Laala Ga Ya Vaazu Wu-Maa-Wo Maa Zɔlɔ Wosu Ŋeteagi Nii Ɣaa Ɓela Foloi Zu

Na tawolo nɔ ve sa Jehova na zii-lɔi va kwɛ̃ɛ ma. Tɔ vaazu zɛɛ ʋaa ɣala feli veaitiɛ zu ŋala-ŋalasu. Zuu taniga ta vaazu yee vilisu kiizu ga te laalɛ Gala na numaitiɛ wu. Jehova ɣa vaazu faa yowũ ɣɛɛ veaitiɛ ɓɔgapɛ zu ŋala-ŋalasu Amagɛdɔ̃ wɔi zu. Kolai Maa Veaitiɛ ta ɓɔɔ siɛgi nii maa kpõsu fai niitiɛ te vaazu ɣɛɛzu la.

Gaama zu, dɛ lɛ faa ɓɔgapɛ kwɛ̃ɛni e vile faa ɓoei walai nii va. Ma wo-kɔ̃ɔ-mai ta ɣa ga, dɛ lɛ ɓɔɔ siɛgi wɛ̃ɛni e vaazu ɣɛɛzu la. Dɛ lɛ zaɓui wɛ̃ɛni gɔmɛtiitiɛ te vaazu losu ma ga te laalɛ Gala feli veaitiɛ wu. Ani zui niitɛ ta laa lɛɛna Gala na numaitiɛ wu, dɛ lɛ siɛ tiigoi wɛ̃ɛni e vaazu siɣizu e vɛɛ niitiɛ va te vaazu kɛɛzu gatiɛ. Dɛ lɛ kwɛ̃ɛni wɔnɔ velei Jehova vaazu faa yowũ ɣɛɛ veaitiɛ zu ŋala-ŋalasu Amagɛdɔ̃ wɔi zu.

Na ɓalaa ɣɛɛvɛ, niitiɛ ɓɔgapɛ maa nɛɛ e ɓɔ de va ga de lo kpã faa ɓoei walai nii zu, Gala Kɔlɔi dɛɛvɛ ga diɛ. Ma wo-kɔ̃ɔ-mai ta ɣa ga, de kwɛ̃ɛni ga da sa ŋetea ɣaa ɓelagi zu. (2Tem 3:1) De kwɛ̃ɛni ga ta laa lɛɛna Gala feli veaitiɛ wu Jehova ɣa vaazu ‘mawui zu ɓuozu’ nii ya kɛ tɛ lɛ gaama Ɣala feli veaitiɛ zu ŋala-ŋalaga tiɛ ɓalaa. (Maf 24:22) De kwɛ̃ɛni ga Jehova ɣa vaazu na numaitiɛ wũ-maa-wosu. (2Pi 2:9) De kwɛ̃ɛni wɔnɔ ga nui Jehova yee ɓadoga ba ga e faa yowũ ɣɛɛ veaitiɛ zu ŋala-ŋala na ɣa ɣɛɛna e tele-bo tuo veaitiɛ wũ-maa-wo, gaa ɓaavɛ e ga tele-bo nu.—Faa 19:11, 15, 16.

Faitiɛ te vaazu ɣɛɛzu naa luoi zu, ta vaazu kɛɛzu ‘numaa te ʋili-ɣili ga duo.’ Na ɓalaa ɣɛɛvɛ, maa nɛɛ diɛ faa maa woli e vile velei va Jehova vɛɛ numaa maazu vɛtɛsu la, e vɛɛ niitiɛ va e dɛɛ ga diɛ ga e vaazu ɣɛɛzu. Ani da na ɣɛɛna, da zoo de “wũ bu ziɣi [de] wɛlɛ wũ maazu va, ɓɔvɛlaale [de] wũ-maa-wo fai zu ɣa ɣɛ sa ɓuozu.”—Luk 21:26, 28.