Mwaso 121

Likolezezenunga naVakwenu

(WavaHepeleu 10:24, 25)

1. Hakukolezeza vakwetu

Tumuzachile Yehova,

Natulizanganga chikuma

Nakutwama mukuunda.

Zangi yavatu jaKalunga

Yavakafwa vomikenga.

Chikungulwilo chetu chapwa

Uchinyino wakuswama.

2. Mazu aze amwenemwene

Eji kukolezezanga.

Mazu akutuvendejeka

Twawevwa kuvandumbwetu.

Omwo chawaha kuzachila

Hohamwe navandumbwetu.

Twafwila kulikolezeza

Nakukafwanga vakwetu.

3. Omu Likumbi lyaYehova

Linapandama chikuma,

Tukungulukenunga hamwe

Tutambukenga mujila.

Twafwila kuzachila Tengi

Navakwetu myaka yose.

Tulikolezezenu lika

Tulame kulonga chetu.

(Talenu nawa Luka 22:32; Vili. 14:21, 22; Ngale. 6:2; Teso. 1, 5:14.)