Zɛɛ Ʋaa Ɣala Feli Veaitiɛ Ta Gala Na Daa-Zeigi Ŋala-Ŋalasu

Ani Gala ka ga wõila, zɛɓɛi e kɛɛ Gala feli vea taniga ta faa yowũ lamaa ɣɛ? Gaamai ɣa ga, Gala feli veai niitiɛ ta ga zɛɛ ʋaa ɣala feli vea. Ta Gala na daa-zeigi ŋala-ŋalasu. Te vɛɛ Gala na daa-zeigi ŋala-ŋalasu ɣɛ le? Gala ɣa ɣi-gaa-ziɛ ɣɛ le e vile nii va? Zɛɓɛi e vaazu kɛɛzu e vile ba?

1. Zɛɛ ʋaa ɣala feli veaitiɛ ta Gala na daa-zeigi ŋala-ŋalasu ɣɛ le ta ɣala-bogitiɛ zu?

‘Gaamai pilegɛi Gala ba te maa ʋeliga ga zɛɛ ʋaa.’ (Loomɛitiɛ 1:​25) Zɛɛ ʋaa ɣala feli veaitiɛ tɛ lɛ Gala na daa-zeigi lɛɛ ga ta ɣala pɛlɛ wu vaitiɛ. Kɛ, Gala Kɔlɔi dɛɛvɛ ga manɛɛ diɛ Gala lili ga na daa-zeigi. (Loomɛitiɛ 10:​13, 14) Faa yowũ ɣa ɣɛɛna, gala pɛlɛ wũ-tuo vea taniga ta ɣɛ tea Gala ka e kɛɛ. Kɛ nii ɣa ga zɛɛ ʋaa. Gala lɛ wɔlɔ-wɔlɔ faa yowũ ɣɛɛ. (Jĩi 1:​13 lodo.) Zɛɛ ʋai niitiɛ te numaa maa wooza ga Gala ba.

2. Zɛɛ ʋaa ɣala feli veaitiɛ ta Gala na daa-zeigi ŋala-ŋalasu ɣɛ le te luɓo-veleitiɛ zu?

Zɛɛ ʋaa ɣala feli veaitiɛ tɛ lɛ numaa zoga ga velei Jehova ɣa kɛɛ la. Gala Kɔlɔi ɣɛ, zɛɛ ʋaa ɣala feli veaitiɛ ta ʋaa “yowũitiɛ maziɣi togɛ sa gáa wooza é ziiti gee wɔlɔgi ma.” (Faa wuloai kɛnɛ ma 18:5) Kwena tamaa wuuzu, gala feli veaitiɛ te vɛɛ yee vilisu gɔmɛti ʋaazu. Zɛɛ ʋaa ɣala feli veaitiɛ ta yee vili kɔɔ wɔɔ ʋaazu. Te ɣɛ ga zaɓu numaa ta valazu yɛʋui ma. Gala pɛlɛ wũ-tuo vea taniga te wõini te ɣɛ ga kpɛtɛ vea, nii ɣa ya kɛ tiɛ naʋolo wulo ta ɣala pɛlɛ wu veaitiɛ ya ga fɛlɛsɛ. Te luɓo-velei niitiɛ ta dɛɛzu ga tɛ lɛ Gala kwɛ̃ni. Na ma maa lɛ nɛɛni tɔ ɓɔɔ wulo ga Gala bea.​​—1 Jɔ̃ 4:8 lodo.

