya zoo e yee la Jehova ma ga e ɓɔ e va.—Isa 40:29.
A WƐLƐ ƲILIOGI NII VA DUU KƐƐ VEAITIƐ A YEE LA JEHOVA ƁƆGA NA GAA-ƁAI MA, NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
Zɛɓɛi e ɣɛɛni ga Zack ɓɔga Leah?
Zɛɓɛi e kɛɛ maa nɛɛ duu kɛɛ veaitiɛ te Jehova ɣaa-zaɣa-kɛ na gaa-ɓai ma?
Zack ɓɔga Leah te yee laani Jehova ma ɣɛ le?