A Ɣiini Zii-lɔɔ

Ani da siɛ siɣina kii-ma da de ɣaa yɔwɔ̃itiɛ, na ɣa de wuuzu nɛɛ e de yii-lɔɔ. Tɔwɔ, zii-lɔi da sɔlɔwo de ɣaa yɔwɔ̃itiɛ ya tevegɛ siɛgi va da kɛ kii-ma. Gaa-ɓai e de ya ga de ɣiini zii-lɔɔ, tɔ ɣa Gala Kɔlɔi tilisu ga “faa nɛi.” (Loo. 1:11, 12) Pelei taniga ta ga zɛɓɛ da zoo de de ɣaa yɔwɔ̃itiɛ yii-lɔɔ la?

E ɣaa yɔwɔ̃itiɛ yii-lɔɔ ga velei ya yɛpɛ la. Ma wo-kɔ̃ɔ-mai ta ɣa ga, da gaa-zaɣa-kɛɛ taniga ɣaa wote gaalɛ-bai zu ga de yɛpɛ e vile Jehova va, Daa Woi, ɔɔ de ɣaa yɔwɔ̃itiɛ. Dɛ lɛ ɣaazu ɓadoga ɓɔɔ va. Da de ɣaa yɔwɔ̃itiɛ da ɣɛna yɛpɛzu, de yɛpɛ e vile niitiɛ va ya ta yee-la-mai zuɓaa.

Numaa ɣaa nɛkpɛ ga deʋeitiɛ ya bo ta velei ya luo-ɓo la. Ma wo-kɔ̃ɔ-mai ta ɣa ga, numaa taniga te deʋea ga te Gala goo wo tii ɣɛ ga ta dɔ lii velei ɓalaa te levesu la faa ɓaasu. Taniga ta ɣaa-ɓaa ga te li dɔwɔ yɔɔzu ɣaalɛ-bai zu velei ɓalaa ta lii, ɔɔ seeɓɛi ɣa kɛɛ la na ɓaa te yee ma.

Velei ya yɛpɛ la, e ɣisu towa e ɣaa yɔwɔ̃itiɛ yii-lɔɔ? Ya ɓalaa ya yee-zei nii wu e ɣaa yɔwɔ̃itiɛ ta bo ga te e yii-lɔɔ?