KALABO 20

Faitiɛ Ɣaa Wulovɛ Ba Ɣɛ Le Kuuwui Zu

Printed Edition

Jehova na fai ɣaa wulovɛ ɓɔɔ ba. (1 Kɔlĩitiɛ 14:33) Na ɣa e kɛɛ e wõini na numaitiɛ ta ʋai ɣaa wulo ba. Faitiɛ ɣaa wulovɛ ba ɣɛ le kuuwui zu? Zɛɓɛi da kɛ ga goo-la-ma ɣɛ kuuwui zu?

1. Ɓɛɛ ɣɛ e ga kuuwui mawũgi?

‘Kolai ɣa é ga kuuwui mawũgi.’ (Ɛfɛsɔitiɛ 5:23) Tɔ Gala ta yiɛ pele wulo ga Gala na numaitiɛ zui wɔlɔ-kɔlɔ ma. Ziizɛ yee ɓadoga ‘tii-ɣɛɛ veai niitiɛ va nu ɣa la ga tiɛ’—tiɛ ka te ga Gala Goo Wotii Maazu Vɛtɛ Veaitiɛ. (Mafiyu 24:45-47 lodo.) Gala Goo Wotii Maazu Vɛtɛ Veaitiɛ ta ki-daa-wodo ʋe kuuwuitiɛ ya zui wɔlɔ-kɔlɔ ma. E ɣɛ velei nɔ Kolai na keelaitiɛ ta kuuwu wũ-tuoitiɛ tɔ kɛɛ la Yɛlusulɛɛ. (Te Ɣɛɛ Ʋaitiɛ 15:2) Kɛ numai niitiɛ taale te ga ɓulugi mawũgi. Ta Gala Kɔlɔi lodo ga te niitiɛ wɛ̃ɛ Jehova wõini te kɛ. Na ɣa ɣɛɛna ta ziɛ ga Ziizɛ na deʋei.

2. Tii zɛɓɛi e kuuwu wũ-tuo veaitiɛ ya?

Kuuwu wũ-tuo veaitiɛ ta ga zinai niitiɛ te lebiga kuuwui zu ga ʋike. Tiɛ ka ta Jehova na numaitiɛ ɣalabo, tiɛ ɓɔ te va, tiɛ te ɣaa-nɛkpɛ. Tɛ lɛ te ʋɔɔnɛ ʋea tii nii ʋaa ma. Ta tii nii ɣɛ ga te ‘yii-laa vele máʋaa zu; tɛlɛ kɛɛ wũfe tala ŋɛni zɔlɔwo faa ma. Kɛ̀ ta kɛ ga te zɔɓɛlɛ-ɣɛɛ vele maʋaa zu.’ (1 Pite 5:1, 2) Kuuwu wũ-tuo veaitiɛ ta ɓɔ ba veaitiɛ ta ɓɔ te va kuuwui zu. Ta ɣaa ɓaana tii ta fe te ya tiɛ kɛ ga pagɔ ta ɣɛ ga kuuwu wũ-tuo nui ta na luoi zu.

Gala Goo Wotii Maazu Vɛtɛ Veaitiɛ ta yee-ɓado kuuwu wũ-tuo vea taniga va ga te ɣɛ ga sakiu owɔsiɛi. Sakiu owɔsiɛitiɛ ta li kuuwuitiɛ zu ga te laali te ɣaa yɔwɔ̃itiɛ ma ga te te zu-ɓaa, te te ɣi-daa-wodo. Sakiu owɔsiɛitiɛ ka ta yee-ɓado kuuwu wũ-tuo veaitiɛ va e vɛɛ ta ɓɔ ba veaitiɛ va, ani ta kulo na bu e ɣɛ velei Gala Kɔlɔi boga la.—1 Temete 3:1-10, 12 Taitɔ 1:5-9.

3. Tii zɛɓɛi e Jehova Na Seeleitiɛ te ɣile-giledaitiɛ ya?

Taitiɛ te kuuwui zu te pɛ ta “Jehova na daa-zeigi laa-maa-lɛ” ani ta ɣaa ɓaana tiɛ nii ɣɛ ta ziɛ bu. Da Jehova laa-maa-lɛ ɓalaa ani da na Gala goi wosu numaa ma.—Psalms 148:12, 13 lodo.

FAA LAMAA MAA WOLI

Wɛlɛ velei Ziizɛ la ga wũ-tuo nu vagɔ, velei kuuwu wũ-tuo veaitiɛ ta vile la kɔwɔ-wogi zu. Na ɣa ɣɛɛna velei manɛɛ de yee zei la deʋei nii wu ya wulo Ziizɛ ya e vɛɛ kuuwu wũ-tuo veaitiɛ va.

4. Ziizɛ ɣa ga wũ-tuo nu vagɔ

Ziizɛ ɣa ɓɔɔ de maa nɛɛnɛsu ga de li pɔ. A Mafiyu 11:28-30 lodo, wo gaa-zaɣa-kɛɛ nii ɣaa wote:

Ziizɛ wõini de ɣi-gaa-ziɛ ɣɛ le e vile na wũ-tuoi lii va?

