Ziizɛ “Goo-Mɛni-Kuloa Maa Wolini”

Ziizɛ ɣa goo-mɛni-kulo wɔ Jehova ya. (Jɔ̃ 8:29) Zɛɓɛi sa e kɛɛ Gala Kɔlɔi bosu ga e: “Goo-mɛni-kuloa maa wolini daa-nɔwɔ-wogi é boni saala zu”?—Hii. 5:8.

Faitiɛ Ziizɛ leveni su tei e ɣɛni zui nii ma, lɛ leveni su tei e ɣɛni Gala ta. Wõila ɣɛni kaa veaitiɛ ya Jehova ʋaa ma, kɛ te ɣɛni ga faa yowũ ɣɛɛ vea. (Luki 2:51) E laa-nɔwɔ-woni gala pɛlɛ wũ-tuo vea ɓɔga gɔmɛti wũ-tuo vea ya. (Maf. 26:59; Maki 15:15) Na ɣa ɣɛɛna “é woloni é goo-mɛni kulo ɓalaa ga é za,” velei ɓalaa e ɣɛni la ga sai nii ɔ bo gului ma.—Fel. 2:8.

Fai niitiɛ te ɓɔni Ziizɛ va ga e goo-mɛni kuloai maa woli pele ɓalaa su. Na ɔ kɛ e ɣɛ ga Masa pagɔ, Zalaɣa Wulo nu, na ɣa ɣɛɛna e lo de ʋaa ma. (Hii. 4:15; 5:9) Ziizɛ ʋize woni ɓɔɔ ga ʋike Jehova ɣaazu, tei e goo-mɛni kuloai maa wolini daa-nɔwɔ-wogitiɛ zu e leveni su. Da ɓalaa da ʋize wo Jehova ɣaazu na ɣa ɣɛɛna e tii ʋe de ya ani da ɣɛna goo-mɛni kulozu zeea ani ɓalaa da ɣɛna levesu faa ɓaazu.—Jĩi. 1:4.