Ɣɛ Ga Zii-Ɓaa Nu

Nii Ziizɛ Kɛɛni

ƲILIOGI: Ziizɛ Tɛnɛ Feeni Kpɛtɛ Nui Nii Ya E Ɣɛni Ga Nu Niinɛ

1. Wɛlɛ ƲILIOGI va, ɔɔ Maki 10:17-22 lodo. Ya na ɣɛɛna e gaa-zaɣa-kɛɛ niitiɛ ɣaa wote:

1. Tuɓo-vele vagɔ zɛɓɛi Ziizɛ pɛtɛni nu niinɛi nii ya?

2. Zɛɓɛi e kɛɛ maa nɛɛ wõila ɔ ɣɛ Ziizɛ ya e ɣɛ wɔnɔ ga zii-ɓaa nu ga e tɛnɛ fe nu niinɛi nii ya?

Zɛɓɛi Da Maa Woli Ziizɛ Na Po-Kɔ̃ɔ-Mai Zu?

2. Maa nɛɛ de yɛpɛ wõila vele zu na ɣa ɣɛɛna diɛ ɓɔɔ gaamai wo ga de ɓɔ niitiɛ va de te ɣalabosu ga te wɔɔlɔ Gala fai zu.

Vile ZiIzɛ Wɔwɔ Wogi Zu

3. Ɓɔ nui va e Kalabosu ga e faa taniga leʋe Jehova ʋeli ʋai zu na ɣa ɣɛɛna e te ɣɛ.

1. Ɓɔ manui va ga vɛ ponɛɛ na ga “Ɣaa-ɓaa e nii ɣɛ” kɔlɔi nii zu, Yii-Ma Ɣɛ Wɔlɔ-Wɔlɔ Ta Wɔlɔ-Wɔlɔ!

2. Ɓɔ nui va e kalabosu ga e faa taniga leʋe ga ya kɛ kaʋile ɔɔ naa luoi zu.

3. Yiɛ manui mama siɛ nɛpɛ ma ga velei e ɣaa ɓaazu la.

4. Ɣaa-ɓaa e fai niitiɛ wɛ̃ɛ e kɛɛzu manui lɛ wɔɔlɔ zu Gala fai zu na ɣa ɣɛɛna e ɓɔ ba e fai natiɛ yee maazu ɣale.

1. Ɣi-gaa-ziɛ gaa-zaɣa-kɛɛ niitiɛ ma:

   • ‘Nui ge kalabosu, zɛɓɛi e kɛɛ lɛ ɣaa ɓaazu ga e bataizei maa zɔlɔwo?’

   • ‘Ga leve ɣɛ le ge ɓɔ ba?’

2. Jehova ʋeli ga e ɓɔ e va e ɣɛ ga zii-ɓaa nu, ga e yɛpɛ wõila vele zu e vile nii va maa nɛɛ manui kɛ.

5. Niitiɛ tɛ lɛ ɣaa ɓaazu, laa wulo te ɣalabo fai zu.

1. Kwɛ̃ɛ ani nui e kalabosu tɔ ɣaa ɓaazu ani ya ɣi-gaa-ziɛna gaa-zaɣa-kɛɛ niitiɛ ma:

   • ‘Nui ge kalabosu tɔ ziɛzu ga niitiɛ e maa wolizu?’

   • ‘Tɔ liizu gaalɛ-baitiɛ zu na ɣa ɣɛɛna niitiɛ e maa wolizu tɔ dɛɛzu ga numaa?’

   • ‘Ani e lebiga Gala Kɔlɔi maa wolizu e ɣisu e wõini saa e ɣɛ ga Jehova ʋile veaitiɛ te ta?’

2. Ani nui e kalabosu ɛ lɛ wõini ɔ ɣaa-ɓaa:

   • Gaa-zaɣa-kɛ nii ma e kɛɛ ɛ lɛ wõini ɔ ziɛ ga niitiɛ e maa wolizu.

   • Bo ma wũfe-ma velezu zaɓui e kɛɛ e laa wulozu kalabo fai zu.

   • Bo ma ga niitiɛ maa nɛɛ é kɛ ɔ̀ vɛɛ na Gala Kɔlɔ maa woli ʋai lɔɔ-zeizu wɔnɔ.