Ku Fa Buka ya Itute ku Muluti yo Mutuna

◼ “Kana mu nahana kuli lifasi ne li ka ba sibaka se sinde kambe batu ne ba latelela pulelo ye? [Mu bale Mateu 7:12a. Mi cwale mu litele kalabo.] Buka ye i na ni lituto ze ñata ze zwa ku muluti yo mutuna ka ku fitisisa ya kile a pila.” Mu bonise maswaniso ni manzwi a ñozwi ka za maswaniso ao mwa kauhanyo 17.

◼ “Bashemi ba bañata kacenu ba lika ku luta bana ba bona likuka ze nde. Kana mu ikutwa kuli seo ki sa butokwa? [Mu litele kalabo. Mi cwale mu bale Liproverbia 22:6.] Mu lemuhe kuli bashemi ba susuezwa ku kala ku luta bana ba bona ku zwelela kwa bwanana. Buka ye i lukiselizwe ku ba tusa ku eza cwalo.” Mu bonise maswaniso ni manzwi a ñozwi ka za maswaniso ao mwa likauhanyo 15, 18, kamba 32.

◼ “Kamita bashemi ba komokiswanga ki lipuzo ze ba buzanga bana ba bona. Ze ñwi za lipuzo zeo za kona ku ba t’ata ku li alaba, nji haki cwalo? [Mu litele kalabo. Mi cwale mu bale 2 Timotea 3:14, 15.] Bom’ahe Timotea ni bokukw’a hae ne ba mu lutile ze a bulela Mañolo ku zwa kwa bwanana. Buka ye i kona ku tusa bashemi ku luta bana ba bona ka nzila ye swana kacenu.” Mu bonise maswaniso a sikai ni manzwi a ñozwi ka za ona mwa kauhanyo 11 ni 12 kamba 34 ku isa 36.