Mɛlɛ Luo

Nii Ziizɛ Kɛɛni

ƲILIOGI: Ziizɛ Gala Goi Woni Zakia Ma

1. Wɛlɛ ƲILIOGI va, ɔɔ Luki 19:1-7 lodo. Ya na ɣɛɛna e gaa-zaɣa-kɛɛ niitiɛ ɣaa wote:

1. Zɛɓɛi e kɛɛni numaa taniga te wulu ɣaa ʋeeni Zakia va?

2. Zɛɓɛi e kɛɛni Ziizɛ yiɛ Gala goo wo Zakia ma?

Zɛɓɛi Da Maa Woli Ziizɛ Na Po-Kɔ̃ɔ-Mai Zu?

2. Ga de Gala goo wo nu ɓɔgapɛ ma, maa lɛ nɛɛni dɔ luo.

Vile Ziizɛ Wɔwɔ Wogi Zu

3. Yee la Jehova ma. Gala na gaa-ɓai ɓɔni Ziizɛ va ga e Gala goi wo. Na ma towa ɓɔ e va ya ɓalaa. (Maf. 10:19, 20; Luki 4:18) Jehova ɣaa-zaɣa-kɛ ga e ɓɔ e va ga e mɛlɛ luo niitiɛ va ta wõi ga te kɛ e ʋii-ɓɛɛ.—Te Ɣɛɛ Ʋaitiɛ 4:29.

4. Mɛlɛ ɣi-gaa-ziɛ ga manui lɛ vaazu yee zeizu Gala goi wu. Faa taniga ta kɛ dɛ lɛ wõiya ga dɔ Gala goo wo nu taniga ma. Fai niitiɛ taniga ta ga: velei manui la, velei e na ŋeteai ɣɛɛzu la, manui na gala feli velei, e vɛɛ sa faa taniga va. Kɛ maa nɛɛ de pɛɛ ɣibɛ ga:

1. Jehova ɓɔga Ziizɛ te niitiɛ wɛ̃ni e numaa ɣigii zu, kɛ dɛ lɛ kwɛ̃ni.

2. Jehova ɣa ɓɔ nu nɛpɛ ba ga e ɣɛ ga feli nui ta.

5. Mɛlɛ luo, da ma ga velei ya yɛpɛ la, na ɣa ɣɛɛna e dɛ ga ya ga kele-ɣele nu. (Maf. 10:16) Mɛlɛ kɛ manui ya ga kpɔɛ. Da ma e zɛpɛi laa wulo ani manui lɛ wõini ɔ wuito, ɔɔ ani zɛpɛi na lɛ e yii laazu.—Prov. 17:14.