Nii Wo Solobogɛi

Nii Fele Kɛɛni

ƲILIOGI: Fele Ɣa Gala Goo Wosu Iitiopia Nui ma

1. Wɛlɛ ƲILIOGI va, ɔɔ Te Ɣɛɛ Ʋaitiɛ 8:30, 31 lodo. Ya na ɣɛɛna e gaa-zaɣa-kɛɛ niitiɛ ɣaa wote:

1. Fele zɛpɛi lɔɔ-zeini ɣɛ le?

2. Zɛɓɛi e kɛɛ da ɣɛ tea Fele zɛpɛi lɔɔ-zeini ga pagɔ na ɣa ɣɛɛ na e Gala goi wo zunui ma?

Zɛɓɛi Da Maa Woli Fele Na Po-Kɔ̃ɔ-Mai Zu?

2. Ani da zɛpɛi wuu na ga pagɔ na ɣa ɓɔ nui va de yɛpɛzu pɔ ga e yee zei nii wu de bosu ma.

Vile Fele Wɔwɔ Wogi Zu

3. Ɣɛ ga numaa maa ɓɛɛ nu. Nu ɣaazu ɓɛtɛ velei ta zɛpɛ velei ɣa faa lɛ ga diɛ e vile ba. E ɣisu manui wõini e yɛpɛ? Ya tɔɔ-zei ga e fai ta lɛ ga manui Gala Kɔlɔi zu ani ya gaa-zaɣa kɛɛna ga: “E faa wɛ̃ni e vile . . . ?” Ani manui lɛ wõini ɔ yɛpɛ mɛlɛ ɓoei da.

4. Ɣɛ ga zii-lɔɔ nu. Mɛlɛ ɣi-gaa-ziɛ ga kɛni ya yɛpɛ kaʋile e vile Gala Kɔlɔi va. Naa maa kpowũ siɛ pagɔi zii-ti ɔ vɛɛ yɛpɛzu e vile ba. Nii zu-wulo-zu ɣa ga, tanisu maa nɛɛ e na maa kpowũ, wa ɣɛna yɛpɛzu wa manui na wului.

5. Kwɛ̃ɛ velei ya kalabogi maa ʋeli la. Tanisu zɛpɛi lɛ ɣɛɛ wosu e ɣɛ velei e yɛ ga ɣi-gaa-ziɛzu la. Na ma ɣavele ɓɛtɛ ga e nii Wo Solobogɛi manui ʋaa ma ani ɓalaa naa laale e yɛ ga ɣi-gaa-ziɛzu ma.