Kuuwu wũ-tuo veaitiɛ ta vile ɣɛ le Ziizɛ wɔwɔ-wogi zu? ƲILIOGI nii lɛ ga.

ƲILIOGI: Nii Kuuwu Wũ-Tuo Veaitiɛ Te Kɛɛni Tei Zui Wuuni Su Nepal (4:56)

Gala Kɔlɔi dɛɛvɛ ga velei manɛɛ kuuwu wũ-tuo veaitiɛ te ta lii ɣɛɛ la.

A Isaiah 32:2; ɓɔga 1 Pite 5:1-3 lodo, wo gaa-zaɣa-kɛɛ nii ɣaa wote:

Kuuwu wũ-tuo veaitiɛ ta ɣaa ɓaazu ga te ɓɔ te ɣaa yɔwɔ̃itiɛ va. Zɛɓɛi e ga ya ɣi-gaa-ziɛi e vile na va?
Pelei taniga ta ga zɛɓɛ kuuwu wũ-tuo veaitiɛ ta vile la Ziizɛ wɔwɔ-wogi zu?

5. Kuuwu wũ-tuo veaitiɛ ta ziɛ ga nii ta dɛ

Ziizɛ wõini kuuwu wũ-tuo veaitiɛ te ɣi-gaa-ziɛ ɣɛ le e vile ta liitiɛ va? ƲILIOGI nii lɛ ga.

ƲILIOGI: Kuuwu wũ-tuo veaitiɛ ka ta pelei wulo! (7:39)

Ziizɛ nii lɛɛvɛ manɛɛ kuuwu wũ-tuo veaitiɛ te kɛ. A Mafiyu 23:8-12 lodo, wo gaa-zaɣa-kɛɛ nii ɣaa wote:

Velei kuuwu wũ-tuo veaitiɛ ta ziɛ la ga nii Gala Kɔlɔi boga, vele laale wũ-tuo veaitiɛ ta kɛɛ la gala pɛlɛi zɔitiɛ wu. Zɛɓɛi e e yii zoga e vile na va?

A.Collage: Kuuwu wũ-tuo nui nii ɣa ɣaa ɓaazu ga ta na numaitiɛ siɛ-pulu vagɔ ɣɛ te yɔɔzu ta Jehova. 1. Tɔ Gala felizu ɔ vɛɛ Gala Kɔlɔ maa woli ʋai lɔɔ-zei zu. 2. Ta ŋazai ta Gala Kɔlɔi lɛɛzu ga te luu ŋaza nui.

B.Ta ŋazai te lia ga te laali de ɣaa yɔwɔ̃i nii ma yɛ zeeɓɛ.

Kuuwu wũ-tuo nui nii ɣa ɣaa ɓaazu ga ta na numaitiɛ siɛ-pulu vagɔ ɣɛ te yɔɔzu ta Jehova
Kuuwu wũ-tuo veaitiɛ ta kuuwui maazu vɛtɛ
Kuuwu wũ-tuo veaitiɛ ta Gala goo wo siɛ nɛpɛ ma
Kuuwu wũ-tuo veaitiɛ ta kalabo bo. Ta vɛɛ de va ga de Gala feli zuvɛ ɓɛtɛ

6. Gá yee zei kuuwu wũ-tuo veaitiɛ ta leʋeitiɛ wu

Gala Kɔlɔi zaɓui lɛɛvɛ e kɛɛ manɛɛ de ziɛ ga niitiɛ kuuwu wũ-tuo veaitiɛ ta bo de ma. A Hiiɓuluitiɛ 13:17 lodo, wo gaa-zaɣa-kɛɛ niitiɛ ɣaa wote:

E ɣisu zɛɓɛi e kɛɛ Gala Kɔlɔi ɣa boga, de goo-mɛni kulo kuuwu wũ-tuo veaitiɛ ya, diɛ wolo te vɛ?

A Luki 16:10 lodo, wo gaa-zaɣa-kɛɛ nii ɣaa wote:

Zɛɓɛi e kɛɛ manɛɛ de ziɛ ga niitiɛ kuuwu wũ-tuo veaitiɛ ta bo faa pɛ su?

NUMAA TANIGA TE ƔƐ: “Ɛ lɛ ga faa ɓi ga e ɣɛ Gala pɛlɛ nɛpɛ bu.”

Zɛɓɛi e kɛɛ e ga faa ɓi ga diɛ Gala feli kii-ma kuuwui zu?

NII SA È MAA WOLIA

Ziizɛ ɣa e ga kuuwui mawũgi. De wuuzu nɛɛvɛ ga de ziɛ ga niitiɛ kuuwu wũ-tuo veaitiɛ ta bo ɓɔvɛlaale ta ɓɔ de va. Na ɣa ɣɛɛna ta ziɛ ga niitiɛ ta dɛ ga diɛ.