Chilongesa 14

Masepa jaKalunga Veji Kulihenga kuVyuma Vyavipi

Satana eji kweseka vatu valingenga vyuma vyavipi. Mutu mwasaka kupwa sepa lyaKalunga atela kuhunga vyuma ahunga Yehova. (Samu 97:10) Masepa jaKalunga vatela kulihenga kuvyuma vyakufwana nge vino:

Ujila. “Kanda mukalinga ujilako.” (Kulovoka 20:14) Kulinga ujila shimbu kanda vatu valimbate nachikiko chapwa chakuhenga.—Wavaka-Kolinde 1, 6:18.

Utakwa. “Vaka-kupenda wala . . . kaveshi kukaswana wangana waKalungako.”—Wavaka-Kolinde 1, 6:10.

Kujiha vatu, Kufumisa Majimo. “Kanda mukajiha mutuko.”—Kulovoka 20:13.

Wiji. “Kanda mukevako.”—Kulovoka 20:15.

Kwonga. Yehova ahunga “lilimi lyakwonga.”—Vishimo 6:17.

Ulyanyi naUtenu. “Vaka-kuhuka navava vazanga ulyanyi mwono wenyi unavahungu.” (Samu 11:5) “Vilinga vyachisemwa chahamavu vinalumbunuka, vikiko vene evi . . . namatoto.”—Wavaka-Ngalesha 5:19, 20.

Kuhema njuka. “Kachi nge kuli mutu vanavuluka ngwavo . . . muka-lwiso, . . . ngwami, kanda mukalikata nenyiko.”—Wavaka-Kolinde 1, 5:11.

Kulijinjila haVikova naChisemwa. “Vazangenunga vaka-kole jenu, valombelenungava vali nakumiyanjisa.”—Mateu 5:43, 44.

Vyuma Eji Kutulwezanga Kalunga Vyapwa Vyakutukafwa. Kachapwa chachashi kuhona kulinganga vyuma vyavipiko. Oloze kutukafwa mwatukafwa Yehova naVinjiho jenyi, chinahase kutulingisa tulihende kuvyuma ahunga Kalunga.—Isaya 48:17; Wavaka-Fwilipi 4:13; WavaHepeleu 10:24, 25.