VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA

E Ɣavele Ɓɛtɛvɛ Saa Faa Ɓoei Ʋaa Ma?

Ani da kwɛ̃ɛna ga faitiɛ ta ɓɔɔ ɓaazu zui zu, ɛ lɛ wuloa ga diɛ. Zɛɓɛ ʋaa ma? Zaɓui ɣa ga da sa ŋetea ɣaa ɓelagi zu na ɣa ɣɛɛna Gala Kɔlɔi de lɛnɛgɛ ga de mɛlɛ ɣito “kpɛtɛ ŋɛnii niitiɛ va nu lɛ laa ga tiɛ.” (1Tem 6:17; 2Tem 3:1) Zɛɓɛi da maa woli Masagi Jehoo-safa na po-kɔ̃ɔ-mai zu e vile velei va maa nɛɛ de ɣavele ɓɛtɛ la faa ɓoei ʋaa ma?

Jehoo-safa yee laani Jehova ma, siɛgi ma faa ɓoei laani la ma. (2Ch 20:9-12) E wulo na wulu e ɣaa ɓaani ga e faa taniga ɣɛ, natiɛ ta ga e na kɔɔ wɔɔ veaitiɛ ɣaa wɛɛni su ga te taitiɛ maazu ɓaa. (2Ch 17:1, 2, 12, 13) E ɣɛ velei Jehoo-safa kɛɛni la, maa nɛɛ de yee-la Jehova ma na ɣa ɣɛɛna a de faa taniga ɣɛ ga e ɓɔ de va ani faa ɓoei ɣa laana de ma.

ZƐƁƐI MAA NƐƐ DE KƐ GA DE ƔAVELE ƁƐTƐ FAA ƁOEI ƲAA MA?

Yee-la Jehova ma: Nii e e ya ɓɛ na e yii-la, na ɣa ɣɛɛna e yee-la Jehova ma ga e e wɔnɔ-kulo folo nɛpɛ. (Maf 6:26; 1Tem 6:8) De ɓalama ʋaitiɛ te mɛlɛ kɛ dɔ goo-mɛni tala wulo Jehova ya. (Loo 2:21) Ɣi-gaa-ziɛ velei ya leve la e Gala Kɔlɔi ɔɔ da wɔlɔitiɛ maa zɔlɔwo ani wui kolu lɛ e ya ɔ faa ɣa vɛɛna fãga wɔlɔi va. Maa nɛɛ da wɔlɔi taniga te ɣɛ e ya, na ɣa ɣɛɛna ta ɣɛ e ya foũgi ma.

Ɣavele ɓɛtɛ e vile sɔɔla ʋaa va: Faa ɓoei ɔ vɛɛ vaazu, ɣaa-ɓaa e kui zo fai maa yii. Na ɣa ɣɛɛna e sɔɔlai niitiɛ ɣea nɔ e ɓɛdɛɛ te ma. (Pr 22:7) Ani ya zoo, ɣaa-ɓaa e daa-mii ŋɛni lamaa maa zɔlɔwo e vɛɛ sɔɔla taniga va ya ɓɛdɛ ma. Numaa taniga ta kpele wulo ga te sii-zii ŋɛni taniga zei ga e ɓɔ te va te naʋolo laazu ɣɛ.

A WƐLƐ ƲILIOGI NII VA, E ƔA VELE ƁƐTƐVƐ SAA FAA ƁOEI ƲAA MA? NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:

Footei niitiɛ te wulovɛ ʋiliogi nii zu “E Ɣa Vele Ɓɛtɛvɛ Saa Faa Ɓoei Ʋaa Ma?” Te Gala Kɔlɔi lɛɛvɛ, ɓɛɓɛgi, foũgi e vɛɛ sa pɛlɛ lo beatiɛ va.

Zɛɓɛi maa nɛɛ de ɓɔgapɛ de kɛ ga de ɣavele ɓɛtɛ faa ɓoei ʋaa ma?

Your answer

Footei nii wulovɛ ʋiliogi nii zu “E Ɣa Vele Ɓɛtɛvɛ Saa Faa Ɓoei Ʋaa Ma?” De ɣaa yɔwɔ̃i niitiɛ ta tii ɣɛɛzu ɓulugi nii va ya ɓɔ de ɣaa yɔwɔ̃itiɛ va ani faa ɓoei ɣa laana te ma. Ta sa pɛlɛi nii losu na ma ta sɔɔla taniga wulozu kai zu.

Da leve ɣɛ le de ɣavele ɓɛtɛ ga de ɓɔ numaa ɓalaaga va?

Your answer