Dɛ Ga E Ɓɛdɛvɛ Numaa Ʋaa Ma

Nii Ziizɛ Kɛɛni

ƲILIOGI: Ziizɛ ɓɔga Ŋaza Nui Ziɛ Zaɣa Zuvɛ

1. Wɛlɛ ƲILIOGI va, ɔɔ Jɔ̃ 4:6-9 lodo. Ya na ɣɛɛna e gaa-zaɣa-kɛɛ niitiɛ ɣaa wote:

1. Zɛɓɛi Ziizɛ kwɛ̃ɛni e vile ŋaza nui va ɔɔ vɛɛ zɛpɛi lɔɔ-zeizu?

2. Ziizɛ ɣɛni ma: “Kɔ̀ ga ziɛ.” Na ɓɔni Ziizɛ va ɣɛ le ga e zoo e zɛpɛi lɔɔ-zei?

Zɛɓɛi Da Maa Woli Ziizɛ Ya?

2. Ani da yɛpɛna e vile niitiɛ va numaa te wõini la, towa ɓɔ de va de yɛpɛ ga pagɔ ga te wuito.

Vile Ziizɛ Wɔwɔ Wogi Zu

3. Ɣɛ ga nui nii na fai lɛ ɓaani. Mɛlɛ ɣɛ tea, kɛni nɔ ga yɛpɛ e vile nii va e kisu. Zɛpɛi lɔɔ-zei ga niitiɛ numaa te ɣi-gaa-ziɛzu ma. Ɣi-gaa-ziɛ gaa-zaɣa-kɛɛ niitiɛ ma:

1. ‘Zɛɓɛi te boga keela woitiɛ zu zaa?’

2. ‘Zɛɓɛi sii yɔwɔ̃itiɛ, taitiɛ ge tii ɣɛɛzu kii-ma ɔɔ niitiɛ ga tiɛni ge kɔlɔ vɛlɛ gila bu te yɛpɛzu e vile ba?’

4. Ɣɛ ga numaa maa ɓɛɛ nu. Ɣi-gaa-ziɛ gaa-zaɣa-kɛɛ niitiɛ ma:

1. ‘Zɛɓɛi manui kɛɛzu siɛgi na ma? Ɣeeta zɛɓɛi e ɣi-gaa-ziɛzu ma?’

2. ‘Velei manui la, seɣei e ma ɔɔ velei na pɛlɛi la, zɛɓɛi e dɛɛzu e vile manui va?’

3. ‘Siɛ vagɔ ɣaa ga ge yɛpɛ nui nii wɔ?’

5. Wuito.

1. Mɛlɛ yɛpɛ ga tamaa.

2. Ɓɔ manui va ga é yɛpɛ e vile nii va e kigii zu. Ani towa zolowo, gaa-zaɣa-kɛɛ taniga wo.