3. Gala ɣa ɣi-gaa-ziɛ ɣɛ le e vile zɛɛ ʋaa ɣala feli veaitiɛ va?

Nii zɛɛ ʋaa ɣala feli veaitiɛ ta kɛ towa numaa yii ɣaa-wãla. E ɣisu Jehova ɣa ɣi-gaa-ziɛ ɣɛ le e vile te va? Wõila ɣa Gala zeea de ʋaa ma. Zii ɣaa-wãlavɛ gala pɛlɛ wũ-tuo veai niitiɛ ya te na daa-zeigi ŋala-ŋalasu, tiɛ ta ɣala pɛlɛ wu veaitiɛ zoga yowũa. Gala de ɣi-togɛ ga tɔ vaazu zɛɛ ʋaa ɣala pɛlɛitiɛ zu ŋala-ŋalasu. Na ɣa ɣɛɛna ‘dɛ lɛ sa wɔlɔ-wɔlɔ te vɛtɛga.’ (Faa wuloai kɛnɛ ma 18:​21) Su lɛ sa woozani ga Gala ge zɛɛ ʋaa ɣala pɛlɛitiɛ ɓɔgapɛ zu ŋala-ŋala.​​—Faa wuloai kɛnɛ ma 18:8.

FAA LAMAA MAA WOLI

4. Gala lɛ yee zeiya gala feli veleitiɛ ɓɔgapɛ bu

Nu lamaa laavɛ la ga gala feli ʋai maʋaa wulovɛ ga pelei nii tamagɛi, kɛ te pɛ ta liizu Gala ta. Kɛ e ɣisu nii ɣa ga gaama? A Mafiyu 7:​13, 14 lodo, wo gaa-zaɣa-kɛɛ nii ɣaa wote:

• Zɛɓɛi Gala Kɔlɔi boga e vile pelei nii va ya kɛ nu zɛʋu zɔlɔwo kwɛ̃ɛ gɛ lɛ ba?

ƲILIOGI nii lɛ ga. Yá wolona, wo gaa-zaɣa-kɛɛ nii ɣaa wote.

ƲILIOGI: È Ɣisu Gala-Felia Te Pɛ Ka Gala Ka Yee Zei Bu?​—Ʋilio Kpuogi (3:​22)

• E ɣisu Gala Kɔlɔi bogɛ ga Gala feli velei te pɛ ka Gala ka yee zei bu?

5. Gala na wõilai lɛ zɛɛ ʋaa ɣala feli veaitiɛ ya

Zɛɛ ʋaa ɣala feli veaitiɛ te vɛɛ Gala na daa-zeigi ŋala-ŋalasu pele lamaa zu. Pele gila ka ga, velei te vɛɛ yee vilisu la kɔɔ wɔɔ ʋaazu. Ga e wɛlɛ velei va te vɛɛ nii ɣɛɛzu la, ƲILIOGI nii lɛ ga. Yá wolona, wo gaa-zaɣa-kɛɛ nii ɣaa wote.

ƲILIOGI: Velei Gala Pɛlɛitiɛ Te Luɓoni La Zuu Ɣaazɔ Wɔɔ Fele Kelei Zu (2:​22)

• Zɛɓɛi Gala pɛlɛ taniga te kɛɛni Zuu Ɣaazɔ Wɔɔ Fele Kelei zu?

• Zɛɓɛi e ga yɛdɔ ɣi-gaa-ziɛi e vile velei va te luɓoni la?

A Jɔ̃ 13:​34, 35 ɓɔga 17:16. lodo, wo gaa-zaɣa-kɛɛ niitiɛ ɣaa wote:

• Jehova ɣa ɣi-gaa-ziɛ ɣɛ le ani Gala feli vea ta yee vilina kɔɔ wɔɔ ʋaazu?

• Zɛɛ ʋaa ɣala feli veaitiɛ te ɣɛɛ ga zaɓu faa yowũ vɛɛ ɣɛɛzu. Zɛɛ ʋaa ɣala feli veaitiɛ te vɛɛ dɛɛzu ɣɛ le ga Gala na wõilai lɛ te ya?

6. Gala wõini é ɓɔ numaa va te wulo zɛɛ ʋaa ɣala pɛlɛitiɛ wu

A Faa wuloai kɛnɛ ma 18:4 lodo,a wo gaa-zaɣa-kɛɛ nii ɣaa wote:

• Ya ɣi-gaa-ziɛ ɣɛ le ani ya kwɛ̃ɛna ga Gala wõini é ɓɔ numai niitiɛ va te te ɣaa-mɔɔlɛ zu zɛɛ ʋaa ɣala pɛlɛitiɛ wu?

