Zɛɓɛi Gala Kɔlɔi Boga E Vile Ʋulu Veaitiɛ Ɓɔga Kaɓawɔitiɛ Va?

Ŋada taniga numaa te laavɛ la ga ani nu wõini e ɣɛ ga kuuzu nɛɛ nu, kɛni ya ʋulu ʋaa ɣɛ. Kɛ ʋulu veaitiɛ te pɛ taale te ga kuuzu nɛɛ vea. Na ɣa ɣɛɛna kaɓawɔitiɛ ɓalaa te pɛ taale te ga kuuzu nɛɛ vea. Gala Kɔlɔi dɛɛvɛ ga kaɓawɔ lai ɓɔga ʋulu ʋai te pɛ ta ga faa-nɛɛ kuloai Jehova ya.

1. Zɛɓɛi e ga kulo su-nu-mai nu ɣa sɔlɔwo ani ya ɣɛna ga kaɓawɔ?

Gala Kɔlɔi ɣɛ: “Nui ta ná tabolo wɛ̃ɛ ta ɣii wulo, manui ɣa kɛ ga pagɔ. Nui nii wɔnɔ yá e ná tabolo wɛ̃ɛ-wulo ʋaa va, ná dɛi ɣa va ga tamaa.” (1 Kɔlĩitiɛ 7:​32, 33, 38 lodo.) Kaɓawɔi na dɛɛ ɣa va ga tamaa ɣɛ le? Kaɓawɔitiɛ tɛ lɛ ɣi-gaa-ziɛa e ɣɛ velei ʋulu veaitiɛ ta ɣi-gaa-ziɛ la ga te te ŋazai ɔɔ te te wɔɔ nu ɓalama ʋaitiɛ ɣa wulo ba. Nii ɣa e kɛɛ siɛ tamaa ɣa ɣɛ te ya. Ma wo-kɔ̃ɔ-mai ta ɣa ga te taniga ta tii lamaa ɣɛ Gala goo wotii zu. Tii nii ta ɣa ga te li zuu ɓalaa su ga te Gala goi wo. Maɓigi ɣa ga, siɛ tamaa ɣa ɣɛ te ya ga te ta ziɛ-pului zu-ɓaa te yɔɔzu ta Jehova.

2. Zɛɓɛi e ga kulo su-nu-mai nu ɣa sɔlɔwo ani ya ʋulu ʋaa ɣɛɛna?

E ɣɛ velei kaɓawɔ lai la, ʋulu ʋai ɣa va ga kulo su-nu-ma lamaa. Gala Kɔlɔi ɣɛ “felegɔ ʋize wogɛ gila ba.” (Ecclesiastes 4:9) Nii ɣa ɓɔɔ ga gaama Kolai Maa Veai niitiɛ ʋaa ma te ga ʋulu vea, tiɛ ziɛ ga tɛnɛgi niitiɛ te Gala Kɔlɔi zu. Taitiɛ ta ʋulu ʋaa ɣɛ ta ɣiini ɣi-to ga te wõi ga ɣii. Ta bo wɔnɔ ga ta wũfe ɣiini ma na ɣa ɣɛɛna te ɣiini so ga pagɔ. Nii ɣa kɛ kuuzu nɛɛ ɣɛ te ya ɣiini faa ma e leve niitiɛ va te kii-ma kɛ tɛ lɛ dɛ ʋulu ʋaa ɣɛɛni. Ʋulu ʋai ɣa ɓɔ duu kɛɛ veaitiɛ va te te leaitiɛ wulosu ɓɔɔ ga pagɔ.

3. Jehova ɣa ɣi-gaa-ziɛ ɣɛ le e vile ʋulu ʋaa va?

Siɛgi ma Jehova ʋulu ʋai maa wũgi ɣɛɛni la, e ɣɛni tea: “Zunui ɣa wulo dee ɓɔga keea ta e ɣata ŋazai va.” (Genesis 2:​24) Jehova wõini ʋulu veaitiɛ te yɛ kii-ma e yɛsu te za. Nii nɔ ya kɛ ʋulu vea te ɣaa wɛɛ tɔ ga ani te ta ɣa wɛ̃ɛ-ziɛ bona. Jehova bogɛ ga ani ʋulu veaitiɛ te ta ɣa wɛ̃ɛ-ziɛ bona bɔlɛɛ ɣa wõina ta yɛ kii-ma ɔɔ te ɣaa wɛɛ.a (Mafiyu 19:9) Ŋaza nu lamaa wulo ʋai lɛ ga Jehova yii-ma ʋaa.​​—1 Temete 3:2.

