Mitahisezo ye Bunolo Ki ye Minde Hahulu

¹ Ki kabakalañi bahasanyi ba banana ha ba iswanga hahulu mamelelo ki be ba abana ni bona lushango lwa Mubuso? Libaka le liñwi ki la kuli ba itusisanga lipulelo ze bunolo. Bahasanyi ba bañwi ba kana ba ikutwa kuli ku paka ka buanyu ku tokwa mutahisezo o m’ata. Kono ku bonahezi kuli mutahisezo o bunolo ni o utwahala ki o munde hahulu.

² Jesu n’a shaezi Mubuso wa Mulimu ka nzila ye bunolo ni ka ku nonga mi n’a lutile balutiwa ba hae ku eza cwalo. (Mat. 4:17; 10:5-7; Luka 10:1, 9) N’a itusisanga makalisezo, lipuzo, ni liswanisezo ze bunolo kuli a hohe mamelelo ya bateelezi ba hae ni kuli a ba fite kwa lipilu. (Joa. 4:7-14) Lu lukela ku likanyisa mutala wa hae ni ku itusisa mitahisezo ye kona ku utwisiswa ka bunolo.

³ ‘Evangeli ya mubuso’ ki lushango lo lu lukela ku shaela. (Mat. 24:14) Ku itusisa Mubuso ku ba ona mutomo wa ngambolo ya mina ku ka mi tusa ku ba ni mutahisezo o bunolo. Mu bulele ka za lika ze ba iyakatwa hahulu ba ba mi teeleza. Basali ba tabelanga hahulu litaba ze ama lubasi lwa bona ku fita litaba za bupolitiki. Bondate ba iyakatwanga hahulu za musebezi wa bona ni za buiketo bwa lubasi lwa bona. Ba banca ba tabela za nako ya bona ya kwapili; basupali bona ba tabela za buikangulo bo bunde ni buiketo bwa bona. Hañata, batu ba iyakatwanga za likezahalo za fa sibaka ku fita ze ezahala mwa linaha ze kwahule. Ha se mu ambozi za litaba zeo bona ni mina mu iyakatwa, mu ise mamelelo kwa limbuyoti zeo batu ba ba utwa ba ka ikola mwatas’a puso ya Mubuso wa Mulimu. Mu kona ku zusa cisehelo ya muteelezi wa mina ka ku itusisa manzwi a bunolo, e mu nahanezi cimo, ku kopanyeleza cwalo ni liñolo.

⁴ Mu kana mwa kalisa puhisano ka ku bulela kuli:

◼ “Ku si na kuliñi, mwa lumela kuli batu ba ziyezwa hahulu ki matuku a mañata a si na likalafo. Kono kana mwa ziba kuli Mulimu u sepisize kuli u ka tuha a felisa matuku kaufela, mane ni lifu?” Mu libelele kalabo, mi kihona mu ka bala Sinulo 21:3, 4.

⁵ Ka ku itusisa mitahisezo ye utwahala ni ye bunolo, haike mu fite kwa lipilu za batu ba bañata ni ku fita mwa kalulo ya simu ya mina, ili ku ba tusa ku ituta ka za Jehova ni sepo ya ku ikola bupilo bo bu sa feli.—Joa. 17:3.