Foote Ɓɔga Ʋilio Taniga Lɛ Ya Ɣɛna Numaa Ɣalabosu

Genesis 15:5

NIITIƐ MAA NƐƐ E KƐ: Ʋiliogi ɓɔga foote taniga lɛ, ga e zoo e faa ɓigitiɛ ɣɛ ɓɔɔ kala. Na ɣa ɣɛɛna, na ɣa ɓaa ga numaitiɛ te yeema ma.

VELEI YA NA ƔƐƐ LA:

• Ʋiliogi ɓɔga foote taniga lɛ, ga e ɓɔ niitiɛ va e yɛpɛzu te wɔ ga te niitiɛ ɣaa ɣa e dɛɛzu ga tiɛ. Foote taniga lɛ, kɔlɔi taniga e siɛgi lɛɛzu fai ta ɣɛɛni ma, ɔɔ e pelei lɛɛzu ga e li ŋadai ta, e vɛɛ sa ŋɛni taniga va numaa ta pɛtɛ ga te faa ɓigii nii ɣaa ɣa e dɛɛzu. Numaitiɛ te mɛlɛ nɔ ɣizɛ footei ɔɔ ʋiliogi na zu, kɛ ɓɔ te va te ɣizɛ faa ɓigiii nii zu e dɛɛzu ga tiɛ.

• Ɣaa-ɓaa ga numaitiɛ te wɛlɛ footei ɔɔ ʋiliogi nii va e dɛɛzu ga tiɛ.