VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Jehova Na Ki-Gaa-Ziɛ Wɛ̃ɛ
Maa nɛɛ de Jehova yii-mai ɣɛ faa pɛ su. (Pr 27:11) Da na ɣɛ, ani da ɣɛna deʋe vagɔ wosu siɛ nɛpɛ ma ani ɓalaa tɔ kɛ lɛ Gala Kɔlɔi zu ɔ vile fai na va. Zɛɓɛi ya ɓɔ de va ga de na ɣɛ?
Yiɛ Gala Kɔlɔi maa woli siɛ nɛpɛ. Ɣee nɛpɛ ani da Gala Kɔlɔi lodona maʋaa ɣa wulo e ɣɛ da siɛ siɣizu kii-ma da Jehova. Da Jehova na ki-gaa-ziɛ wɛ̃ɛ ani da ɣi-gaa-ziɛna e vile velei va ɔ na numaitiɛ zo la wɔlɔ-wɔlɔi zu. Maa nɛɛ de faa maa woli wɔnɔ e vile niitiɛ va te faa vagɔ ɣɛɛni e vɛɛ niitiɛ va te faa yowũ ɣɛɛni gaazu. Ani da ɣɛna deʋe wosu, Gala na gaa-ɓai ɣa ɓɔ de va de ɣi-zɛ niitiɛ zu de maa wolini wɔlɔ Gala Kɔlɔi zu.—Jɔ̃ 14:26.
Da wɔlɔi taniga maa woli. Ɔ vɛɛ deʋe wosu, ɣi-gaa-ziɛ gaa-zaɣa-kɛɛ nii ma, ‘Gala goi zɛɓɛi ya ɓɔ ba ga ge kwɛ̃ɛ velei Jehova ɣi-gaa-ziɛzu la e vile fai nii va?’ Jehova ʋeli ga e ɓɔ e va, na ɣa ɣɛɛna e da wɔlɔi taniga maa woli ga e ɓɔ e va fai na zu.—Ps 25:4.
A WƐLƐ ƲILIOGI NII VA ƔAA-ƁAA YIƐ GALA KƆLƆI MAA WOLI GA PAGƆ, NA ƔA ƔƐƐNA WO GAA-ZAƔA-KƐƐ NIITIE ƔAA WOTE:
Ʋiliogi nii zu, zɛɓɛi e ɣɛni ɣɛɛzu ga de ɣaa yɔwɔ̃i nii?
Ya leve ɣɛ le e faa taniga maa woli da wɔlɔitiɛ zu ani ya ɣɛna levesu fai nii mazii ta zu?
Ani da siɛ siɣina ba ga de Gala Kɔlɔi maa woli e vɛɛ da wɔlɔi taniga va, towa ɓɔ de va ɣɛ le ga de deʋe vagɔ wo?—Hiiɓ 5:13, 14