Ki-Daa-Wodoi E Na Niitiɛ Ʋaa Ma Te Vaa Vaazu Gaalɛ-Bai Zu

SEIZU ƲEE VEAITIƐ Seizu ʋee veaitiɛ ta na ga te ɓɔ e va. Ɣaa-ɓaa ga e ziɛ ga niitiɛ ta bo e ma, ani ya vaana velei wɔ maa nɛɛ e ya ɓize ŋɛnii lo la ta vɛ maa nɛɛ e to na, vɛ vele maa nɛɛ numaa te leve la, taitiɛ ya seizuvɛ yɛ na te vɛ, e vɛɛ sa faa taniga va.

BATAIZEI Taitiɛ te vaazu bataizei maa zɔlɔwosu, maa nɛɛ te zei na luovɛ. Kɛni sa ta bona te ma ga te zei ŋada ɓalaa. Taitiɛ te vaazu bataizei maa zɔlɔwosu, maa nɛɛ te ɣɛ zeini na luo bataize yɛpɛi ɔ vɛɛ lɔɔzei zu sivili ʋoloi subu. Maa nɛɛ te va ga seɣe vagɔ bataize ɣɛɛ ʋai ʋaa ma na ɣa ɣɛɛna te va wɔnɔ ga taawɔ ga te ɓɔɔ maa ɓale.

NII YA DA ƔISU GA E FE Te naʋolo lamaa lɔɔvɛ gaalɛ-bai nii ʋaa ma nii ya kɛ de ŋada vagɔ zɔlɔwo ga de zei na. Te wui kolu taniga ɣeea ga de zɛpɛitiɛ mɛni ɓɔɔ ga pagɔ gaalɛ-bai nii zu, te sɔɔla taniga ɣeea wɔnɔ ga de wɛlɛ ʋiliogi va ɓɔɔ ga pagɔ, e vɛɛ sa ŋɛni lamaa va ga te ɓɔ de va de wulo gaalɛ-bai nii zu-nu-ma na ɣa ɣɛɛna de lɔtɔ Jehova va. Naʋoloi ya fe, towa ɓɔ ge va ga ge sɔɔlai nii ma zɔwɔ̃i ta wulo su, na ɣa ɣɛɛna e ɓɔ Gala goo wotii va. Ani e wõini nii nɛpɛgi ya da ɣisu, ya dɔ kologi ta nɛpɛsu te zeini kpogitiɛ la. Ya naʋoloi nii ta wulosu ɓalaa Jehova Na Seeleitiɛ ta ʋãga wɔlɔi ma, vɛ ponɛɛ na ga donate.jw.org. Naʋoloi nɛpɛgi ya fe, ge wuuzu ɣa nɛɛ ɓɔɔ ga ʋikee faa ma. Gala Goo Wotii Maazu Vɛtɛ Veaitiɛ te wõini ɓɔɔ te e mama faa nɛɛ niitiɛ ɓɔgapɛ faa ma ya kɛ ga e ɓɔ Gala goo wotii va.

ANI SEEƁƐ ƲAA ƔA WULONA FAA MAA WŨGI YA KƐ Pɛɛ ɣibɛ ga nii ɣa nɔ taitiɛ ʋaa ma te vaa gaalɛ-bai zu na ɣa ɣɛɛna seeɓɛ ʋaa wulo e vile te va.

ANI SƆƆLA ƔA VILINA E YA VƐ YA SƆLƆWO NA Ani ya tooya ŋɛni ziɣina, liila ɓulugi nii wɔ ya tooya ŋɛniitiɛ laazu ɣɛ. Ani ya ŋɛni ta nɛpɛ toona ya, li ɓulugi nii wɔ, na ɣa ɣɛɛna e ya zɔɔlai ma zii lɛ. Lopai niitiɛ te wuloa te ɣaa veaitiɛ va ɔɔ te viliga, maa nɛɛ te li ga tiɛ ɓulugi nii wɔ. Na ɓalaa ɣɛɛvɛ, ɣaa-ɓaa ga e e leaitiɛ maazu vɛtɛ na ɣa ɣɛɛna te yɛ e woba siɛ nɛpɛ ma nii ya kɛ e mɛlɛ te ɣaa-ziɛ.

SEIZU VƐ Dɛ ga e ɓɛdɛvɛ numaa ɓalaaga ʋaa ma. Kwɛ̃ɛga, maa nɛɛ nɔ e seizu maa zɔlɔwo niitiɛ ʋaa ma wa tiɛni wo ga kaala gila, wa niitiɛ wo lia gaalɛ-bai zu kiima, wa niitiɛ wo pɛlɛ gila bu, ɔɔ wa niitiɛ e Gala Kɔlɔi lɛɛzu ga tiɛ. Kpɔkpɔgi nɛpɛgi ɛ lɛ zeizu ga ɔɔ ya nui ta lɛ zeizu ga, mɛlɛ ŋɛni la ga.

ANI E DAA ƔISU GA E TII TANIGA ƔƐ Ani ya daana ɣisu ga e tii taniga ɣɛ gaalɛ-ba walai zu, li e bo ɓulugi nii ma e ki-daa-wodoi ɓɔga niitiɛ maazu ta wõi ga te tii taniga ɣɛ.

Gala Goo Wotii Maazu Vɛtɛ Veaitiɛ Ɣa Te Deʋei Niitiɛ Woga