CHIHANDA 6

Vyuma Muka Natulinangula haLivaji Lyalinene?

Kalunga anongesele vatu vakuhuka nakuyovola Nowa natanga yenyi. Kuputuka 7:11, 12, 23

Wato uli helu lyameya, vatu vakuhuka vali mumeya, kaha vangelo vakuhuka vanaseze mijimba yautu nakuya mwilu

Vula yanokele hamakumbi 40 musana naufuku, kaha meya afwikile hamavu hosena. Vatu vakuhuka vosena vafwile.

Vangelo vakulikanga vazulile mijimba yavo yautu nakupwa jino vandemone.

Nowa, natanga yenyi, natunyama vanakufuma muwato, kaha kunasoloka kongolo

Vaze vapwile muwato vayovokele. Numba tuhu kutwala muze, Nowa natanga yenyi vafwile, oloze Kalunga mwakavasangula mangana vakayoye haya myaka yosena.

Kalunga mwakanongesa cheka vatu vakuhuka nakukayovola vatu vavilinga vyamwaza. Mateu 24:37-39

Satana navandemone vanakuzachisa jijila jakulisezaseza mangana vahungumwise vatu

Satana navandemone jenyi vachili lika nakuhungumwisa vatu.

Ngana muze chapwile mumakumbi aNowa, namakumbi ano nawa vatu vavavulu vali nakukana kuvatwaminyina kuli Yehova. Kalinwomu Yehova anongese vatu vakuhuka vosena.—WaPetulu 2, 2:5, 6.

Vinjiho jaYehova vanakuzachisa Mbimbiliya hakwambulila lunga; lunga ali nakutanga Mbimbiliya

Vatu vamwe vapwa nge Nowa. Veji kwivwililanga kuli Kalunga nakulinga vyuma mwavalweza. Vatu kana shina Vinjiho jaYehova.