Tele-Bo Tuoi Ɓɔga Da Ɣi-Gaa-Ziɛi

Da dɛ ga da ga tele-bo tuo wo bea niitiɛ zu da kɛ ta niitiɛ da bo e vɛɛ wɔnɔ niitiɛ va da ɣi-gaa-ziɛ ma. (Ps 19:14) Na ɣa e kɛɛ Gala Kɔlɔi boga de ma ga diɛ ɣi-gaa-ziɛ nii nɛpɛ ma e ga gaama, e ga ɓaa-la-ma ʋaa, e ga tele-bo faa, nii nɛpɛ maʋaa maa wuai, nu wõi-ɣɛ-ma ʋaa, nii nɛpɛ saala ma, ŋɛnii nɛpɛ pagɛi ɓaa pɛ ba, e vɛɛ ŋɛnii nɛpɛ ba kuloai bu ga daa-maa-lɛ wo da. (Fel 4:8) Gaama zu, dɛ lɛ zooga dɔ maa wooza ki-gaa-ziɛ yowũi ɓɔgapɛ ba. Na ɓalaa ɣɛɛvɛ, ani da ɣɛna ɓɔɔ zosu towa ɓɔ de va ga de ki-gaa-ziɛ yowũi maa ʋeli bo ga ma vagɔ. Ani da ɣɛna ga tele-bo tuo wo bea da ɣi-gaa-ziɛi zu, towa ɓɔ de va ga de ɣɛ ga tele-bo tuo wo bea de luɓo-velei zu.—Maki 7:21-23.

Ki-gaa-ziɛi niitiɛ wonɛ maa nɛɛ de ɓeteve ba Gala goi niitiɛ wu:

Loo 12:3

Luki 12:15

Maf 5:28

Fel 3:13