Dɛ Velei Numaitiɛ Ta Wulo La Su-Nu-Ma

Proverbs 3:21

NIITIƐ MAA NƐƐ E KƐ: Ɓɔ numaitiɛ va te kwɛ̃ɛ velei ta wulo la niitiɛ zu-nu-ma e dɛɛzu ga tiɛ na ɣa ɣɛɛna velei ta ziɛ la ga tiɛ.

VELEI YA NA ƔƐƐ LA:

• Ɣi-gaa-ziɛ numaitiɛ ma e yɛpɛzu te wɔ. Ɣi-gaa-ziɛ zaɓui ma e kɛɛ maa nɛɛ te niitiɛ mɛni e vaazu bosu. Niitiɛ ɓɔɔ te ya yɛpɛi zu, ga ya ɓɔ numaitiɛ va, maa nɛɛ e te wɛ̃ɛ.

• Niitiɛ maa nɛɛ te kɛ, dɛ ga tiɛ ya yɛpɛi zu. Ya zɛpɛi lɔɔ-zeina ɓɔɔ nɔ, maa nɛɛ nu ɓɔgapɛ ge gaa ɣa ga niitiɛ e vaazu bosu ta vaazu wulozu su-nu-ma. Ya yɛpɛna e vile zɛpɛ wũgi vaa-ʋekegi ta nɛpɛ ba, dɛ ga velei ta ziɛ la ga niitiɛ te maa wolizu. Mɛlɛ ɣɛ nɔ yepɛzu kpɔgi wɔ, kɛ yɛpɛ e ziiti nu ɣile-giledaitiɛ yii ma.