FAA LAMAA MAA WOLI

4. Ani ya ga kaɓawɔ ɣaa-ɓaa e tii lamaa ɣɛ Jehova vɛ

Ziizɛ dɛɛni ga kaɓawɔ lai ɣa ga faa-nɛɛ. (Mafiyu 19:​11, 12) A Mafiyu 4:​23 lodo, wo gaa-zaɣa-kɛɛ nii ɣaa wote:

• Ziizɛ ɣaa ɓaani ɣɛ le na kaɓawɔ lai zu ga e Jehova yii-mai ɣɛ na ɣa ɣɛɛna e ɓɔ numaa va?

Kolai Maa Veai niitiɛ ɓalaa te ga kaɓawɔa ta kuuzu nɛɛ maa zɔlɔwo ta ɣaɓawɔ lai zu e ɣɛ velei Ziizɛ kɛɛni la. ƲILIOGI nii lɛ ga. Yá wolona, wo gaa-zaɣa-kɛɛ niitiɛ ɣaa wote.

ƲILIOGI: Kaɓawɔi Niitiɛ Te Jehova Yii-Mai Ɣɛɛzu (3:11)

• Pelei taniga ta ga zɛɓɛ Kolai Maa Veai niitiɛ te ga kaɓawɔa ta kuuzu nɛɛ maa zɔlɔwo la ta ɣaɓawɔ lai zu?

E Ɣɛni Nii Wõni?

Gala Kɔlɔi lɛ kwenagi lɛɛni manɛɛ nu ziiti su ga e ʋulu ʋaa ɣɛ. Na ɓalaa ɣɛɛvɛ, Gala Kɔlɔi nu niinɛitiɛ lɛnɛgɛ ga te naa maa kpowũ e yɛsu siɛgi nii leve ŋaza nu ɔɔ zunu wõi ɣa wɔɔlɔ la nu ɣigii zu. Siɛgi na zu, nu niinɛitiɛ tɛ lɛ zooga tɔ deʋe vagɔ wo e vile ʋulu ʋaa va.​—1 Kɔlĩitiɛ 7:​36.

5. Deʋe vagɔ wo e vile nui nii va e wõini e fulu

Deʋe wo fai e vile nui nii va e woni e fulu tɔ ga faa ɓigii ta ya ŋeteai zu. A Mafiyu 19:​4-6, 9 lodo, wo gaa-zaɣa-kɛɛ nii ɣaa wote:

• Zɛɓɛi e kɛɛ maa lɛ nɛɛni Kolai Maa Veaitiɛ tɔ ʋile ga ʋulu ʋai?

Gala Kɔlɔi ɣa ɓɔ e va e tuɓo-velei niitiɛ wɛ̃ɛ manɛɛ e ɣɛ nui nii ya e vaazu fuluzu. Maɓigi ɣa ga nui nii ɣaa-ziɛ wõila zeea Jehova ʋaa ma.b A 1 Kɔlĩitiɛ 7:​39 ɓɔga 2 Kɔlĩitiɛ 6:​14 lodo, wo gaa-zaɣa-kɛɛ niitiɛ ɣaa wote:

• Zɛɓɛi e kɛɛ Kolai Maa Veaitiɛ te ta nɔɣa manɛɛ de fulu?

• E ɣisu Jehova ɣa ɣi-gaa-ziɛ ɣɛ le ani da nui ta ʋuluna tɔwɔ wõila lɛ manui ya faa ma?

6. Ɣi-gaa-ziɛ e ɣɛ velei Jehova ɣa ɣi-gaa-ziɛ la e vile ʋulu ʋaa va

Wɔlɔ-wɔlɔi zu faa wolo nɔɣa ɔ kɛ Yezɔi zinai taniga te ɓe te ŋazaitiɛ va. A Malachi 2:​13, 14, 16 lodo, wo gaa-zaɣa-kɛɛ nii ɣaa wote:

• Zɛɓɛi e kɛɛ Jehova lɛ wõini ʋulu vea tɔ ɣaa wɛɛ ani te ta lɛ wɛ̃ɛ-ziɛ boni?

