VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
A “Wiɛ Ŋɛni Ta Wulo Su Ga Tee Wiɛ Daa-Zu Ɣɛ”
De mɛlɛ ɣɛ tea ani ga naa maa zɔlɔ wona, ga ɓɔ Gala goo wotii va. Kɛ e ɣɛ velei Gala daa woo wo nui Pɔɔ dɛɛ la, siɛ nɛpɛ maa nɛɛ de ‘ŋɛni ta wulo su ga tee diɛ daazu ɣɛ.’ (1Kɔl 16:2) Ani da ziɛna ga tɛnɛgi nii, towa ɓɔ de va de ɣaa-ɓaa Jehova ʋeli ʋai zu, tɔwɔ na ɣa kɛ de wuuzu nɛɛ. Jehova wuuzu nɛɛvɛ ga tei da da ɣisu ga de ŋani taniga ʋe ga de ɓɔ Gala goo wotii va. Ani ɓalaa da ɣɛna ɣi-gaa-ziɛzu ga pɛnɛvɛ, Jehova ɣa yee zei bu ani nɔ kulovɛ de ɣisu.—Pr 3:9.
A WƐLƐ ƲILIOGI VA, WO MAMA ŊƐNI TA WULOZU SU GA TEE WIƐ DAA-ZU ƔƐ, NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
Ani da deʋena naʋoloi da fe, da wulo su-nu-ma ɣɛ le?
Numaa taniga ta “ŋɛni ta wulo su ga tee tiɛ daa-zu ɣɛ” ɣɛ le?