KALABO 5

Kɔlɔi Lodo Ga Pagɔ

1 Temete 4:13

NIITIƐ MAA NƐƐ E KƐ: Woitiɛ lodo ga velei nɔ te la kɔlɔi zu ga woo wala.

Ɣavele ɓɛtɛ ga pagɔ. Ɣi-gaa-ziɛ zaɓui ma e kɛɛni tiɛ woi natiɛ wonɛ. Yiɛ woitiɛ lodo e ɣɛ velei maa nɛɛ te ɣɛɛ la. Mɛlɛ ɣɛ dodosu e ɣɛ ya ɣɛ gaalu bosu. Mɛlɛ woo ta nɛpɛ pɛɛ ba ɔɔ e ɓude ta maazu ɔɔ nɔ ɣɛ ga e woo ɓalaa bo. Kwɛ̃ɛ vɛ ya wɛ̃ɛna ga tawolo, ɔɔ vɛ maa nɛɛ e daa wulona.

Bo nui ta ma ga e wuito e ma ya ɣɛna dodosu. Bo ma ga vɛ nɛpɛ ɛ̀ lɛ na lodoni ga pagɔ é bo e ma.
Woitiɛ wo ɓɔɔ ga pagɔ. Ani ɛ lɛ zooga woitiɛ lilisu ga pagɔ, wɛlɛ kɔlɔi taniga zu va ga e kwɛ̃ɛ velei ta woi na lili da. Ya wuito kɔlɔi na lodogai ma ɔɔ e nui ta ɣaa-zaɣa-kɛ ga soogɛi ɓɔɔ kɔlɔ lodosu ga pagɔ, ga e ɓɔ e va.
Yɛpɛ ga gaa wodoa. Woitiɛ lili ga pagɔ. Ya wũgi lɛ giizu, na ɣa ɣɛɛna yiɛ bo ga woo wala. Ɣaa-ɓaa e woitiɛ tili ga pagɔ.

Mɛlɛ ɣɛ luɓozu woitiɛ ma ga ʋike ga ya kɛ numaa tiɛ ɣi-gaa-ziɛ ga ta ɓalaa.