ƲILIOGI nii lɛ ga. Yá wolona, wo gaa-zaɣa-kɛɛ nii ɣaa wote.

ƲILIOGI: Manɛɛ Ʋulu Vea Te Yɛ Kii-Ma Te Mɛlɛ Ɣaa Wɛɛ (4:30)

• Ani e ŋazai ɔɔ e wɔɔ nu lɛ ga Kolai Maa Veaitiɛ te ta, zɛɓɛi yà kɛ ga kuuzu nɛɛ ɣɛ wo ya?

7. Ziɛ ga nii Jehova boga e vile ʋulu ʋaa va

ƲILIOGI: Ya Zoo E Ziɛ Ga Nii Jehova Boga E Vile Ʋulu Ʋaa Va (4:14)

A Hiiɓuluitiɛ 13:4 lodo, wo gaa-zaɣa-kɛɛ niitiɛ ɣaa wote:

• Nii Jehova boga e vile ʋulu ʋaa va e ɣisu tɔ ga faa vagɔ? Zɛɓɛi e kɛɛ yiɛ na wo?

Manɛɛ Kolai Maa Veaitiɛ te kɔlɔ wulo gɔmɛtii ya ani ya vaana ʋulu ʋaa wɔ ɔɔ gaa wɛɛ ʋaa wɔ ɓɔvɛlaale na ɣa gɔmɛtii wõini te kɛ. A Taitɔ 3:1 lodo, wo gaa-zaɣa-kɛɛ nii ɣaa wote:

• Ani e ʋulu ʋaa ɣɛɛ e laavɛ la ga e kɔlɔ wuloa gɔmɛtii ya?

NII SA È MAA WOLIA

Kaɓawɔ lai ɓɔga ʋulu ʋai ɣa ga faa-nɛɛ kuloai Jehova ya. Ʋulu veaitiɛ ɓɔga kaɓawɔitiɛ ta zoo te kuuzu nɛɛ maa zɔlɔwo ani ta ta ŋeteai ɣɛɛna e ɣɛ velei nɔ Jehova boga la.

Ma-ɓigitiɛ

• Kaɓawɔitiɛ ta leve ɣɛ le te tii lamaa ɣɛ?

• Zɛɓɛi e kɛɛ ani Kolai Maa Veaitiɛ te ta wõini e ʋulu ʋaa ɣɛ, manɛɛ e nui ta ʋulu e ga Jehova ʋeli nui ta.

• Zɛɓɛi Gala Kɔlɔi boga ga ya kɛ ʋulu vea te ɣaa wɛɛ?

WƐLƐ FAA LAMAA VA

Nii Gala Kɔlɔi boga ga “Kolai Ma Nui ta” nɔɣa manɛɛ de fulu, su-wulo-zu ɣa ga zɛɓɛ?

“Gaa-Zaɣa-Kɛɛ Kɔlɔ Lodo Beaitiɛ Ta Bo” (The Watchtower, July 1, 2004)

Wɛlɛ velei ʋiliogi nii ɣa ɓɔ la e va e deʋe vagɔ wo ani ya ɣɛna wõini e ʋulu ʋaa ɣɛ.

Ya Ɣɛna Ɣavele Ɓɛtɛzu Ga E Ʋulu Ʋaa Ɣɛ (11:53)

Wɛlɛ nii va e kɛɛ de ɣaa yɔwɔ̃i yiɛ ɣi-gaa-ziɛ ga nii Jehova kɛɛ bɛ fize wogɛ e leve niitiɛ ɓɔgapɛ ba e valaga ma.

E Ɣɛni Ki-Su Ga Tɔ Vaazu Gala Kɔlɔi Maa Wolizu (1:56)

Zɛɓɛi manɛɛ nu ɣi-gaa-ziɛ ma ani e wõini ta ŋazai ɔɔ ta pɔɔ nu te ɣaa wɛɛ?

“Wũfe Nii Ma ‘Gala Ge Pua Kii-Ma’” (The Watchtower, December, 2018)