LUMINGU LUA DIA 9-15/6

BIUMA BIA MU DÎYI DIA NZAMBI

Mulume ne mukaji ba mu Isalele wa kale basombe badia diampa. — Mulume muena Isalele ne mukajende basombe kaba katalale bela tshianza mukana.

1. Ikalayi ne ditalala mu dibaka dienu

(Min. 10)

Kabitu bipepele bua kulama ditalala to, kadi nuenu nudienzeja bua kudilama, nebinuambuluishe bikole (Nsu 17:1; tangila tshimfuanyi)

Kuikadi uvuija bualu bukese bulua bualu bunene to (Nsu 17:9; g-F 9/14 11 §2)

Ikala udikanda (Nsu 17:14; w08 1/7 20 §6–21§1)

Mulume ne mukajende ba tshikondo tshia kale kabayi ne disanka to, tshibi bikale babanji. Mbasombe kumpala kua biakudia bia bungi bavunge maboko, mukaji mutangile kua tshianana ne kapeja padi bayende wenda wakula.

2. Bubanji bua mu Dîyi dia Nzambi

(Min. 10)

Nsu 17:24: Ntshinyi tshitudi ne bua kuenza bua katufuanyi muntu mutatakane udibu batele mu mvese eu? (w06 15/9 19 §10)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 17:1-17 (th dilonga 10)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) PADI MPUNGA UMUENEKA. (lmd dilongesha 3, kamutu ka bualu 5)

5. Mua kubanga kuyukila ne muntu

(Min. 4) MUABA UDI BANTU BA BUNGI. Lomba muntu bua nulonge nende Bible. (lmd dilongesha 6, kamutu ka bualu 4)

6. Muyuki

(Min. 5) ijwbv tshiena-bualu 60—Tshiena-bualu: Nsumuinu 17:17 udi umvuija tshinyi? (th dilonga 13)

TUIKALAYI NE NSOMBELU WA BUENA KRISTO

7. Ikalayi ne bibidilu bidi binuambuluisha bua kuikala kuyukila bimpe

(Min. 15) Diyukidilangana.

Nuenu nuyukidilangana bimpe, nenuikale ne disanka mu dîku dienu. Bena mu dîku bobu bambilangana malu patoke, badi mua kueleshangana diboko bua kukumbaja amue malu ne kuambuluishangana mu bikondo bikole. (Nsu 15:22) Ntshinyi tshinudi mua kuenza bua nuikale nuambilangana malu patoke mu dîku dienu?

Ikalayi nupitshisha dîba pamue. (Dut 6:6, 7) Bena mu dîku bobu benza mudimu pamue, babuela mu bisangilu pamue, bayisha pamue, ne benzelangana tumalu tudi tubasekesha padibu basombe pamue, nebanangangane bikole ne nebeyemenangane kabidi bikole. Nebikale kabidi ne mpunga ya kuikala bayukila badilekelele. Kudi misangu idibi mua kukulomba bua kuenza bualu budi bena mu dîku dienu basue pamutu pa kuenza tshiudi wewe musue. Wewe muenze bualu budi bena mu dîku dienu basue abu, nebikale bimpe be! (Flp 2:3, 4) Mmunyi munudi mua kuenza malu bimpe bitambe ne dîba dienu pamue?—Ef 5:15, 16.

Bualu bua mu filme wa “Londayi njila udi ufikisha ku ditalala mu dîku—Akajayi mushindu wenu wa kuyikila.” Bena mu dîku badia pamue.

Ela FILME wa Londayi njila udi ufikisha ku ditalala mu dîku—Akajayi mushindu wenu wa kuyikila. Pashishe webeje bateleji ne:

Mmushindu kayi udi telefone yetu mua kunyanga diyukidilangana dia bena mu dîku?

Andamuna
Ntshinyi tshikuabu tshiudi mulonge mu filme eu bua mushindu muimpe wa kuyukidilangana?

Andamuna

Ikala uteleja bimpe. (Yak 1:19) Bana bobu kabayi ne buôwa bua ne: baledi babu nebabumvue bibi anyi ne: nebabalumbuluishe, badi mua kudiumvua badilekelele bua kubambila malu abu. Nunku padi muanebe ukuambila bualu budi bukutonda, enza muebe muonso bua kufiiki munda to. (Nsu 17:27) Kadi diteka pa muaba wende, umuteleje. Keba bua kumvua tshidi mu meji ende ne mudiye umvua bua umuambuluishe ne dinanga dionso.

8. Dilonga dia Bible dia tshisumbu

(Min. 30) bt nshap. 27 §19-22, kazubu kadi mu dib. 242