Mikopano ya Sebelezo ya Mwa February
Viki ye Kala February 5
Pina 2
10 miz: Lizibiso za fa sibaka. Lizibiso ze ketilwe ku zwelela mwa Bukombwa bwa Luna bwa Mubuso. Taba ya Teokratiki.
15 miz: “Ku Shaela Niti ka Zazi ka ku Likanyisa Jesu.” Lipuzo ni likalabo. Mu lundulule ka bukuswani piho ya sebelezo ya mwa simu ya Zambia. Mu fumane kalabo kwa baputehi ka za avareji ya lihora—Kana i bonisa kuli lwa shaela niti ka zazi? Mu fe susuezo ye swanela. Mu bale paragilafu 5.
20 miz: “Ku Fumana Sinotolo sa Tabo ya Lubasi.” Mu buhisane mitahisezo ye akalelizwe, mi mu be ni poniso i liñwi kamba ze peli.
Pina 3 ni tapelo ya ku kwala.
Viki ye Kala February 12
Pina 21
10 miz: Lizibiso za fa sibaka. Piho ya za mali. Mu fe zibiso ka za litukiso ze ipitezi za sebelezo ya mwa simu kwa mafelelezo a viki.
13 miz: “Mu Itukiseze Musebezi wa Ñoliso mwa April.” Mu koñomeke butokwa bwa Tora ya ku Libelela ni Awake! mwa ku zibahalisa taba ye nde. Mu bale taba ya maparagilafu a malalu, ni ku bonisa seo puteho ya fa sibaka i ka eza ilikuli April i be kweli ye ipitezi kwa neku la ku abela limagazini ni ku fumana liñoliso.
22 miz: “Ni Kona Cwañi ku Fumana Zebe ye Teeleza?” Lipuzo ni likalabo. Mu be ni bahasanyi ba babeli ba ba buhisana ka m’o ba ka likela ku ba ni mufutumala o ekezehile ha ba ka bulela fa minyako, ka ku itusisa mitahisezo ye miñwi ye filwe mwa Buka ya Muzamaisezo wa Sikolo, makepe 165-7, maparagilafu 10-21.
Pina 18 ni tapelo ya ku kwala.
Viki ye Kala February 19
Pina 22
10 miz: Lizibiso za fa sibaka.
15 miz: “Mu Fumane Tuso ku Zwelela kwa Sikolo sa Bukombwa sa Teokratiki sa 1996—Kalulo 2.” Ngambolo ye fiwa ki muokameli wa sikolo. Mu koñomeke butokwa bwa ku bala Linzwi la Mulimu ka zazi.
20 miz: “Mu Tuse ka Lilato Bao Ba Ba Bonisa Cisehelo.” Mu lundulule mitahisezo ye akalelizwe ya ku eza misipili ya makutisezo. Eluda u buhisana ni bahasanyi ba babeli kamba ba balalu likalulo za buka ya Bupilo bwa Lubasi ni ka m’o zeo ne li kana za koñomekelwa. Mu bonise mutahisezo u li muñwi kamba ye mibeli. Mu fe liakalezo ka mwa ku tahiseza cisehelo ili ku fita fa sipimo f’o tuto ya Bibele i konwa ku kaliswa mwa buka ya Zibo ye Isa kwa Bupilo bo Bu Sa Feli.
Pina 8 ni tapelo ya ku kwala.
Viki ye Kala February 26
Pina 15
10 miz: Lizibiso za fa sibaka.
15 miz: Ku Itukizeza Mitahisezo ye Tabisa. Muokameli wa sebelezo kamba eluda yo muñwi u buhisana ni bahasanyi ba babeli kamba ba balalu lituso za ku eza mitahisezo ya fa munyako ni munyako ye bonisa nto ye ñwi ye tabelwa fa sibaka. Ka mutala, lipiho za mwa makande a fa sibaka ka za buikatazo bwa cwale bwa ku kondolokisa mupilelo; ku hula kwa mukwa wa butata bwa mwa manyalo, butata bwa lifosi za banana, kamba butata bwa ku fumana musebezi; kamba likalulo za makande ze bonisa libaka batu ha ba sweli ku fita fa ku kakanya ko ku ekezeha ka za lituso ze fiwa ki ba bupolitiki ni ba bahulu ba bulapeli. Mu bulele ka za litaba za mwa makande a cwale mwa silalanda sa mina, mi mu buhisane ka m’o ne li kana za itusisezwa mwa ku kalisa lipuhisano.
20 miz: Ku fa buka ya Zibo ye Isa kwa Bupilo bo Bu Sa Feli mwahal’a March. Mu bonise likalulo ze ñwi za buka ze tabisa ze konwa ku itusiswa mwa ku kalisa lipuhisano. (1) Mu hohele mamelelo kwa maswaniso a nyangumuna, a cwale ka a bonisizwe fa makepe 4-5, 86, 124-5, 188-9. (2) Mu bonise ka m’o kauhanyo ni kauhanyo i felela ka mukoloko wa lipuzo za ku lundulula, mi mu taluse ka m’o zeo li konwa ku itusisezwa sina mutomo wa mitahisezo. Muñ’a ndu n’a kana a buziwa ka za haiba n’a ka tabela ku ziba likalabo. Mu kete lipuzo ze ñwi ku zeo ze kolohanyizwe fa makepe 11, 22, 61, 149. (3) Mu ame kwa sikwenda se si fa likepe 102, mi mu fe liakalezo ze bonisa ka m’o “Miinelo ye Miñwi ya Mazazi a Maungulelo” i konwa ku itusisezwa mwa ku zusulusa cisehelo. (4) Mu koñomeke ka m’o buka i lukiselizwe sihulu-hulu kwa neku la ku zamaisa lituto ze zwelapili. Likauhanyo ki ze kuswani, litaba ki ze bunolo ku li utwisisa, mañolo a m’ata a bonisizwe, mi lipuzo za patisiso li tomile fa lisupo ze tuna. Mu susueze bote ku fa buka ka mulelo wa ku kalisa lituto.
Pina 25 ni tapelo ya ku kwala.