“Kutiseza Jehova Mpo”

Lukona cwañi “kutiseza Jehova mpo kacenu”? (1 Makol. 29:5, 9, 14) Kwatasi kubonisizwe linzila zeshutana-shutana zelukona kuitusisa kwa kufa linubu za kuitatela kuli lutuse mwa musebezi wa Lipaki za Jehova mwa sibaka semupila ku sona kamba mwa lifasi kaufela.

NUBU YEFIWA KA KUITUSISA INTANETI KAMBA KA KUBEYA MWA MBOKISI YA LINUBU ITUSA KWA:

• 

  MUSEBEZI WA MWA LIFASI KAUFELA

  kuyaha ni kubabalela liofisi za mutai ni liofisi za toloko

  likolo za Sikreste

  babainzi mwa sebelezo yeipitezi ya nako kaufela

  batu babatahezwi ki likozi

  kuhatisa, kulukisa mavidio, ni kulukisa lihatiso za kubalela fa tupangaliko

• 

  LISINYEHELO ZA PUTEHO

  lisinyehelo za puteho, zecwale ka kulifela mezi ni malaiti ni kubabalela Ndu ya Mubuso

  buitamo bobuezizwe ki puteho bwa kulumela ofisi ya mutai linubu za:

  • musebezi wa mwa lifasi kaufela wa kuyaha Mandu A Mubuso ni Libaka za Mikopano

  • Tukiso ya Mwa Lifasi Kaufela ya Kutusa Kokubile ni Lisinyehelo

  • misebezi yemiñwi yeezwa mwa lifasi kaufela

MIKOPANO YEMITUNA NI MIKOPANO YA MUPOTOLOHO

Linubu zemufanga fa mikopano yemituna lifiwanga kwa musebezi wa mwa lifasi kaufela. Kacwalo, masheleñi a lisinyehelo za mikopano yemituna, mikopano yeipitezi, ni mikopano yemituna ya macaba azwanga mwa linubu za musebezi wa mwa lifasi kaufela.

Linubu zelufanga kwa mukopano wa mupotoloho liitusiswangwa kwa kulifela miyaho yekona kuitusiswa kuezeza teñi mikopano, kuibabalela, ni kwa kulifela lisinyehelo zeñwi zebanga teñi. Mupotoloho wakona kuatula kuli linubu zesiyezi lilumelwe kwa ofisi ya mutai kuli liitusiswe kwa musebezi wa mwa lifasi kaufela wa Lipaki za Jehova.