7. Ɣaa-ɓaa yiɛ faa maa woli e vile gaama Ɣalagi va

Zɛɛ ʋaa ɣala feli veaitiɛ ta faa yowũ lamaa ɣɛ. Na ɣa kɛ e ɣi-gaa-ziɛi ɣɛ le e vile Gala ba? Ɣi-gaa-ziɛ e vile lopoi nii va ɛ lɛ ziɛzu ga deʋe vagɔi nii keea fea zeea. Na ɣa ɣɛɛna e wulo keea va e li yiɛ sa faa yowũ ɣɛ. Ɛ lɛ ga zunui nii yii-ma ʋaa ga dui luɓo ga yowũa. Zɛɓɛi e kɛɛ dɛ lɛ ɣɛɛ tea, zunui nii ɣa e dui ŋala-ŋalaga?

• E ɣisu tɔ ga faa vagɔ ga de yii ɣaa-wãla Jehova ya de ɓe faa maa wolizu e vile ba ɓɔvɛlaale zɛɛ ʋaa ɣala feli veaitiɛ ta faa yowũni ga ɣɛ?

NII SA È MAA WOLIA

Zɛɛ ʋaa ɣala feli veaitiɛ te Gala na daa-zeigi ŋala-ŋalaga ga ta ɣala-bogitiɛ e vɛɛ te luɓo-vele yowũitiɛ va. Gala ka vaazu zɛɛ ʋaa ɣala pɛlɛitiɛ zu ŋala-ŋalasu.

Ma-ɓigitiɛ

• Zɛɓɛi e ga yɛdɔ ɣi-gaa-ziɛi e vile nii va zɛɛ ʋaa ɣala feli veaitiɛ te vɛɛ dɛɛzu, e vɛɛ te luɓo-velei va?

• Jehova ɣa ɣi-gaa-ziɛ ɣɛ le e vile zɛɛ ʋaa ɣala feli veaitiɛ va?

• Zɛɓɛi Gala vaazu kɛɛzu ga zɛɛ ʋaa ɣala pɛlɛitiɛ?

WƐLƐ FAA LAMAA VA

Wɛlɛ faa felegɔ va zɛɛ ʋaa ɣala feli veaitiɛ ta kɛ ga ya Gala yii zuuli.

“E Ɣisu Gala Pɛlɛi Te Pɛ Ta Ga Faa Gila? E Ɣisu Te Pɛ Ta Gala Yii-Mai Ɣɛ?” (Kɔlɔi nii ɣa fãga wɔlɔi ma)

Zɛɓɛi e kɛɛ Jehova wõini diɛ feli kii-ma?

“E Ɣisu Manɛɛ E Vɛɛ Gala Feli Vea Va?” (Kɔlɔi nii ɣa fãga wɔlɔi ma)

Gala pɛlɛ wũ-tuo nui nii yii lɛ ɣɛni laani ga niitiɛ te ɣɛni ɣɛɛzu gala pɛlɛi nii wu e ɣɛni bu. Kɛ nii lɛ kɛɛni ɔ ɓe gaamai maa wolizu e vile Gala ba.

“Zɛɓɛi E Kɛɛni Gala Pɛlɛ Wũ-Tuo Nui Nii Yiɛ Wulo Na Gala Pɛlɛi Wu?” (Awake!, February 2015)

Kwena tamaa wuuzu, gala feli vea laama te vɛɛ Gala na daa-zeigi ŋala-ŋalasu. Fai niitiɛ ta kɛ numaa te maa wooza Gala ba tiɛ ɣi-gaa-ziɛ ga kuuzu ɓɔlɔvɛ. Faa maa woli e vile zɛɛ ʋai nii taniga va.

“Zɛɛ Ʋaitiɛ Ya Dɛ Ga Wõila Lɛ Gala Zeea De Ʋaa Ma” (The Watchtower, November 1, 2013)