Liproverbia
23 Hauina, kuli uce ni mulena,
Unahanisise hande muinelo;
2 Ubeye tipa fa mumizo wahao*
Haiba unani takazo yetuna ya kuca.
3 Usike walakaza lico zahae zende,
Kakuli ki lico za bupumi.
4 Usike waikataza kubata bufumu.+
Kutumana mi ubonise kutwisiso.*
5 Hauka butalima ka meeto ahao, habusana kubateñi,+
Kakuli bukamela mafufa sina mbande ni kufufela mwa mbyumbyulu.+
6 Usike waca lico za mutimani;*
Usike walakaza lico zahae zende,
7 Kakuli uswana sina mutu yabuluka sikoloti.
Ukubulelela kuli: “Uce mi unwe,” kono haki sona satalusa.*
8 Ukataza tuemba-emba twa lico zeucile
Mi ukabe usinyize manzwi ahao akuitumela.
10 Usike wasutisa sisupo sa mululwani sakale+
Kamba kukena mwa simu ya bana babasina bo ndataa bona.
12 Uise pilu yahao kwa kalimelo
Mi usikekele zebe yahao kwa manzwi a zibo.
13 Usike watima mwana* kalimelo.+
Haiba umushapa ka tupa, haana kushwa.
14 Umushape ka tupa,
Kuli umulamulele kwa Libita.*
17 Pilu yahao isike yashwela muna baezalibi,+
Kono usabe Jehova ka nako kaufela,+
18 Kakuli haueza cwalo ukaikola zende kwapili+
Mi sepo yahao haina kufela.
19 Mwanaka, uutwe, mi utalife,
Mi uzamaise pilu yahao mwa nzila yelukile.
20 Usike waina mwahalaa babanwa hahulu waine,+
Mwahalaa babafunjela nama,+
21 Kakuli cakolwa ni yaca hahulu, bakakenelwa ki bubotana,+
Mi kuozela kukaapalisa mutu manjabila.
24 Ndatahe mwana yalukile ukanyakalala luli;
Ndate kaufela yapepa mwana yabutali ukawabeliswa ki yena.
25 Ndataho ni maho bakawabelwa,
Mi maho yakupepile ukanyakalala.
26 Mwanaka, unife pilu yahao,
Mi meeto ahao atabele linzila zaka.+
28 Ubandamena sina lisholi;+
Uekeza kwa palo ya baana babasa sepahali.
29 Ki mañi yanani bumai? Ki mañi yaziyelehile?
Ki mañi wa likomano? Ki mañi wa lipilaelo?
Ki mañi yanani mañiba kusina libaka? Ki mañi yanani meeto aafubelezi?*
31 Usike watalima mubala wa waine omufubelu
Haipazima mwa komoki ni moishulumukela ka bubebe,
32 Kakuli kwa mafelelezo iluma sina noha,
Mi izwisa sifanu sina sibili.
34 Mi ukaswana sina mutu yalobezi fahalaa liwate,
Sina mutu yalobezi kwa ngo ya musumo wa sisepe.
35 Ukabulela kuli: “Baninatile, kono hakuna seniutwile.*
Baninatile, kono hanisika ziba.
Nikazuha lili?+
Nisatokwa kunwa hape.”*