VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Kwɛ̃ɛ Ga Wõila Ɣa Jehova Ya E Ʋaa Ma
“Jehova wuuzu nɛɛvɛ na numaitiɛ ʋaa ma.” (Ps 149:4) Velei ɓalaa de la ga faa yowũ ɣaa vea, towa ɣi-gaa-ziɛ tuɓo-vele vapagitiɛ ma te de ya e vɛɛ niitiɛ va da zoo de kɛ. Kɛ tanisu, na ɣa ɓaa de yee-ma ga de ɣi-gaa-ziɛ ɣana e vile ɓɔɔ va. Ani numaa ta de zona ga yowũa, tanisu na lɛ ɓaa ga de ɣi-gaa-ziɛ ga dɛ lɛ ʋize woni. Ani da ɣɛna ɣi-gaa-ziɛzu e vile faa yowũi ta ma de kɛɛni wɔlɔ, ɣeeta na ɣa kɛ de ɣi-gaa-ziɛ ga wõila lɛ Jehova ya de ʋaa ma. Zɛɓɛi ya zoo e ɓɔ de va ani da ɣɛna ɣi-gaa-ziɛzu ŋana?
Kwɛ̃ɛ ga velei nu ɓuse ɣa ɣi-gaa-ziɛ la, vele laale Jehova ɣa ɣi-gaa-ziɛ la. (1Sa 16:7) Na zu-wulo-zu ɣa ga, niitiɛ Jehova kwɛ̃ni e vile de va da ɓɔɔ dɛ lɛ ʋɔlɔ kwɛ̃ɛni. Kɛ, Gala Kɔlɔi ɓɔga de va de kwɛ̃ɛ velei Jehova ɣa ɣi-gaa-ziɛ la e vile de va. Da zoo de ná ki-gaa-ziɛ wɛ̃ɛ ani da ɣɛna Gala Kɔlɔi lodosu na ɣa ɣɛɛna diɛ faa maa woli e vile velei va Jehova dɛɛ la ga wõila ɣa zeea feli veaitiɛ ʋaa ma.
A WƐLƐ ƲILIOGI NII VA ƔAA-ƁAA E YA ƔI-GAA-ZIƐI MAA WOLO, NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
Po-kɔ̃ɔ-mai nii pilegɛi kpize yɛvɛ nui ɓɔga keea va, zɛɓɛi e dɛɛzu ga diɛ e vile velei va Jehova ɣa ɣi-gaa-ziɛ la e vile de va?
Ani nu ɣa faa yowũ ɣɛɛna Jehova ɣaazu tɔwɔ manui ɣaa-ɓaa ga e ɓe ba ga siɛ-pulu ɣɛ te yɔɔzu ta Jehova, zɛɓɛi maa nɛɛ e ɣɛ ga na ki-gaa-ziɛ?—1Jɔ̃ 3:19, 20
Tei de ɣaa yɔwɔ̃i faa maa wolini e vile Deeve ɓɔga Jehoo-safa ta wɔ-kɔ̃ɔ-mai va, na ɓɔni ba ɣɛ le?