JULY 29–AUGUST 4
PSALM 69
Gui 13 ɓɔga Gala-Feliai | Niitiɛ De Vaazu Maa Wolizu (Militi 1)
1. Faitiɛ Te Ɣɛɛni Ziizɛ Na Ŋeteai Zu Te Woni Ɣɛ Le Psalm 69 Zu?
(Militi 10)
Te zilini ga Ziizɛ zaɓu lɛ ɣɛni ba (Ps 69:4; Jɔ̃ 15:24, 25; w11-E 8/15 11 ¶17)
Wũfe ma ɣɛni Ziizɛ ya Jehova na pɛlɛi ʋaa ma (Ps 69:9; Jɔ̃ 2:13-17; w10-E 12/15 8 ¶7-8)
Ziizɛ ɣɛni taɓa ziɣizu, na ɣa ɣɛɛna te dɔɔ ʋeni zeea ŋɛnii ta su ga e kpoale (Ps 69:20, 21; Maf 27:34; Luki 22:44; Jɔ̃ 19:34; g95-E 10/22 31 ¶4; it-2-E 650)
ƔI-GAA-ZIƐ GAA-ZAƔA-KƐƐ NII MA: Zɛɓɛ e kɛɛ niitiɛ Gala Kɔlɔi boni e vile Ziizɛ va Jehova ɣɛni ga zaɓu ga te te wonɛ Gala goi niitiɛ zu te ponɛni Hiiɓulu woi zu?
2. Faa Vagɔitiɛ Te Gala Kɔlɔi Zu
(Militi 10)
Ps 69:30, 31—Gala goi niitiɛ ta ɓɔ de va ɣɛ le ga diɛ Gala feli ɓɔɔ ga pagɔ? (w99-E 1/15 18 ¶11)
Zɛɓɛi e maa wolia dɔwɔi nii ma Ɣala Kɔlɔ lodogai zu e wõini e yɛpɛ e vile ba?
3. Gala Kɔlɔ Lodogai
(Militi 4) Ps 69:1-25 (th kalabo 2)
4. Zii-Lɔi—Nii Ziizɛ Kɛɛni
(Militi 7) A yɛpɛ e vile ba. ƲILIOGI lɛ ga, na ɣa ɣɛɛna wo yɛpɛ e vile lmd kalabo 8 baa veke 1-2.
5. Zii-Lɔi—Vile Ziizɛ Wɔwɔ Wogi Zu
(Militi 8) A yɛpɛ e vile lmd kalabo 8 baa veke 3-5 ɓɔga “Wɛlɛ Ɓalaa Niitiɛ Va.”
Gui 134
6. Kuuwu Ɓalama Ʋaitiɛ
(Militi 5)
7. Tɛnɛgoitiɛ Te Kaala Ɣala Kɔlɔ Maa Woliai Ʋaa Ma
(Militi 10) A yɛpɛ e vile ba.
Kwenagi nii zu January 2009, te Gala Kɔlɔ Maa Woli Ʋai Kuuwui Zu vɛɛni Velei Da Gala Goo Wotii Ɣɛɛ La Ga Pagɔ e vɛɛ Velei Maa Nɛɛ Kolai Maa Veaitiɛ Te Ta Ŋeteai Ɣɛɛ La, ga e ɣɛ ga dɔɔ yɔɔzu ɣaalɛ-ba ɣila. Nii vɛɛ ɓɔsu kaalai zu veaitiɛ va ga te kaala Ɣala Kɔlɔ maa woliai ɣɛ dɔwɔ nɛpɛ. De ɣaa yɔwɔ̃ lamaa te dɛɛ ga te wuuzu nɛɛvɛ nii ʋaa ma, e ɓɔga te va ga te lɔtɔ Jehova va e vɛɛ te veaitiɛ va kaalai zu.—De 6:6, 7.
Tɛnɛgoitiɛ ta ga zɛɓɛ ya ɓɔ kaala wũ-tuo nui va ga na numaitiɛ te wulo Kaala Ɣala Kɔlɔ Maa Woliai zu-nu-ma?
A kɛ dɔwɔ nɛpɛ ma. Ani towa zolowo, a siɛ dɛ ga wiɛ kaala Ɣala Kɔlɔ maa woliai ɣɛ ma dɔwɔ nɛpɛ. A folo ɓalaa lɛ wa kɛ ma ani fai ta ɣa kɛɛna wɛ lɛ ɣɛ kɛɛni siɛgi ma wo siɣia
A ɣavele ɓɛtɛ. A yɛpɛ e vile ba wa e ŋazai, na ɣa ɣɛɛna tanisu ya lopaitiɛ ɣaa-zaɣa-kɛ e vile nii va wa maa woli. A mɛlɛ siɛ tamaa siɣi ga wɔ ɣavele ɓɛtɛ, ani ʋɔlɔ ya ɣaalai ɣa wulozu nii zu-nu-ma wa kɛ dɔwɔ nɛpɛ
A niitiɛ maa woli kaalai ɓɛdɛɛ ma. Lopaitiɛ ta ɣɛna ɓakpazu, niitiɛ te ɓɛdɛɛ ma e vɛɛ niitiɛ va ta zoo te kɛ maa ɣa ʋelibo. Niitiɛ wa maa woli maa nɛɛ e ɓɔ nu ɣile-giledaitiɛ va kaalai zu ga te wɔɔlɔ Jehova ʋeli ʋai zu
A ɣaa-ɓaa ga kuuzu nɛɛ ɣɛ na na ɣa ɣɛɛna nu pɛ zii-la. Tanisu wa kɔlɔi maa woli ŋeteavɛ, ani wooza ɣaa wodovɛ. A mɛlɛ luo ga wiɛ loowo. Tɔ ga gaama ga maa nɛɛ wo siɛgi nii ziɣi ba ga wo yɛpɛ e vile niitiɛ va ya ɓaa ya ɣaalai zu veaitiɛ yee ma, kɛ mɛlɛ siɛgi na ziɣi ga e faa wo ga ya wãla te ma ɔɔ ga e te ɣɛɛzɔ kulo te yee ma
Niitiɛ wa maa woli a wiɛ maa ʋelibo. Ma wo-kɔ̃ɔ-mai ta ɣa ga, ɣeeta wa ɣavele ɓɛtɛ gaalɛ-bai ʋaa ma, wo wɛlɛ ʋiliogi ta va jw.org ʋãga wɔlɔi ma wo yɛpɛ e vile ba, na ɣa ɣɛɛna wo po-kɔ̃ɔ-ma taniga ɣɛ e vile Gala goo wo fai va. Tɔ ga faa vagɔ ga wo yɛpɛ wa ɣɛna Kaala Ɣala Kɔlɔ Maa Woliai ɣɛɛzu. Tanisu wa siɛ fe kaalai zu veai taniga ya ga te kɔlɔ taniga maa woli ɓɔɔ yee ma.
A gaa-zaɣa-kɛɛ nii ɣaa wote:
E ɣaa-ɓaa dɛ ga e ziɛ ga tɛnɛgoi niitiɛ ya ɣaala Ɣala Kɔlɔ maa woliai zu?
8. Gala Kɔlɔ Maa Woli Ʋai Kuuwui Zu
(Militi 30) bt toso 13 ¶8-16, kologi e kɔlɔ-laɣa 105 ma