Kana Ni Tokwa ku Cinca Kamita?

Musulo o muñwi ni o muñwi wa Bukombwa bwa Luna bwa Mubuso u fa mitahisezo ye fitana-fitana ya mwa Mañolo ye lu kona ku itusisa ha lu fa bupaki. Bahasanyi ba bañata ba ba cisehela mwa sebelezo ba itatela hahulu ku fumana mihupulo ye minca ni ku itusisa miatumelelo i sili. Bukombwa bwa Luna bwa Mubuso bu ba fa se ba tokwa ka ku fa liakalezo ze sikai ka kweli ni kweli.

Nihakulicwalo, ne ku kana kwa ba kuli ha mu ikutwi ku ba ni tokwahalo ya ku zwelapili ku cinca seo mu itusisa sona. Ne mu kana mwa ba fela ni lihora ze sikai ka kweli ni kweli za ku abana mwa musebezi wa fa ndu-ni-ndu. Mwahal’a nakonyana, ne mu kana mu tahisize mitahisezo ye miñwi ye mu ikutwa ku lukuluha mwa ku i sebelisa hande, mi mu ba ni ze nde ze zwa mwa ku itusisa yona. Ne mu kana mwa itinga fa mañolo a mañwi a’ itusiswa hañata, ku kopanyeleza cwalo ni Samu 37:9-11, 2 Pitrosi 3:13, Sinulo 21:4, ni a mañwi cwalo. Haiba ku cwalo, ha ku na tokwahalo ya kuli mu ikutwe ku ba mwa tamo ya ku cinceza kwa nto ye ñwi hañata. Sikonkwani sa luna se si mutomo ki ku abana sepo ya Mubuso ni ba bañwi ni ku ba tusa ku ituta se ba lukela ku eza kuli ba swanelwe ki mbuyoti ya Jehova. Haiba mu fumana mitahisezo ya ka bunako ili ye latiwa mwa buka ya Reasoning ili yeo mu lata ku sebelisa mi mu fumana kuli batu b’a nga muhato o munde ka yona, mu si ke mwa zina-zina ku itusisa yona.