Numaa Ɣaazu Maa Wõi Zo

Nii Ziizɛ Kɛɛni

ƲILIOGI: Ziizɛ Numaitiɛ Ɣaazu Maa Wõi Zoni

1. Wɛlɛ ƲILIOGI va, ɔɔ Maki 6:30-34 lodo. Ya na ɣɛɛna e gaa-zaɣa-kɛɛ niitiɛ ɣaa wote:

1. Zɛɓɛi e kɛɛni Ziizɛ ɓɔga na kala dopoitiɛ te ɣɛni wõini te li ŋada ga te loowo?

2. Zɛɓɛi e kɛɛni Ziizɛ yiɛ wõi ga e numaitiɛ ɣalabo?

Zɛɓɛi Da Maa Woli Ziizɛ Na Po-Kɔ̃ɔ-Mai Zu?

2. Gaazu-maa-wõi-yai ɣa kɛ de ɓɛdɛ numaa ʋaa ma, lɛ nɔ ga keela woi da ɣɛ bosu.

Vile Ziizɛ Wɔwɔ Wogi Zu

3. Wuito ɓɔɔ ga pagɔ. Ɓɛ manui yɛpɛ e vile velei va e ɣi-gaa-ziɛzu la. Towa ɣɛna yɛpɛzu e vile velei va e ɣi-gaa-ziɛzu la e vile fai ta va, mɛlɛ goo leve ma. Ani ya wuitona nii ma e bosu, towa dɛ ga e ɓɛdɛvɛ nii ma e ɣi-gaa-ziɛzu ma.

4. Ɣi-gaa-ziɛ nui nii ma e yɛpɛzu pɔ. Ani wa wolona yɛpɛzu, ɣi-gaa-ziɛ gaa-zaɣa-kɛɛ niitiɛ ma:

1. ‘Zɛɓɛi ɓɔɔ e kɛɛ maa nɛɛ ge Gala goo wo nui nii ma?’

2. ‘Gala Kɔlɔ maa woli ʋai ɣa vaazu ɓɔsu ba ɣɛ le na ŋeteai zu?’

5. Ki-daa-wodoi nii ʋe zeea kpɛdɛɛ ɓɔɔ ma. Mɛlɛ maa-nɛkɛ, dɛɛ la ga velei Gala Kɔlɔ maa woliai ɣa na gaa-zaɣa-kɛɛtiɛ ɣaa wote la na ɣa ɣɛɛna e ɓɔ ba.